Il nostro black friday: 4×2 su tutto il catalogo fino a domenica

Bon dei, femo anche noi el black friday, no podemo miga restar indrio.
E cossa se inventemo visto che za per tuto novembre e dicembre xe l’oferta 3×2 a domicilio su tuto el catalogo dei libri e zoghi White Cocal Press?
E se xe anche za l’offerta del zogo Barkolana a domicilio completo de espansion a 10 euro invece che 25?

Beh, femo che da ogi fin domenica 29 novembre compresa ghe zontemo vicin un ulteriore libro omaggio: el Monon Behavior 4, anche conossudo come The origin of Nosepolis. E se un no sa gnanca un minimo de inglese? Bon, femo che el pol sostituirlo con l’osmiza sul mare, che xe in lingua.

Quindi femo un riassunto che se capissi meo:

• Da adesso fino a domenica 29 novembre podè sceglier 3 libri o zoghi tra quei elencadi nel nostro catalogo (struchè sul link per vederlo).
• Quel de sti tre che costa de meno no lo paghè.
• In più ve riva in regalo anche una copia a scelta tra “The origin of Nosepolis” e “L’osmiza sul mare”.
• Quindi paghè 2 e ricevè 4. Cossa volè de più?
• La consegna a domicilio in Comun de Trieste xe gratuita. Pagamento ala consegna. Per le spedizioni, sarà de zontar le spese de spedizion.
• Come se fa l’ordine: basta una mail a manna@bora.la con i 3 titoli desideradi e l’indirizo de consegna.

Quindi, per esempio, se un vol: Barkolana + Le disgrazie del tran de Opcina + Vox Pupoli el paga solo Vox Pupoli e Le disgrazie del tran de Opcina (27 euri totali). In omagio ghe riva Barkolana e The origin of Nosepolis (quindi sparagnando ben 35 euri!).

Opur un pol ciorse la trilogia de San Nicolò pagandone solo due, 10 euri, e ricevendo in più anche L’osmiza sul mare (quindi sparagnando 15 euri).

Insoma vedè voi, le combinazioni xe infinite. Ocio che el black friday scadi domenica, farà fede la data dela mail 🙂