{"id":73232,"date":"2016-05-12T10:43:44","date_gmt":"2016-05-12T08:43:44","guid":{"rendered":"https:\/\/bora.la\/?p=73232"},"modified":"2021-03-23T10:00:25","modified_gmt":"2021-03-23T09:00:25","slug":"scriver-triestin-lapostrofo-nella-punteggiatura","status":"publish","type":"post","link":"https:\/\/bora.la\/2016\/05\/12\/scriver-triestin-lapostrofo-nella-punteggiatura\/","title":{"rendered":"Scriver in triestin: l’omo, l omo o ‘l omo?"},"content":{"rendered":"

Le puntate precedenti:\r\n1. Introduzion<\/a>\r\n2. l\u2019alfabeto<\/a>\r\n3. la x\r\n<\/a>4. la h<\/a>\r\n5. le dopie\r\n<\/a>6. la zeta\r\n<\/a>7. L’apostrofo nei suoni<\/a><\/p>\r\n

La volta passada gavemo parl\u00e0 de l\u2019apostrofo come segno suplementar per specificar una pronuncia (c\u2019<\/i> = [\u010d] in final de parola e prima de una c<\/i> [k]; s\u2019<\/i> = [s] prima de ci<\/i>, ce<\/i>, cia<\/i>, cio<\/i>, ciu <\/i>per pronunciar [s\u010di, s\u010de, s\u010da, s\u010do, s\u010du]).\u00a0In questa e nele prossime puntate, inveze, trateremo l\u2019apostrofo come segno de puntegiadura.<\/p>\r\n

\u2018Sto apostrofo segna tre fenomeni: l\u2019aferesi (omission de un son in principio de parola); troncamento (omission de una o pi\u00f9 silabe, o de una sola vocal in final de parola); elision (omission de un son in final de parola per render pi\u00f9 scorevole la pronuncia). Ogi parlemo de l\u2019elision.<\/p>\r\n

Le elisioni pi\u00f9 comuni riguarda i articoli: una<\/i> \u2192 un\u2019<\/i> (una amica<\/i> se pol elider in un\u2019amica<\/i>); la \u2192 l\u2019<\/i> (la intimela<\/i> se pol elider in l\u2019intimela<\/i>). Riguarda anche certi pronomi: lo<\/i> \u2192 l\u2019 <\/i>(no ghe lo impresto<\/i> se pol elider in no ghe l\u2019impresto<\/i>); ve <\/i>\u2192 v\u2019 <\/i>(no ve interessa<\/i> se pol elider in no v\u2019interessa<\/i>): ghe <\/i>\u2192 gh\u2019 <\/i>(no ghe interessa<\/i> se pol elider in no gh\u2019interessa<\/i>); Riguarda congiunzioni: che <\/i>\u2192 ch\u2019<\/i> (spero che el vegni<\/i> se pol elider in spero ch\u2019el vegni<\/i>); se<\/i> \u2192 s\u2019 <\/i>(no so se el vien<\/i> se pol elider in no so s\u2019el vien<\/i>), e via de \u2018sto passo. E fin qua no gavemo fato altro che aplicar le regole de l\u2019italian, fermo restando, per\u00f2, che \u2018l triestin xe pi\u00f9 avaro de elisioni de l\u2019italian: difati noi gavemo la una (ora) <\/i>indove che l\u2019italian ga \u201cl\u2019una\u201d, la aca <\/i>indove che l\u2019italian ga \u201cl\u2019acca\u201d, far de ogni erba un fasso <\/i>indove che l\u2019italian ga \u201cfar d\u2019ogni erba un fascio\u201d.<\/p>\r\n

Diverso per\u00f2 xe el caso de l\u2019articolo maschil singolar italian \u201clo\u201d. Elidendolo prima de una parola che comincia per vocal, l\u2019italian fa giustamente \u201cl\u2019uomo\u201d, \u201cl\u2019amico\u201d ec. E anche el triestin fa l\u2019omo, l\u2019amico <\/i>ec. <\/i>solo che per\u00f2 el triestin no conossi l\u2019articolo lo <\/i>e alora perch\u00e8 el triestin presenta un articolo l\u2019 <\/i>col suo bravo apostrofo se l\u2019apostrofo no sta per nissuna o <\/i>cascada? Giustamente, diria qualchidun, se doveria scriver l omo <\/i>e l amico<\/i>; e difati qualche dialeto che se trov\u00e0 nela stessa condizion del triestin ga adot\u00e0 questo sistema. El triestin per\u00f2 lo rifiuta. Quachidun altro ga pens\u00e0 de scriver \u2018l omo <\/i>e \u2018l amico <\/i>ma el sbaia perch\u00e8 in triestin no va l\u2019articolo el <\/i>prima de un nome maschil che comincia per vocal (el omo, el<\/i> amico)<\/i>, che inveze va in dialeto fiuman. <\/i>Per do ragioni, alora, el triestin ga mantign\u00f9 l\u2019articolo l\u2019 <\/i>col\u2019apostrofo. <\/i>Una per l\u2019ocio: una consonante che no fa silaba lassada impicada cuss\u00ec tra do spazi meti a disagio el letor; l\u2019altra xe la tradizion veneziana. Nel\u2019antico venezian, difati, larticolo lo <\/i>esisteva ecome! Perci\u00f2 scriver l\u2019omo <\/i>e l\u2019amico <\/i>iera legitimo. Ma, sicome che el triestin deriva anche per la grafia del venezian, eco che per tradizion anche noi se tignimo el nostro bravo l\u2019.<\/i><\/p>\r\n

Ghe xe po dele parole che, almeno in triestin, no xe ben ciaro se le xe elise o se le xe troncade. Se trata de coss\u2019, mus\u2019, vis\u2019 <\/i>e de un antiquado dess\u2019<\/i>. De queste e dei apostrofi per segnar i troncamenti dir\u00f2 el prossimo giovedi.<\/p>\r\n

Nereo Zeper<\/a><\/em><\/strong><\/p>\r\n