{"id":81083,"date":"2021-04-07T09:05:48","date_gmt":"2021-04-07T08:05:48","guid":{"rendered":"https:\/\/bora.la\/?p=81083"},"modified":"2021-04-07T09:10:50","modified_gmt":"2021-04-07T08:10:50","slug":"el-dialeto-dei-fachini-parlar-a-la-versari","status":"publish","type":"post","link":"https:\/\/bora.la\/2021\/04\/07\/el-dialeto-dei-fachini-parlar-a-la-versari\/","title":{"rendered":"El dialeto dei fachini \u2013 parlar a la versari"},"content":{"rendered":"

\"dialetto<\/a>Cola parola negron <\/em>fina qualche decina de ani fa se intendeva l\u2019omo volgare, de modi e de lingua: el zoco, el basual, el grezon.
Logicamente el dialeto triestin<\/a> parl\u00e0 dei negroni iera un dialeto altretanto grezo e pesante, tanto ch\u2019el professor Doria, el pi\u00f9 importante studioso del nostro dialeto, gaveva fato distinzion tra el dialeto patoco<\/strong> – quel che ogi parla solo i veci – el dialeto slavaz\u00e0<\/strong> – quel missi\u00e0 col\u2019italian che ogi parla i giovini – e \u2018l dialeto negron<\/strong>, che no parla pi\u00f9 nissun.<\/p>\r\n

A dir la verit\u00e0, per\u00f2, qualcossa del negron xe rest\u00e0.
\u2018Sti resti no xe sicuro patrimogno de le putele de bona familia – per quanto a le volte anche quele\u2026 – ma in ogni modo grezoni e bobe in giro ghe ne xe ancora, e pi\u00f9 de un trato de quel linguagio se pol ancora sintirlo in boca a \u2018sti qua.<\/p>\r\n

A parte le parolaze, che quele xe el bagalio no solo de ogni legera ma anche de ogni mulon<\/a> che se rispeti, el trato pi\u00f9 tipico del vecio negron xe el parlar<\/strong> \u201ca la v\u00e8rsari\u201d<\/strong>, ossia a la riversa, invertindo l\u2019ordine de le silabe<\/strong>.
Intanto disemo che questo de parlar a la riversa xe un trato che se pol sintir tra i grezoni de varie parti de Italia, e che xe el sistema pi\u00f9 conoss\u00f9 de no farse capir de chi che scolta e no lo conossi. E quindi, se se xe in canon, de le guardie carcerarie o de la Pulia in genere, se se xe in Porto, dei capi o de chi che non xe triestin e che per qualche razon ga comunque de far coi fachini.<\/p>\r\n

Iaspi <\/em>(spia), liapu <\/em>(pulia), nonca <\/em>(canon), namo <\/em>(mona), is <\/em>(si), lianta <\/em>(talian) xe le parole a la versari pi\u00f9 conossude<\/strong>: quela che per\u00f2 xe sparida xe la capacit\u00e0 de dir svelti a la riversa intiere frasi, de dialogar \u201ca la versari\u201d.<\/p>\r\n

A Trieste, via de \u2018sto qua, ghe iera anche un altro gergo de \u2018sto genere: i lo ciamava \u201cel sangiacomin\u201d.<\/strong>
Per dir, metemo, \u201cieri de sera son torn\u00e0 casa in bala\u201d i diseva:
\u201cieghed\u00e8-righid\u00ec deghed\u00e8 seghed\u00e8-ragad\u00e0 sogod\u00f2n togod\u00f2r-nagad\u00e0 cagad\u00e0-sagad\u00e0 ighid\u00ecn bagad\u00e0-lagad\u00e0<\/em>\u201d.
A le silabe che finissi in vocale, se le finissi cola a<\/em>, se ghe zonta un gad\u00e0<\/em>, se le finissi cola e <\/em>se un ghed\u00e8<\/em>, se le finissi cola i \u2026<\/em> e cuss\u00ec via.
A quele che finissi in consonante, la consonante se ghe la zonta dopo (es. in bala = i\/ghid\u00ec\/n ba\/gad\u00e0-la\/gad\u00e0<\/em>; altro es. sangiacomin = sa\/gad\u00e0\/n-gia\/gad\u00e0-co\/god\u00f2-mi\/ghid\u00ec\/n<\/em>).<\/p>\r\n

La prossima volta parler\u00f2 ancora de quel poco che xe rest\u00e0 del dialeto dei negroni.<\/p>\r\n

 <\/p>\r\n

<\/p>\n