3 Luglio 2018

Cicio is not for boat: la vera (forsi) storia del claim della Barcolana 50

el sunto Come tirar fora un claim per una regata velica senza far riferimento a barche, mare e simili. Voio is not dead!

Gnente, afascinado dele polemiche sul novo claim dela Barcolana (We’re all in the same boat), volevo dir anche mi la mia monada 😉

Mi credo sia andada più o meno cussì:
LOCATION: el quartier generale dei publicitari Barcolana.
Toio (el paron): – Ciò i ne ga comisionado un claim per la 50esima barcolana
Jure (el bubez bravo ma un poco lole): – Figo, cossa xe?
– Ma come no te sa? Una regata! La più popolada del mondo!
– Figada! Bon pensemoghe un atimo… come te par… SALI IN BARCA ANCHE TU!
– Ma coss’te son mona! Dopo par un invito per i clandestini!
– Azz xe vero… provemo con IL MARE RENDE LIBERI!
– Pezo ancora… dei impegnemose de più. Scolta questa: LIBERA VELA IN LIBERO MARE!
– Libero mare??? Ma te zerchi propio longhi!
– Ciò che bale, no se ghe ne vien fora… andemo sul musicale… FINCHE’ LA BARCA VA LASCIALA ANDARE
– bravo mona, magari zontemo un “in tuti i porti” e gavemo fato la fritaia.
– E se ciolessimo ispirazion dele reclam vece? Tipo te se ricordi: “ZIGULi’ AL LIMONE, E VAI IN GITA COL GOMMONE!”
– mmm da barche a gommoni… te vol farte propio afondar!
– Tiremo un viz in triestin alora… tipo VE LAVE’ LA VELA!
– Sì questo pol andar ma saria de andar un poco più sul’international… tipo femo una roba triestina e la metemo par inglese
– Fata la xe: “CICIO IS NOT FOR BOAT!”
РBon ghe podessi star, ma dopo par che semo esclusivi, insoma la Barcolana xe bela perch̬ xe per tuti, cici inclusi.
– Te ga ragion! Ecolo! Semo tuti sula stessa barca! WE’RE ALL IN THE SAME BOAT!
– Fata. Ma no xe che i la ciaperà mal? Ghe xe sempre sta barca de mezo…
– No dei! O forsi sì… che balotole ara! Ciò ma sta Barcolana… ma propio barche ga de esser… no i pol farla coi auti?

8 commenti a Cicio is not for boat: la vera (forsi) storia del claim della Barcolana 50

    Lascia un commento

    Il tuo indirizzo email non sarà pubblicato. I campi obbligatori sono contrassegnati *

    Questo sito usa Akismet per ridurre lo spam. Scopri come i tuoi dati vengono elaborati.