24 Ottobre 2011

Volentieri, cioè: no tegnimo, no i fa più, la provi andar in Friul

Novo video dei Sardoni Barcolani Vivi!
Dal loro primo album, Trieste 1000 novità, ecco Volentieri: “la vaga indecisione dell’avventore e la scontrosa grazia della commessa trestina” 😀
Ecco come i la presenta: “Volentieri!” è una risposta che spiazza sempre gli avventori dei negozi triestini, soprattutto se vengono da fuori Trieste: infatti, se nel resto d’Italia ognuno aspetta da questa risposta di essere accontentato, qui la commessa intende proprio l’opposto e lascia il cliente con un palmo di naso…e questa è una delle tante risposte del repertorio delle commesse, rese a volte nervose dall’avventore indeciso o troppo pretenzioso o che si presenta puntualmente all’orario di chiusura.
Per il cliente non resta che rivolgersi ai negozi cinesi dalla leggendaria pazienza e laboriosità.

Mi digo che per gaver la patente de triestin bisogna gaver fato almeno una volta nela vita ste robe:
1. dir “volentieri” intendendo no. E senza zontar dopo “volentieri, ma…” se no xe tropo facile.
2. tirar una clanfa, magari ciapandose una panzada per sbaio.
3. bever un capo in b dove no i sa cossa xe i capi in b.
4. scriverghe a segnalazioni
5. far una gara de savemocossa (e chi no sa, niente patente de triestin!) dal Molo San Carlo
6. dir almeno una volta “no xe frescheza”
e saria altre ancora, ma desso no xe frescheza, dei.
😀

P.S. I cd dei Sardoni Barcolani Vivi, che costa 7 euri, li trovè in tute le librerie più bobe de Trieste. Desso i ga dito che i farà el terzo fra un mesetto, lo scolteremo volentieri 😀
Qua li podè ritrovar su facebook.

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , , .

48 commenti a Volentieri, cioè: no tegnimo, no i fa più, la provi andar in Friul

  1. Avatar Fiora

    tuto bel e bon e gavessi passà l’esame cum laude…fata ecezion pel punto 6 inerente el savemocossa dal molo s Carlo….dovè meter una prova che sia più congeniale al genere feminile.
    Dovè ameter ch’el punto 6 xè maschilista e discriminatorio, ufa!
    Punto 6 squinzie & sogeti asimilati, NOSEPOL!

  2. Avatar Fiora

    🙁 solita pastrociona numerologa de pidiele che no son altro! oviamente el punto incriminà xè el 5 (zinqueeeee!)

  3. Avatar sfsn

    ciò diego, savemocossa xe una roba de triestini che ga 30 ani, quei oltre i quaranta come mi no sa cosschexe no perchè no i xe triestini, ma perchè i xe veci!
    Comunque come prova per la patente de triestin dirì anche che bisogna saver almeno dieci modi diversi per dir imbriago

  4. Avatar dimaco il discolo

    per josip, son triestin e no savevo. vado a impicarme. 🙂

  5. orca fiora te ga ragion, volevo scriver che iera solo per mas’ci quel punto ma poi me son dimenticà 😛

    sfsn, mi digo che anche i over 40 se ricorda ben 😉

    dimaco, te son dei nostri, sorry!!! 😀

  6. Avatar bona lama

    scusema ma manca el mitico “no gavemo, ma gavevimo,

  7. Avatar ufo

    Dimaco, bloca i manzi. Te se picherà dopo, desso gavemo de far! A gentile richiesta gavemo de organizar una gara. No xe giusto che in tuti sti secoli metà dela popolazion ghe xe stà impedido de praticar un dei sport più popolari! Semi miga sauditi – queste robe le xe intolerabili! Inutile star a spetar che el progreso caschi zo del pero, se volemo far finir sto afronto medieval ala pari dignità de chi frequenta le Rive dovemo darse de far noialtri, e desso subito – no xe el momento de pindolarse, le siore de Trst zà le sburta el porton per iscriverse.

