16 Aprile 2012

Manifesti elettorali: Un’altra Trieste sfida il Pdl-Trieste

Eco, tuti ormai sa dela mia passion per i manifesti del Pdl, che ne gaveva fato anche un novo propio in ocasion del mio compleanno. Ma eco che Un’Altra Trieste se meti in scia e tenta el sorpasso. (Oviamente ghe riverà presto la fatura per questo spazio publicitario 😉 )
Eco el manifesto che me ga mandà via mail Andrea, che ringrazio 🙂

Le prime scrite e i colori dele medesime ricalca abastanza el stile de quei del Pdl, quindi formula vincente. Anche se le xe ‘ssai poco criptiche. Insoma ghe volessi qualcossa de più misterioso, la scola 23A2 e “tutto normale?” me par che xe stada tropo presto dimenticada.
Però el pupolo ga una marcia in più. Xe geniale. Mi gavessi zontà anca un toco de triestinità a sto punto, tipo un repete repete, no so, tipo “Passera passerà?”. Iera ‘bastanza facile, forsi tropo, xe vero, dopo saria parso poco originale. Bon, visto che el se ciama Corrado se podeva far tipo esortativo: “Corrado Passera, corra do’ passerà”, con “do'” che sta per “dove”. Bon, tropo astrusa, xe vero.
Invece ‘ssai ben l’ultimo toco, che servi per insempiar un poco i veci. Za me li vedo là tuti in bloco con le man drio la schena a brontolar che i ga sbaià, e che cossa, che la muleria xe disatenta, che cossa i ga scrito CIPE inveze che CIP, e che no se ga mai sentì una passera che fa CIPE, cossa mai, bah, forsi i usei moderni farà CIPE ah, se vedi che no sarà più i usei de una volta ah, quei bei, quei che parlava come che i magnava e che fazeva CIP e basta po’, senza sbrodolar la lingua con ste solite americanade.

Bon, Un’altra Trieste sicuramente promossa. Fe altri dei.

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a [email protected]

Quel dela Quela on Facebook
Tag: , , .

19 commenti a Manifesti elettorali: Un’altra Trieste sfida il Pdl-Trieste

  1. Avatar Fiora

    DECISAMENTE NOTEVOLE ! Vignù fora per Pasqua i podeva svilupar un rafronto tra la modesta Passera tenace vs la sontuosa Colomba effimera.
    O zogar d’anticipo su inevitabili vitz a sfondo sesual. Tipo, in tempo de crisi la Passera è l’unico bene rifugio … 😉
    Vagamente provocatorio. L’esotico impegnativo inconcludente Colibrì cede il posto ad una nostrana robusta affidabile Passera!
    La colomba annunciò a Noè la fine del diluvio. Nel nostro diluvio sarà la Passera ad annunciarci il sereno.

    Per fare un’altra Trieste basta una Passera? mah!

  2. Avatar Fiora

    FUUUURRRBBIII! con sto bel pupolo i ghe schiza de ocio anca ai ecologisti e ai animalisti, che xè oramai un cospicuo eletorato…

  3. Avatar Carlo

    Porto e rigassificatore sono argomenti più affini al mare che al cielo. Perché non aver scelto il pupolo di una “passera” pesce ?
    C’è anche la “passera” battello di pesca, tipico dei nostri mari….

  4. Avatar mutante

    sono tematiche già affrontate BEN PRIMA, da altri movimenti, come Trieste Libera.

  5. Avatar Kaiokasin

    Ma se i doveva scriverghe a Monti i meteva la foto del Triglav, e a Profumo una botiglieta de Chanel n. 5, e a Catania la foto del duomo de S.Agata, ma per carità…
    #4 in che senso Trieste Libera se gà ocupado de passere?

  6. Avatar Fiora

    ma dei muli,fin che se trata de farghe su dò vitz e dò ridade, che la camini! Ma considerando seriamente e ‘pena ‘pena con ocio critico sto saggio de “perspicacia” e “fine umorismo”…lo trovo de un cattivo gusto aberrante!

  7. Avatar Fiora

    cancelier o candelier disi i Triestini…sì, ma co’ i vol sotolinear la monagine! 🙂

  8. Avatar sfsn

    bon che per “Passera” i ga messo un usel e no una f.ga…

  9. Avatar aldo

    @3

    carlo disi che, visti i argomenti, la passera de ciel no va ben e che ghe volesi la passera de mar, ma…

    …el rigasificator de zaule xe in terra e alora la passera giusta saria stada…

    la passera de terra!

  10. Avatar aldo

    …anche perchè adeso che Silvio se ga quasi ritirado a vita privata, nel campo dela passera de terra se ga verto uno spazio politico…

  11. Avatar Fiora

    @10 “nel campo della passera de terra se ga verto uno spazio politico”. BELLA!
    Questo sì che xè umorismo! e miratissimo, pensando a tuta la corte… dele miracolade istituzionalizade al seguito de Sua Maestà el re de denari Silvio Primo…

  12. Avatar Carlo

    … ok per la passera d terra, purché non sia passera solitaria !

  13. Avatar Bruno Carini

    ma pagnerol xe altro che passera?

  14. Avatar marino

    Ve fazo notar che la passera rafigurada intel manifesto xe la passera SCOPAIOLA (Prunella modularis).
    Chi sa se i voleva sotintender qualche viz con questo o, più facile, no i sa gnanca lori che usel che i ga messo.

  15. Avatar Fiora

    @14 dele due,la seconda che hai deto, Marino!
    😉

  16. Avatar aldo

    secondo mi i ga adotado sto stratagema sperando de finir sul quel dela quela e…

    …ghe xe andada ben!

  17. Avatar Fiora

    … mica lugheri queli dela passera ‘lora!

  18. Avatar Fiora

    d’ogni modo sul primato del menifesto più ganzo el Pidiele pol dormir soni tranquili .
    Ga ‘ncora de nasser chi che bati el mitico el criptico el solo l’inarivabile “23a2 tutto normale?” Un mix de matematica e de prosa apocalitica. formula e quesito. Distilato de Pitagora e dela Sibila “Cubana” …
    ‘sta ovia rafigurazion ornitologica de un cognome, ala madre de tuti i manifesti no ghe fa nè caldo né fresco!

  19. Avatar Fiora

    certo che co’ al Ministro ghe riverà soto i oci l’enesima banalità sul suo cognome, s’el gaveva un bicc de propension umana per la caralcuore, ghe vegnerà un fastidio per sti meloni cussì poco arguti ch’el dirà fra sè e sé, e con questi femo zà zentovintisie che me fa l’acostamento col usel 🙁 Tropo mone ‘sti qua per darghe una man!

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.