Terzo appuntamento con Via Roma 11, la rubrica bisiaca di Federico Gon. Oggi ci parlerà degli effetti della neve, chi che la vol e chi che no…
VIA ROMA 11 – NEVE
di Federico Gon
NEVE: sostantivo; roba che se forma co’ l’acqua va sòto zero ma no cuss’ tanto de giazàr. La neve suscita tà la zènte tre distinte reaziòn:
QUEI CHE GHE PIASE: no i vedi l’ora che nèvighi, se fossi par lori se fazèssi i skilift parfìn tal Zochèt; no xe gnanca el 1 de setèmbre che zà i lustra i sci co’ la sciolina e zà i pregusta le oronononòne de sciàde a Valbruna, Piancavallo et affini, co’l real e segreto intento de impinirse come cavài in baita e vignìr zò pa’ le piste come s’ciopetòni, più pericolosi de un tir contromàn: il noto semiologo Umberto Eco Quà li descrive bene nel suo trattato “Divertimose come stornèi e bevevo come pìrie, tanto semo asicuràdi”;
QUEI CHE NO GHE PIASE: anca pochi fiòchi ghe fa vignìr i buligòti de pànsa, perché ‘lori in auto MAI se nèviga, anca se no ga fàt in tènp a tacàr: e via ciòr treni, bus, farse 20 km a pìe pitòst de cior in màn la màchina, o i farse portàr a lavòr de zente che normalmente gnànca no i la saluda. E finchè anca l’ultimo tròzo no xe sensa neve, i bruntùla sot dei bàfi contro del tènp infame che xe, come se noi vivessimo ai Carabi (e anca la i se la ciapàssi perché xe massa caldo…).
Il “Deutsch Wissenchaft Diktionarium” li classifica come “Kagasòtten und spaccaminkien uber alles”.
QUEI CHE NO GE CIAVA: che sia sol o piova, che sia neve o bora, che sia istà o inverno, che sia caldo o fredo, a quei ghe basta savèrlo prima dal giornàl o dàla televisiòn, cussì i se premunissi con ombrène, scarponi, siàrpe, capeì, etc….ma GUAI se le previsioni del tènp no ghe intiva, e lori i va fora in maniche curte a – 10…..le Madòne che i tira e i Santi che i dispìca del Calendario xe talmente rionomàdi che già nel 1657 Papa Benedetto XIII ‘veva scrit l’enciclica “Ut Madonne et porchi causa fallaciam previsionis”, corredandola con la postilla in volgare “Pàn e gabàn no sta mai màl”.
Ultimi commenti
Troppo triestini
Triestini e napoletani
The origin of Nosepolis
Tachite al Tram
Magnar ben, per bon – Cucina triestina in dialetto