Seconda preview (tradotta in triestin) del Tre Volte Monon Behavior: una bestiuzza estratta dal zooillogic canton, nuova rubrica della prestigiosa rivista sciementifica internazionale transIsonzale e transRioOspale.
Ecco a voi un po’ di etimologia: perchè si dice ratapalz? Da dove vien fora sto nome? Finalmente questo mistero sarà risolto. Il pupolo è di Erika Ronchin.
EL RATTAPALZ
Pantigana zoperglava Susta
El rattapalz xe un pantiganon ssai grando con istinti giustizialisti. La roba più particolare de sto sorzo xe la coda, che xe ssai grossa e dura, propio come un randel de quei cativi. El rattapalz usa sta coda per darghe lignade sazie a tuti i altri animaleti, ale persone, ale robe, insoma a tuto quel che ghe stà sule balotole.
Una dele pezo colonie de rattapalz vivi propio a Barcola in mezo ai scoi. Sta colonia xe piena, ma piena propio ulma, de rattapalz nagane, gencone e tare, insoma cussì marzi e tiralonghi che tuti i gati stà ben ala larga dala zona. Infati no xe gati a Barcola, e i xe tuti sconti int’el Parco de Miramar.
A Trieste sti rattapalz xe sempre stai ssai rispetai (anca se desso pochi li conossi), tanto che xe propio a lori che se devi el nome dialetale del “randel”, cioè “ratapalz” apunto, con una t sola però.
El ratapalz con una t sola xe diventà ssai famoso con le storie de Druse Mirko, che ogni volta el ciapava onte col ratapalz. Tipo come in sta quartina che tuti conoserà (e chi no la conossi, la conosserà desso po’):
Gà ridudo come mati
jornalisti che guardava
e zò Frane per mia glava
mi ga dà con ratapalz.
I rattapalz barcolani, per dir una, iera stai adiritura citai nele storie de Druse Mirko, ma la quartina poi no xe mai stada publicada perchè la iera tropo violenta. Ecola qua:
Mi po’ Barcola jé andado
una gatara là zigava
tante onte la ciapava
jera pien di rattapalz!
P.S. Grazie a Paolo Geri per la drita sul color dela montura dela civil police del tlt.
Per restare aggiornati sui progetti “Monon Behavior” iscrivetevi alla mailing list! 🙂
😉 🙂 🙂