{"id":66182,"date":"2013-12-09T07:09:16","date_gmt":"2013-12-09T06:09:16","guid":{"rendered":"https:\/\/bora.la\/?p=66182"},"modified":"2017-01-20T11:18:15","modified_gmt":"2017-01-20T10:18:15","slug":"trieste-kotor-in-bici-atto-quinto-i-lenti-ritmi-bosniaci","status":"publish","type":"post","link":"https:\/\/bora.la\/2013\/12\/09\/trieste-kotor-in-bici-atto-quinto-i-lenti-ritmi-bosniaci\/","title":{"rendered":"Trieste-Kotor in bici atto quinto: i lenti ritmi bosniaci"},"content":{"rendered":"

Qua le puntate precedenti<\/a><\/p>\n

Se sveiemo. Le robe che gavevimo messo a sugar xe ancora bagnade. Semo ai margini de un bosco, l’umidit\u00e0 no aiuta de sicuro. Andemo a far colazion nel ristorante dove che gavevimo zen\u00e0. La sera prima, i ne gaveva promesso luganighe e robe de panza e sostanza. Nema. I se gaver\u00e0 dimentic\u00e0. Tanto per cambiar, la colazion sar\u00e0 legerina. \"\"<\/a>Se preparemo per la partenza, lavandose i denti cola bira perch\u00e8 l’aqua ga qualche problemin a vegnir fora.
\nLa difusion del wifi e de internet ga influenz\u00e0 ‘bastanza el nostro modo de viagiar. I primi viagi (par che se parli de ere geologiche fa, ma stemo parlando del 2007) se stacava completamente dela realt\u00e0 triestina, aparte qualche telefonada o sms. Desso invece xe tuto sempre a portata, el wifi i lo ga anche nel pi\u00f9 scrauso bareto che te pol trovar. Cuss\u00ec, inevitabilmente, ogni giorno gavemo dei momenti dedicadi al cazegio su facebook, per sentir come va le robe e per condivider qualche impression istantanea de viagio. Sbisigando in rete, trovemo cuss\u00ec che Micol Brusaferro parla de noi sul suo blog<\/a>. Condivido el post su facebook. Poco dopo, la mia amica Sara lo condividi anche ela, tagando una mula triestina che se trova in Bosnia, Paola. A Bihac. Che xe propio dove che dovemo passar ogi. Ghe scrivemo. La ne rispondi. In diese minuti, gavemo el contato. Trieste-Bihac, passando per Chions e sopratuto per facebook.
\nSon ancora molto indeciso su come sia de considerar questa esplosion de possibilit\u00e0 de connession. Una volta, per parlar come i veci, partir voleva dir esplorar l’ignoto e viverselo ogni giorno completamente imersi in un novo contesto. Desso, abituai a esser quotidianamente in relazion con decine, se non centinaia de persone, stacar xe molto pi\u00f9 dificile, perch\u00e8 la tecnologia te da’ la possibilit\u00e0 de restar in conession con tuti. E cuss\u00ec te giri, te bagoli, te esplori, per\u00f2 no te son pi\u00f9 solo, come una volta, coi tui pensieri in un novo mondo. Desso te se porti sempre drio anche tuto el tuo mondo, de cui te fa fadiga a separarte, anche solo per do setimane. E questo, se de una parte te da sicureza, del’altra ris’cia de farte de cugno e de cavarte sensazioni, empatia col tuo novo contesto. L’incontro con Paola, per\u00f2, no saria mai stado possibile fin qualche anno fa. Probabilmente la giusta via, chi lo gavessi mai dito, sta in mezo. Gaver la possibilit\u00e0 de coneterse, in fondo, no vol dir dover coneterse. Sta ale persone gaver la capacit\u00e0 de viver intensamente ogni momento de quel che ghe sta intorno. O chiss\u00e0, semplicemente gavemo la possibilit\u00e0 de aumentar el conceto de \u201cintorno\u201d, e quindi viverse intensamente pi\u00f9 robe contemporaneamente, anche se distanti fisicamente. Vicini lontani.
\n\"\"<\/a>Ogi passemo per el Parco de Plitvice. Probabilmente la tapa pi\u00f9 spetacolare del giro. Ghe passemo proprio in mezo. I laghi no se vedi de qua, pec\u00e0. Ma passemo in mezo al bosco, su una strada tuta per noi, fata ecezion per qualche auto ogni tanto. Xe un bel pedalar, in clapa, tra alberi, bestiuze che bagola e salite, che no manca mai. Ma gnente de impossibile. La tapa de ogi sar\u00e0 tranquila fin la fine.<\/p>\n