Pubblichiamo il contributo del nostro giorgio (no events), ispirato dalla notizia dei 500 euri di multa ai ragazzi beccato a orinare per strada 😀
– “Un copione che si ripete ogni sete giorni” gà dito i urbi che, sul momento gò pensà che i muli gà pissà sul radicio e li gà becai la guardia del radicio…
– Ma no xe più guardia del radicio! Ormai no xe gnanche più radicio, fora del orto de Milic. Che pò, una volta iera i gati che pissava sul radicio, desso quatro giovani, tuti triestini dai 18 ai 21 anni…
– Ah! Praticamente tuta la muleria de Trieste, e iera tuti omini, me par…
– La done perdi le ciave e se cucia drìo ‘ste staziòn vagòn a zercarle opur le va in cesso in compagnia. La dona triestina gà sempre avù ingegno per ‘ste robe, miga come ‘sti gnampoli de muli che se fa becàr a pissar in salita e pò se forma come un clanz de pis che riva fin in riva.
– Xe che i gà serà i vespasiani, fin che xe verto un local, se pol andar in local senza ciòr gnente, xe norma ancora de soto l’Austria, mi calcolo, ma cò el local xe serà xe caligo.
– “Stavo butando via quele ciche con el geto” ghe gà dito Ciano, cò i ghe gà dimandà cossa che el fa. Lù voleva farghe creder che iera come per netàr la strada, ma lori no i ghe xe cascai. E cussì i ghe gà ficà la multa, che pò no xe dozento, come pei cani, ma zinquezento euro, anche se se gà drìo paleta e secel.
– Ma fioi pici, pol o no pol gnanche lori? Per sicureza, Lele se porta drìo, per suo fìo, un bucalin con le riodele. El muleto tien un spago con ligà ‘sto bucalin e dandoghe la manina a suo padre i vien zò pel corso, se al muleto ghe scampa, i se ferma in galeria e i fa pulito, senza pastrociar in giro. E cussì xe franco anche sù pare.
– I artisti fa in fondo del molo san carlo che, de quando xe vignù ‘sta moda, i ciama audace.
– Ieri sera iera quei che se gà sconto nele siepi sule rive, finchè e rivai queialtri che nele graie i fazèva propio sora dei primi. Xe vignù fora un casin che i gà ciamà i tubi.
– Cò Tremonti gà inteso ‘sta storia dele multe i gà presentà subito un emendamento ala manovra. Per far 7 miliardi de euro, i sererà tuti i condoti publici e obligo de bever quatro litri al giorno!
– De acqua?
– Indiferente.
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
sì ma: (no events)?
Xè che a noi patochi nissun ne ga gnanca pel, ma se lori i ciamassi Iure no E.a palazo Madama o Chigi indiferente e i ghe diria Iure proponi, Giulio disponi e…Silvio che firmi senza tanti pupoli,el Colle mandasi dir siamo sodisfati, quela Anghela gnoca e Nicoleto Carlabruni i ghe faria un futjo de complimenti e tentassi de ciularnelo a noialtri!
… Che tanto a noi i ne porta via tuto!
e dopo tante proposte e emendamenti, dopo questo definitivo la chiamarono la PISSMANOVRA 😀
Giorgio n.e. e comercializar el bucalin cole riodele , magari sponsorizà de Bora.là?
Mi son convinta che se fazessi Bor…i a capei, Altro che Chicco! 😀
Un’altra proposta go de farghe a quei de noi che xè un bicc intortai cola Comun.
Coi bori dele multe del piss fora ordinanza, perché no ghe paghé un poco de piss finto che sarìa bianco Aurisina H2O al picio Giovanin dela fontana de Piaza Ponterosso?
Suto cussì che nol pissa de ani anorum, el fa propio una meschina figura , anca visavì dei turisti ‘sto Giovanin de piera cole teste de angioleti tuto torno che dovessi spudar acqua e no le spuda gnanca lore un clinz dei stessi ani anorum che Giovanin nol pissa…
Sta quà de darghe el piss a Giovanin coi bori del piss dei patochi saria sì un’ opera meritoria! Altro ch’el secondo ponte sul Canal!