{"id":66300,"date":"2013-12-17T08:16:43","date_gmt":"2013-12-17T07:16:43","guid":{"rendered":"https:\/\/bora.la\/?p=66300"},"modified":"2013-12-19T07:28:13","modified_gmt":"2013-12-19T06:28:13","slug":"la-vera-origine-del-volentieri","status":"publish","type":"post","link":"https:\/\/bora.la\/2013\/12\/17\/la-vera-origine-del-volentieri\/","title":{"rendered":"La vera origine del Volentieri"},"content":{"rendered":"

\"\"<\/a>Eh bon. Per festegiar el secondo posto<\/a> de Polska… rivemo!<\/a> (el regalo de Nadal pi\u00f9 bel del mondo!) al Premio Letterario Nazionale dei dialeti, gavemo deciso de publicar online un’ultima maldobria del libro. La storia de dove che vien fora el modo de dir tipicamente triestin “Volentieri”. Xe una storia assai antica, de principi, babe, geni dela lampada, cavai bianchi e botegheri…
\nP.s. Polska… rivemo! lo trov\u00e8 nele librerie pi\u00f9 bobe de Trieste e Bisiacaria<\/strong> \ud83d\ude09<\/p>\n

L’ORIGINE DEL VOLENTIERI<\/strong>
\nTesto di Diego Manna, pupolo di Michele Zazzara<\/strong><\/em><\/p>\n

\"\"<\/a><\/p>\n

– Eh, xe propio vero Ciano, zerte volte i botegheri a Trieste xe ‘ssai poco disponibili…
\n– Go cap\u00ec, Ucio, ma se el zorno drio el gaveva de andar in ferie cossa el gaveva de far? Miga el pol far tuto lui. E po’ te ga inteso, iera una roba che se podeva benissimo far de soli, e chi fa da s\u00e9 fa per tre, se disi.
\n– Bon, bon, go cap\u00ec. Per\u00f2 xe anche vero che tante volte i te rispondi mal. Me ricordo presempio una volta che me serviva un quel e alora son and\u00e0 del conzapignate, se capissi…
\n– Eh s\u00ec, se te serviva un quel, solo che l\u00e0 i podeva gaver…
\n– No ga importanza. Fato sta che ghe iera una mula, che gnanca no la saveva coss’che iera sto quel che zercavo, e la contrastava che no esisti, che ela no ga mai visto sto quel e che sicuro son insempi\u00e0 mi che son vecio, ma che se voio la me pol dar sto altro che xe istessa roba, anzi, ancora pi\u00f9 meo la ga dito.
\n– Bon, ma se iera pi\u00f9 meo no te podevi cior quel’altro?
\n– Ma mi me serviva el quel, no el quel’altro! E insoma dele some ala fine son and\u00e0 baul e torn\u00e0 casson.
\n– Senza el quel.
\n– Senza el quel, esato. La me ga dito de provar in Friul, che forsi lori ga, solito po’.
\n– Ah, ma chi ga voia de bazilar de andar fin in Friul, dei. Mi comunque me ricordo che una volta anca mi gavevo bisogno de un quel, e iero and\u00e0 in botega per ciorlo. E ghe go domand\u00e0 se i gaveva. E i me ga dito che in botega no i gaveva perch\u00e8 no andava ‘ssai, ma che el gavessi podesto vardar in magazin, ma no ogi che iera tardi e sicuro el saria rivado tardi casa e el gaveva de andar a vardar la partida sul primo canal. Che torno tra una stimana el me ga dito, che sicuro el sar\u00e0 pass\u00e0 in magazin, e che se no el gaver\u00e0 trov\u00e0 gnanca l\u00e0 alora che poderemo ordinar.
\n– E cossa, no el podeva ordinar subito?
\n– Eh, xe quel che ghe go dito anca mi! Ma el ga dito che cossa mai, che se lui ordina el toco el ghe riva el zorno drio, ma dopo meti che co el va in magazin el trova anca l\u00e0 el quel, alora el ghe resta a lui int’el daur per altri ani anorum. Che speto e che no stio gaver furia, el me ga dito.
