I Pooh del Rio Ospo al Sanremo Patoco

Seconda puntata del Sanremo Patoco Story. Stavolta Massimiliano Cernecca stravolge i Pooh e ci svela il vero motivo del loro scioglimento, nascosto nel testo di questa “el can del mulo D’Orazio”.

Introduzioni al pezzo (però messe dopo) di Maxino medesimo (el primo dialogo) e Diego Manna (el secondo dialogo).

I CANI DA CACCA

“…che comunque, te disevo… xe de considerar anche che…”
PLOCH
“NOOOO! te la ga pestada”
“ma pppporcamare, che schifo, poi chi la ga fatta un T-Rex? la gaverà 3 tonnellate”
“ben ma te podevi vardar, no?”
“scolta cocolo, ti che te ga i cani te dovessi star attento a dove li portè a far i stronzetti”
“mi stago sempre attento”
“ti te sta attento si, ma alla ‘forma e alla sostanza’ non al ‘luogo e alla consonezza'”
“scolta, ‘consonezza’, ara che mi porto 3 volte el giorno el mio can fora e vado sempre con la paletta”
“..e col secel, non se sa mai che te vegni voia de far una bela costruzion con tutto quel che el caga!”
“mi tiro sempre su, meto nel sacheto e buto via”
“se mi go un can, non sarò certo mi a tirar su. semo noi i paroni, i esseri superiori, cacchio, son mi che devo cagar per tera e lui con la paletta che tira su… no el contrario!”
“va ben, ma che razza de persona te son?”
“si ah, con quel che el me costa! no’l lavora, el se lamenta… poi in maniera ‘generica’!, cioè voio dir, no xe che el disi… ‘mmm cos’che gavessi bisogno che qualchidun me gratti la schena’, oppur ‘usssstia gavessi proprio fame’. niente, lui fa solo BAU, e cossa capisso mi?”
“xe segnali degli animali, i comunica cussì”
“te credo che dopo i xe frustradi, pensa ti… te son in ristorante, te vardi el menù, te ga le bave alla bocca, non te magni da do giorni, te sta per ordinar e te disi… BAU”
“ti te son tutto mona”
“…el camerier te varda, nol capissi e ti, tra lo stupito e il perplesso te ripeti… BAU, allora lui se avvicina”
“..ma finissila”
“…el se avvicina el te gratta la schena, e ti te vol dirghe… si bel.. però gavessi fame, e per dirlo te disi… BAU”
“e lui va avanti a grattar?”
“per forza, no’l ga capì!”
“ma mi me par che parlavimo de merda”
“si, esatto, quella che go sotto la scarpa”
“te devi impararte a vardar de più per tera”
“scolta, se vardo per tera i colombi me caga in testa, se vardo per aria pesto quele dei cani, xe una specie de Vietnam”
“in Vietnam i podeva contrattaccar”
“…si anche mi posso, giro col liquidator pien de pis e pena che vedo una bestia ghe sparo una raffica”
“me par un metodo intelligente, ecologista e soprattutto maturo”
“ecco. risolto! e comunque la cagada iera del tuo can, la riconosso”
“da cossa?”
“perchè ga l’incavo della pala”
“e ben… no rivavo a tirarla su, la pesava”
“tranquillo, non xe problemi, non se accorzerà nissun, ara per compensar vado dentro anche con l’altro pìe ecco.. cussì tutti me dirà… ma che beeeelle le scarpe con le zeppe maron, dove te le ga ciolte? eh, de pittarello, xe Geox… la scarpa che respira. Ara, le costa poco e anche se non te ga la scarpiera a casa le sta comunque su… te rivi e te le plozki sul muro SPLOOOCH, per effetto ‘coesione’ le resta la. resta solo un filin de odor, ma insomma, non xe che un pol preveder tutto, due arbre magique modello Sequoia del Borneo, te risolvi”

EL CANTIER DE UCIO E PINO

-Remengo suo che no la va via!
-Come xe Pino? Coss’te ga de lamentarte?
-Stavo andando zogar la sisal e ara qua, go zapà sta merda de can!
-Deiezioni canine!
-Ma cossa erezioni matutine? Coss’te disi monade! Ah alora el dotor ala fine te ga dà la riceta pa’l viagra! Bon desso me racomando…no sta far come quel vecio che dopo che’l cioleva el viagra el girava tuto el giorno co’la longa senza che ghe tornassi in amente cossa el doveva far. Comunque altro che monade, questa xe propio merda de can!
-Ma go capì! Metite su sto benedeto aparechio acustico. Disevo DEIEZIONI CANINE, che ghe vol parlar forbito. No te legi segnalazioni? Cossa te par che al sior sindaco i ghe scrivi che xe merda de can par tera? No, i ghe scrivi che ghe xe le deiezioni canine!
-Bon, ma desso come me neto sta siola?
-Te ga ragion, questo xe un bel problema. Mi no so tuti sti cani che bagola pei marciapie, una volta no i lassava. Saria si de scriverghe a segnalazioni, opur sul sito là del sior sindaco, che i fazi qualcossa, che i meti dei aparechi per forbirse le siole in qualche maniera, e che i neti par tera, che cussì proprio no se pol, no xe creanza, con quel che paghemo de tasse po’.
-Ciò Ucio, ma ti te ga za pagà le tasse?
-No ancora, ma presto sarà tempo de pagar…
-Ma come no te ga inteso? Sto ano no se paga dazio! comanda el didiele interpretativo!
-Ah, e cossa l’interpreta sto interprete?
-Che el foio che i te dà se ciama “dichiarazion dei rediti”, miga “caza el patuss”. ti intanto te dichiari, dopo per pagar xe tempo, ‘co te ga voia, nissun te cori drio, te pol magnarte anca un panin de porcina col kren, come el mato là che ghe ga portà le liste pidiele in lazio.
-Ah cussì xe te disi?
-Si si, ti intanto magna el panin, dopo tuto se giusta…

P.S. Le doti di musico (serio) del nostro Massimiliano si possono sentire sul suo sito, che contiene il suo primo CD “Immagino l’inverno”.