18 Giugno 2014

L’Università delle nagane

el sunto L'università dele nagane apre a Trieste, grande conquista educativa dopo l'Università dei veci. Buona nagane a tutti!

Ecco, dopo l’Università dei veci “Vecia Trieste“, a Trieste verzi anche l’Università dele nagane,dela fusion tra la ex Università dele Bobe e la ex Università dele Legere.

Questo el piano de studi:

Sintomatologia onirica del spritz dele oto (Prof. Incatramois)
Sociologia del spritz dele diese (Prof. Minà)
Gastrodinamica del spritz de mezogiorno (Prof. Garbaucic)
Posologia alimentare del spritz de pranzo (Prof. Imbriag Hellen)
Equilibrismo deambulazionale de tuti i spritz dopo (Prof. Sbrumereaux)
Logospecificità del porcon intercalare (Prof. Sacramen)
Diplomazia dei longhi (Prof. Poopolee)
Politica postparlamentare dei pupoli (Prof. Longhee)
Disciplina del scagaz (Prof. Remitur)
Cinetica dinamica del ratapalz (Prof. Sac a’Gnade)
Armonizzazione cocleare del rutto (Prof. Belchiorre)
Logistica sangiacomina dele betole (Prof. Mezerco)
Molteplicità geometrica della clanfa taconeti (Prof. Sifonella)
Efficacia della contrazione linguistica nel turpiloquio (Prof. Motumare)
Mimetismo lavorativo (Prof. Noxecojoni)

Chi vol leger anche i requisiti de amission e i punti de merito, basta che vadi nela pagina del’Università dele nagane.

Tag: , .

23 commenti a L’Università delle nagane

  1. aldo ha detto:

    cossa solo teoria xe?
    e stages? tipo ciapar sol in fontana a barcola sul materassin o beverghe el drink in disco a quei che xe voltai?

  2. ufo ha detto:

    Mi no volessi dir, ma no ve par che sto programa de studio un pochetin el pica de una parte sola? Va ben che no se pol gaver tuto, o cussì i disi, e va ben che bisonia sempre lassar qualcossa per un domani, che no se sa mai, ma per mi come che xe fato sto programa no xe che el me staghi tanto ben. Tuto bel e bon, quel che ghe xe, per carità, ma xe quel che manca che xe falado. Spriz le oto, spriz le diese, spriz la meza, spriz maniando e spriz dopo manià e magari cafè coreto spriz, va anca ben cussì – ma la nostra tradizion? Voio dir, con tuti i ani de pratica e de gramatica e de botilie svode, la nostra secolare e consolidada tradizion de bever laško fin quando che casco dove la xe andada finir? Ciò, se gavere miga desmentigado dei bevitori de bire? Vara ti che lezere, lassarne fora cussì.

  3. sfsn ha detto:

    sarà che le nagane bevi spritz, le legere birete e le bobe super…

  4. ufo ha detto:

    E noialtri che bevemo de tuto, basta che brusi, podemo saltar i ani e andar direti ala tesi de dotorato?

  5. sfsn ha detto:

    mi son za prof, go numerosi PhD e master, anche al estero, perchè oogni piomba val un trenta e lode !

  6. Fiora ha detto:

    @4e5
    …ma finidi i studi e esercità per un congruo numero de lustri i sopravisudi diventai prof emeriti pur continuando a predicar mal pei bori, taca a razolar ben ,come Vasco e i Stones

  7. sfsn ha detto:

    i stones e vasco no xe né nagane, né bobe, né legere marze: xe tare, i se fa anche droghezi…

  8. Diego Manna ha detto:

    tare tendenti genconi alora 😀

  9. sfsn ha detto:

    orpo, mi go sempre dito gincon… no sarà miga che el gincon xe vasco e i genconi xe i stones?

  10. Fiora ha detto:

    mi sotolineavo l’iter de sti capiscola ..ginconi.
    i scuminzia storti come i ciodi che taco sui mii muri i prosegui sempre border oio santo line e po’ quei come vasco e i stones che sopravivi, tut’in tun i se ravedi e i diventa vegani.

  11. sfsn ha detto:

    i veri capiscola xe tuti triestini: el mitico Sabata nol se ga mai ravedù né el xe diventà vegan e ghe xe partida la pompeta mentre el tirava zo un fiasco del scafal in supermercato. Questa xe coerenza!!!

  12. Diego Manna ha detto:

    però secondo mi el sabata iera più legera che nagana 😉

  13. sfsn ha detto:

    Sabata per mi iera boba marza!

  14. maja ha detto:

    sabata iera cocolissimo. me lo ricordo una volta in postazion co la solita radio in via carducci.
    – ciao, cocola, te gaveria un milin de darme? no, perchè te sa che mi bevo…
    – sì, so, so…
    – ma alora te me conossi!
    ghe lo go dà ben che volentieri (sepur iero cista anche mi). imbriagon, ma onesto.

  15. aldo ha detto:

    per mi xe 3 iniziazioni: la boberia, il dark side e i spacai

    ogni iniziazion ga 3 gradi

    nela boberia i gradi xe bobeta, boba e bobana

    nel dark side i gradi xe legera, nagana e tara

    nei spacai i gradi xe marzo, marzissimo e gencon

    robe come boba marza e legera marza xe dopie iniziazioni

  16. sfsn ha detto:

    dark side in treistin no esisti: se disi toco scuro

  17. aldo ha detto:

    in triestin mi diria muleria storta ma dopo guere stelari la international muleria me par che usi bastanza l’espression dark said

  18. sfsn ha detto:

    drek sai me par meo!

  19. Diego Manna ha detto:

    me piasi sai questa dele tre iniziazioni 😀
    mi voio esser legera!

  20. bombastic ha detto:

    mi go ciapado il diploma de legera e in otobre me iscrivo all’università delle nagane

  21. ufo ha detto:

    Ma notarse e dopo far lipe fora per fora porta voti in più o in meno?

  22. Diego Manna ha detto:

    in più, chiaro! 😀

  23. aldo ha detto:

    dopo la laurea in scienze naganiche per diventar tara se pol far el master in via coroneo

Lascia un commento

Il tuo indirizzo email non sarà pubblicato. I campi obbligatori sono contrassegnati *