\n– Cuss\u00ec la xe. Ma ara che una volta no iera cuss\u00ec. Una volta iera tuti cocoli, disponibili e sempre col soriso. Te conossi la storia de Zenerentola, la mula che gaveva messo su botega a Logatec?
\n– E chi xe sta qua? No iera la mula de Parenzo quela che ga messo su botega?
\n– Ma quela xe una canzon, tuto altro. Mi te parlo de Zenerentola de Logatec, una storia de zento e passa ani fa.
\n– Dei, che sentimo alora, contime.
\n– Insoma, ghe iera sta putela che se ciamava Zenerentola, come quela dela favola. Ma no la iera bela, anzi, la iera bastanza un folpeto. Per\u00f2 la iera ‘ssai cocola, e la gaveva sta picia botega magnativa a Logatec, indove che la vendeva un poco de tuto.
\n– Anca bigoli cole luganighe?
\n– Anca quei, s\u00ec. Insoma, tuti ghe voleva ‘ssai ben e andava de ela a ciorse de magnar per via che la iera sempre de bone magnere, e co no la gaveva qualcossa la se prodigava come mata per procurarse, e se qualchidun rivava tardi la tigniva verto anca una o do ore in pi\u00f9, per far contenti tuti, se capissi.
\n– Ah, brava putela.
\n– Ecolo. Solo una roba ‘ssai ghe mancava. Per via che la iera brutina, nissun putel la gaveva mai invitada fora, e ela la iera sempre sola. E via via che el tempo passava, la diventava pian pianin ogni zorno pi\u00f9 triste.
\n– Ah, povera putela.
\n– Una domeniga per\u00f2, per fartela curta, co che la iera a far un picnic int’un bel pr\u00e0 con altre do mule, le ga trov\u00e0 per sbaio una grota e drento, ben sconta, ghe iera una lampada de oton, tuta impolverada.
\n– Eco che riva la monada…
\n– Che monada? Bon, se no te vol no te conto, nema problema!
\n– No, no, contime ‘vanti, te scolto.
\n– Insoma, le trova sta lampada. E ela, che iera la pi\u00f9 curiosa, ghe ga da’ subito una bela lustrada, per cavar la polvere. E in quel, come che la la forbissi, no te vien fora el genio?
\n– Vara, no gavessi mai dito!
\n– Eh, a quei tempi iera ‘ssai in voga ste lampade.
\n– Desso no i fa pi\u00f9. Se te le russi un poco le te disi \u201cNo tegnimo el genio, la provi in Friul\u201d anca lore.
\n– Ah ah, bela questa. Bon, ma speta che te conto vanti. Insoma sto genio, un de quei soliti po’, scuro, cole braghe bianche col cavaloto basso, el peto nudo e l’orencin, el ghe fa: \u201cCi\u00f2, mi son el genio dela lampada. Desso se te vol te pol esprimer tre desideri\u201d.
\n– Eh s\u00ec, sempre tre iera.
\n– Alora Zenerentola, che come te disevo iera una mula ‘ssai de bon cuor, la ghe disi ale altre putele che le podessi esprimer un a testa, visto che le xe in tre anca lore.
\n– Ah, cocola putela.
\n– E insoma, la prima la ghe va vizin al genio e la ghe disi int’ela recia: \u201cMi ‘ssai me piasi el mar, ma qua semo lontani e no go mai pod\u00f9 vederlo de persona. Volessi una barcheta per poderghe andar\u201d.
\n– E xe comparsa una barcheta?
\n– No, xe rivada corendo una porcheta, con za el pomo in boca e anca un do rameti de rosmarin.
\n– Ma come?
\n– Eh, el genio iera un poco fal\u00e0. Prova star ti int’una lampada tuto quel tempo, drento una grota poi, che xe zima e umido anca de ist\u00e0. El iera un poco sordo, coss’te vol far, el gaveva cap\u00ec \u201cuna porcheta de poder magnar\u201d.
