Grazie a Cayo! Effe che me ga mandà la foto, finalmente me xe tornà el soriso. Un novo manifesto del Pdl Trieste me ga ridà la fiducia. In marzo iera vegnù fora questo:
Che, anche se iera un ciaro regalo per el mio compleanno (4 marzo), me gaveva deluso, no fazeva rider e no gaveva niente de misterioso, quele robe tipo 23A2, tutto normale?, Udine vuole questo…
Alora gavevo ripercorso malinconicamente la parabola discendente del morbin dei manifesti in sto articolo di denuncia sociale.
Ma desso, finalmente, forsi propio stimolai dela critica, el Pdl-Trieste ga piazà questo:
Figada. Se torna al sfondo bianco, scrite nere e rosse, schema classico.
E una marea de numeri numereti e simbolismi. Spunta elementi geometrici, el tondo, sacro simbolo de unità e perfezion ciò. Miga monade. E dopo ghe xe quel 20000, quel 5000 e quel 1/2, che va sicuramente interpretai in qualche maniera. No so, tipo che 20000/5000/2 fa esatamente 2. Desso xe de trovar dove xe el 23, e se ritorna al legendario 23 A 2.
Beh, provè a contar le letere del’ultima frase 😉
Tuto torna insoma, un cercio (tondo) perfeto. Volemo altri!
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
quanti “bei colpi”…i ghe ga mandà ?
Se prendi medio-piccole come parola unica allora ce ne sono esattamente 23.
(ma i fa tutti i manifesti de 23 parole?)
“Tondo è concreto”
sta qua xe una scoperta rivoluzionaria: fin desso se saveva che el cercio – o tondo – xe astrato, ma le novità no finissi qua perchè…
…per quanto riguarda i numeri soto, go el sospeto che se trati dela formula segreta dela tanto cercada e fin desso mai trovada “quadratura del cerchio”, o tondo dir si voglia
Ma per favor,dei!!!!
me mancava….Finalmente i ideologi del Pidiele riemersi dal loro letargo se produsi in un altro memorabile elaborato numerico-letterario come d’abitudine.
23 e 2 ormai xè diventadi inezie obsolete a fronte dei 20.mila e 5mila attuali. Concretezza e rigor “circolare” connota l’elaborato, corredado dal pizzico guascone, “bel colpo”, del commento conclusivo…
L’attesa xè stada premiada! D:
e dopo sto secondo proclama, ch’el Pidiele stia dando i numeri sta diventando un più che fondado sospeto
Ma sul serio solo 20.000 novi posti de lavor creati da Tondo? Perchè mi guardandome intorno gaveria dito ‘ssai de più.
Tondo è perfetto, parola di G8.