21 Luglio 2010

Ricette domače: risi, bisi e teran

Ecco i risi, bisi e teran (quasi del tutto) eco-sostenibili
Ingredienti:
Per el brodo:
-zivole biologiche ciolte del contadin in Zeeland
-3 pomodori e 1 carota del orto de un amico che ga casa per le alte
-3 gambi de sedano del orto de Dolina de la mama de un altro amico
-patate novelle e un spigo de aio dal mercato de Den Haag

Per i bisi:
-bisi de l’orto de Bora.la
-1 zivola del orto de un amico che ga casa per le alte
-speck alto-adige souvenir de le ferie dei miei
-prezemolo dal mio pergolo
-oio extravergine de l’olivo che go adottado nelle Marche
-un spigo de aio dal mercato de Den Haag
-sal e pevere

Per el risotto:
-Un bicier de Teran de Pliskovica
-Un bicier de risi dela Coop
-2 zivole del orto de un amico che ga casa per le alte
-Burro ciolto alla Kaasboerdereij (letteralmente: fattoria de formaggio) vizin casa
-prezemolo dal mio pergolo
-un spigo de aio dal mercato de Den Haag
-sal e pevere

Preparazion:

Go fatto el brodo c’o la pignata atomica (ereditada de mia nona) de matina prima de andar al bagno.

Al ritorno, go spelá e lavá i bisi e cusinadi come al solito: go soffritto in un cuciar de oio la zivola e due fette de speck taiade a tochetti pici. Co’ la zivola iera dorada go butta i bisi, aggiungendo, dopo qualche minuto, l’aio, el prezzemolo tritado fin, el sal e el pevere.

Co’ i bisi iera pronti, go cominciá a preparar el risotto. Go soffritto le zivole nel burro, butta’ el riso e fatto tostar. Co el riso xé diventa giallo, go butta’ el bicier de Teran e fatto evaporar, dopo de che go aggiunto el brodo a poco a poco col caziul finché el riso iera cotto al dente. A quel punto go aggiunto i bisi, sal, pevere e un tochetto de burro per mantecar.

El risotto iera ottimo e siccome xe vanzá un poco oggi faro’ arancini de riso come aperitivo. Col brodo e le verdure cotte vanzade e un due fasoi faró inveze una minestrina per zena, da servir con una focaccia farcida con le famose blede, primo prodotto del mitico orto de bora.la

bora.la/cibo | Promuovi anche tu la tua pagina

Tag: , , , .

8 commenti a Ricette domače: risi, bisi e teran

  1. Avatar Kaiman

    Che brava per far de magnar.
    Mi invece pensavo de gaver sposa una donna che la savessi cuzinar come mia povera mamma, invece go trova una donna che sa bever come mio pare.

  2. Avatar cagoia

    podessi piaserme
    bastassi tirarghe via i risi e i bisi.

  3. @cagoia: ok! allora cavemo risi, bisi a agiungemo un ovo duro!
    @ kaiman: ocio che no la bevi come tuo pare mentre la cusina come tua mama…xe’ ris’cio de incidenti domestici! (digo per esperienza 😉

  4. voi se triestini “de terra”, e fe cussì, mi che son triestina più de mar stamattina me go fatto risotto con una zuchetta e code de scampi! e con vin bianco! booonnn

  5. Avatar cagoia

    mi che son triestin de tera stamatina… solo vin bianco.

  6. cagoia, te son recidivo!

  7. Avatar sindelar

    La mia riceta de ogi: parsuto co l’ananas ( gavè anche l’ananas nel orto de bora.la vero? 😉 )

  8. Avatar cagoia

    credo sia più probabile che i gabi qualche albero de parsuti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.