\n– Ostregheta, che fregadura ara. Bon dei, comunque za qualcossa, bisogna saverse anca acontentar un pochetin.
\n– Giusto come l’oro. Bon, se avicina la seconda putela, che la iera un poco un strafanic’, e la ghe fa, zigandoghe un poco pi\u00f9 forte int’ela recia, aci\u00f2 che sto giro no el se sconfondi: \u201cMi za son ‘ssai bela, ma quel che volessi desso xe una bela tintarela, una roba alucinante\u201d.
\n– Ah, la vanit\u00e0 dele babe…
\n– Za. E insoma, no la fa in tempo a finir, che te vedi che la cori come una mata drio dei fraschi, tuta bianca in muso.
\n– Ma come bianca? No la doveva abronzarse?
\n– Eh, ma la iera bianca per via che la stava mal. El mato gaveva cap\u00ec che la voleva una scagarela fulminante.
\n– Ci\u00f2, ma sto genio no ghe ne intiva una ara. E Zenerentola cossa ga fato? Che sentimo.
\n– Eh, Zenerentola iera un poco preocupada, che chiss\u00e0 cossa podeva capitarghe a ela, e no la iera ‘ssai convinta de esprimer el desiderio…
\n– E te credo…
\n– Ma dopo, coss’te vol, iera un’ocasion che no se gavessi mai pi\u00f9 ripet\u00f9 in vita sua, e ‘lora la se ga avicin\u00e0 ala recia del genio e la ghe ga zig\u00e0, pi\u00f9 forte che la podeva, quel che tanto ghe mancava.
\n– Cossa ghe mancava?
\n– Ma se te go dito prima che la iera triste perch\u00e8 nissun la voleva! E cuss\u00ec la ghe ga dito: \u201cTanto desiderassi sposarme con un bel principe azuro, come quei dele fiabe, bel e bon.\u201d
\n– E cossa xe vegn\u00f9 fora?
\n– Xe riv\u00e0 su un caval bianco un ‘ssai bel putel, el xe smont\u00e0, el ghe xe and\u00e0 vizin e…
\n– E la ga basada?
\n– No, ghe ga subito tir\u00e0 un do piade pe’l de drio.
\n– Ma come? Cossa ghe ga ciap\u00e0 a sto lole?
\n– El genio gaveva cap\u00ec \u201cun bel principe buzuro, che me tiri un do piade, un castron\u201d.
\n– Me par ben dei. E come finissi? Vissero felici e contenti?
\n– Speta speta! No xe miga finida qua! E insoma ala fine ghe ga toc\u00e0 tegnirse sto omo, ‘ssai grembano con tuti e tute. I se ga spos\u00e0 de sconton, per via che lui no voleva gaver nissun fra le bale, solo lori e el prete, e anca a quel el ghe rispondeva malamente, che el se movi, e che cossa ocori tute ste moine e ste lagnanze de basabanchi, e che cossa xe sta storia dei anei, e che cossa basar la sposa, che la basi lui se propio el voleva quela bruta marantiga…
\n– Cuss\u00ec el ghe diseva?
\n– Cuss\u00ec s\u00ec, davanti de ela propio. Mai una bela parola no el ghe ga dito, mai un complimento o una careza, povera putela.