    Pasemo al progeto esecutivo:
    – Soldi. Servi, come no. Tachemo con una coleta per le prime spese e le marche da bolo, in cambio 20×20 de spazio réclame sul tabelon dei risultati; una volta che gavemo un nome altisonante e una data podemo far un asta su ebay per venderghe ai media l’esclusiva dele riprese e dele imagini. Più vanti penseremo al merchandising, xe tempo.
    – Premi. Per chi vinzi, per chi riva dal secondo al ventesimo posto, per categorie, per juniores, per chi riva de più lontan, per el grupo più numeroso, e el premio special dela giuria e el premio ala cariera (no coriera) e el premio simpatia. Co xe risolto el punto 1 (schei) se fa subito. Andemo dei cinesi e compremo le straze più asurde che i ga in catalogo. Se va ben per le loterie de capodano anderà ben anca per noi. Se volemo esagerar femo etichete finte con fotosiop e le tachemo col vinavil, cussì sembra robe costose. Primo premio una tenda canadese, premio simpatia mi gavessi un dindio vestì de pavon, usado pochissimo.
    – Location. No xe cossa, molo San Carlo. Nianca discuter, tradizion xe tradizion. Far de un altra parte saria come far el Palio de Siena a Venezia in piaza San Marco. Te se magini i cavai che per sicureza i cori col salvagente a forma de papero? Questo vol dir che dovemo rampigarse prima sula prefetura e far foto del molo, cussì per la gara le tachemo davanti a Telecamera amica e nissun se corzi de niente, altrimenti pol eser pupoli.
    – Data. Otobre no più, xe tardi, dovevimo sveiarse prima. Dicembre xe trope altre robe, perdemo de riconoscibilità. In mezo ghe saria un zerto Novembre. Se pol far, basta voler.
    – Concorenti. Facile, sto qua. Basta pensarghe prima a livel de marchetting. e presentarlo ben come un ocasion de rivalsa sociale, de progresso, de uguai diriti, de qualcossa insoma. Se quela boiada del Grande fradel riva gaver zente in fila per far i paiazi figurite una roba seria come questa – ne tocherà limitar le iscrizioni ale prime dozento concorenti.
    – Giuria. No so perché, ma penso che podessi esserghe più volontari che per el lavor organizativo. Un giurato un voto, palette con numeri come per patinagio. El più zovine scrivi el verbal.
    – Ordegni e atrezatura. Careghe de legno, pieghevoli, tipo osmiza – per la giuria. Publico sta in pie. Un par de careghe de scorta per i ospiti. Carta e pena per chi scrivi verbal, e un toco de tavoleta de meter soto la carta. Per misurar, che xe importante, me iero maginado robe complicade con metri a nastro e galegianti de pesca e altre komplikacije, poi un amico piastrelista me ga fato veder l’ordegno a laser che el usa per misurar le stanze. Sta in una man, e funzia anca per sbiego. Perfeto. Afar fato: el ne lo presta in cambio de un posto in giuria. Tabelon troveremo, se no proietor e un linziol bianco sul Ursus, ma questo vol dir portarse drio un generator.
    – Nome. E qua te voio. No te son nisun senza un nome, zorno de ogi. Servi sì. Fioi e putele de bora.la, questa xe la vostra ocasion: dichiaro verto el concorso de idee per trovarghe un bel nome a sto evento sportivo-culturale. Ga de eser simpatico, original, meio se patoco, comunque curto che staghi sule maiete ricordo – e me racomando che se posi nominar sui midia, se no no servi niente, quindi no sporchezi.

    Siore concorenti, se visade – cominzè alenarve. Organizacija fornisci Radenska in quantità prima dela gara (va ben, anca dopo!), se el biznis del merchandising va in porto ghe sarà anca bira Dreher original per tuti (se intendi concorenti e giuria).

    Fata! Ghe voleva tanto?

  8. Avatar ufo

    Me son dimenticà de scriver: per el concorso de idee per titolo ed esami per trovarghe un nome a sta creature no cori iscriverse, basta comentar su sto bloh. Chi vinzi entra far parte dela giuria, cossa pensavi de vinzer soldi?

  9. Avatar Tergestin

    Genio, idolo indiscusso. Proponessi anca mi de farla dato che piu’ volte ricordo de esserme cimenta’ in tal attivita’.
    D’altronde chi no ga mai tira’ fora el pippo in allegria e in compagnia fazendo el garin? Me ricordo un tiro che sul mitico Molo San Carlo stavimo pissando in quatro de lori a un certo punto un mulo ziga UNO PER TUTTI, TUTTI PER UNO, INCROSEMO I BIGOLI! Se ga gira’ un casin de lori e un de noi de quanto se la rideva el se ga scagaza’ le scarpe. Bei tempi giovanili quei.

  10. Avatar Fiora

    @7 MORBIN COSMICO!!!!! vedé un esempio de come noialtri patòchi semo penalizai…se Ufodeinostri iera Milanese, el diventava famoso come Dario Fo e più de Jannacci!

  11. Avatar Fiora

    @7bis Ah! el ga ragion lu’! vedè che adrenalici che rendi el cafè nero senza????!!!