\n– Bon, ma le persone cambia. La sar\u00e0 rivada a farlo diventar un poco pi\u00f9 cocolo no col tempo? Xe come quela storia dela bisbetica domacia, quela baba ‘ssai cativa, e del’omo che la fa diventar pi\u00f9 bona serandola a ciave in camera per un pochi de zorni senza magnar…
\n– Go presente, go presente, e difati anca sto giro dopo un pochi de mesi le robe ga cambi\u00e0. Solo che inveze de cambiar lui in meo, pian pianin xe cambiada ela in pezo, a furia de sentirse dir de tuto ogni zorno. E cuss\u00ec la xe diventada sempre pi\u00f9 ranzidina, fin tanto che no la ga scominzi\u00e0 anca a risponderghe mal ale persone int’ela botega magnativa, co che i ghe domandava qualcossa. \u201cE cossa, mi go de saver quai che xe i dolci che ghe piasi a lei? Se no la sa lei!\u201d, \u201cAh, quel qua no go mai gav\u00f9, nissun ga mai compr\u00e0 e sicuro no ciogo solo che per lei\u201d, \u201cAh, quel saria de andar a cior a Postumia, ma la pol andar benissimo lei e za che la xe la me porti un do anca per mi\u201d, \u201cAh, quel che xe, xe l\u00e0. Se no la trova, no ga senso che vegno mi zercar, vol dir che no xe\u201d, \u201cAh, quel xe fora produzion de una vita. No go miga colpa mi se lei la xe vecio\u201d, \u201cXe roto? Ma sicuro che la lo ga ciolto qua? Ah, per mi la lo ga roto lei\u201d, \u201cLa vardi che fra vinti minuti go de andar casa, la se daghi una mossa che fra zinque sero la cassa\u201d, \u201cAncora l\u00e0 la xe?\u201d, \u201cS\u00ec amore, tra un poco rivo, apena che sti ultimi do mone va casa\u201d. Fintanto che no i ga scominzi\u00e0 tuti a ciamarla Zenebrontola.
\n– Per via che la brontolava sempre?
\n– Per via che ormai la iera diventada una marantiga numero uno.
\n– Ostregheta che bela copia ara! El masgaibero e la marantiga. Zenebrontola e el principe buzuro.
\n– Propio quei. E se capissi, pi\u00f9 che passava el tempo pi\u00f9 i vigniva isolai dei altri, perch\u00e8 nissun gaveva tanta voia de farse mandar a remengo ogni volta che i andava a trovarli. Alora i ga scominzi\u00e0 a sentirse un poco soli, e ghe ga ciap\u00e0 la tristeza.
\n– Eh, a nissun ghe piasi esser solo, anca se te ga un bruto caratere.
\n– E alora cossa i ga fato? I ga deciso de partir, de serar la botega magnativa, montar sul caval bianco e lassar Logatec, per zercar un altro posto indove andar a viver. I xe passai per Postumia, ma no ghe piaseva a ela, che la gaveva paura de trovar int’ele grote qualche altra lampada con qualche altro genio insempi\u00e0 come el primo. I xe passai per Lipica, ma l\u00e0 i ga dovesto scampar de furia prima che i li onzi de lignade, per via che el caval suo de lori, de note e de sconton, el gaveva trov\u00e0 un alevamento de cavale e le gaveva ingravidade tute.
\n– Ah te ga cap\u00ec, un stalon ci\u00f2!
\n– Eh, iera el caval de un principe po’. Buzuro, ma sempre principe. Tra l’altro, cuss\u00ec xe nata la stirpe dei cavai lipizzani, se no te sa.
\n– Ah, te ga ragion, che bei che i xe, tuti bianchi.
\n– No ga importanza. Bon, ala fine i xe rivai a Trieste. E co i ga visto el mar, ghe se ga verto el cuor. I xe restai fermi l\u00e0 a vardarlo, del carso, e xe passade le ore cuss\u00ec, fin che no xe riv\u00e0 el tramonto. El tramonto pi\u00f9 bel dela sua vita. E alora el principe buzuro ghe ga ciolto la man a Zenebrontola e la ga basada, per la prima volta. E i se ga inamor\u00e0.
\n– Oh, ma alora te vedi che ghe xe el lieto fine. Ala fine l’amor vinzi sempre.
\n– S\u00ec, i ga messo su casa a Trieste e vissero felici e contenti.
\n– Bel, me ga piasso. Ma cossa i ga fato dopo? I ga verto una botega magnativa?
\n– No, no, i ga verto propio una scola, per impararghe el mestier ai botegheri. La famosa Scola Volentieri.
\n– Ah. Scominzio a capir tante robe…
\n– Dei, legemo ‘vanti el libro, vedemo se sti sete lole i se decidi a partir…<\/p>\n