  12. Avatar Furio

    Proposta pel nome: “Radenska Challenge” che cussì volessi veder che no i sponsorizza.
    E pò un aneddoto: nel 1970 insegnava meccanica alla facoltà de ingegneria el professor Sobrero, che iera amico de scienziati de tutto el mondo. Dopo un convegno a Trieste, el li ga portadi sul molo a far la gara, e i xe stadi visti da un studente. La mattina dopo, a lezion, el se ga accorto che i studenti iera imborezzai, perchè se gaveva sparso la voxe, allora el proclama: – ci tengo a far sapere che ho vinto io –

  13. @ 5 Diego – tropo bel

    @ 7 Ufo – Ara che jera un trailer de fantasia , ogi te dovesi far domanda ala Autorita’ Portuale per ocupazion temporanea de tereno demaniale (el molo) con copia alla Capitaneria de Porto per meter una Motovedetta de guardia in caso che qualchidun caschi in acqua, po’ i te manda la Crismare pulizia speci acquei co’ le pane de contenimento anti-inquinamento ) no a Trieste NO-SE-POL

  14. @ 12 P.S . – Reminder ! Questa gara ” CONTRA VENTUM NON EST PISCIANDUM” fata contro i muri dele case costa 500,00 Eurini ! Se i ve beca in mar quanto ???….

  15. Avatar Fiora

    @13 cossa me rapresenta sto post GPL, che te se ciami fora?! No val ciò! sei VE beca, se ghe spiega che xè per una nobile causa, po’ se fa ricorso, intanto vien minicondono e Viva l’A.!

  16. @ 15 FIORA :xe vero,scusa, te ga ragion , me son dimentica’ che a Trieste se pol far apelo a “Santa Madona de la Deroga”

  17. Avatar ufo

    Giampaolo, perchè te pensi che go scrito de meter foto del molo davanti la telecamera? Lo go visto in un film… Ma comunque semo sempre al punto uno: diritti di ripresa. Paga Novella domila. Se i vol far direta TV paga anca lori, cussì ne vanza per una zena. Xe l’ASL, quela che me preocupa.

    @12 Con un profesor cussì me metesi studiar seriamente anca mi. Bon el “Radenska Challenge”, basta che Red Bull no ofri de più.

    E se nissun(a) no casca in aqua de suo ghe pensemo noi a incoragiar scarpantibus… che xe sempre stagion de clanfe.

  18. Avatar Fiora

    Insoma i mas’ci xè oramai nel vivo de la progetazion de l’impresa…e pian pianin me monta ‘na sorta de frustrasion ,de invidia penis, come 🙁
    Vengo anch’io ,no tu no! Urremengo,ara! Noialtre cossa, solo sagi de blabla per dimostrarse patoche e gnente prove come el savemocossa del Molo s.Carlo? prove che insoma prevedi,come dir una zerta fisicità? NO,DIMACO! no “quel” tipo de fisicità che te pensi ti, fissà de omo!

  19. Avatar roberto lisjak

    diego, te sa anche che xe un altra roba da far assolutamente per aver la patente. te ga capido do?

  20. e ti te la ga fata, roby?

  21. Avatar Fiora

    @ 19 Cossa, sto Roby tira el sasso e scondi la man, ah Diego?! 😉

  22. Avatar roberto lisjak

    fiora ma ti te sa de cosa che parlemo?

  23. Avatar Fiora

    ma almeno noi babe, sepol?

  24. Avatar Fiora

    xè a gratis? a pagamento? a puff?

  25. Avatar roberto lisjak

    no te sarà miga una de quele che ghe da de magnar ai gatti?

  26. ma disè che in tre se pol far?

  27. Avatar roberto lisjak

    cossa dirà el vescovo?

  28. @27 R-Lisjak : NATURALIA NON SUNT TURPIS! -:)

  29. Avatar roberto lisjak

    ah, me dispiasi, no capisso sloven

  30. Avatar Fiora

    quante volte la giorno? prima de magnar? o dopo magnà?
    Roby, no te sarà miga un de quei che petena le bambole?

  31. Avatar roberto lisjak

    ma te sa dove che va l’accento su “petena”?

  32. Avatar Fiora

    se pol anca nele stagioni de mezo ?

  33. Avatar Fiora

    te sa ti Roby, ‘ndove ch’el va?

  34. Avatar roberto lisjak

    domanda retorica: 1 a 0

  35. Avatar Fiora

    e anca i ciclisti pol? e i comunisti? e dio guardi, anca i fasisti?

  36. Avatar Fiora

    cossa vol dir domanda retorica? 😉

  37. Avatar Fiora

    se magna o se bevi? 😀

  38. Avatar roberto lisjak

    ma te sa le regole del zogo?

  39. Avatar roberto lisjak

    ah no te stavi zogando?

  40. Avatar Fiora

    Ma a l’esame de patòco, con monade compagne i promovi lo stesso?

  41. Avatar Fiora

    se va lissi o servi racomandazion?

  42. Avatar Fiora

    Roby, ma in Friul i tien? 😀

  43. Avatar roberto lisjak

    ma ti te disi el quel?

  44. Avatar Fiora

    chi xè de più ? el quel o la quela?

  45. Avatar Fiora

    ma xè nato prima l’ovo o la galina …con do’ teste? 😀

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.