30 Luglio 2015

Amici Nemici della Bici, Trieste-Praga 2015

el sunto Pubblichiamo volentieri il contributo di quattro ragazzi triestini in viaggio da Trieste a Praga, rigorosamente in bicicletta

Questa xe la storia de 4 muli triestini, a dirla tuta 1 mula e 3 muli, che sto anno ga optado per una vacanza come definirla… alternativa!
Ebbene sì, perchè xe quei che in estate passa le ferie a Porto Cervo (e ciamili mona) e quei senza un, che inveze decidi de cior le bici e pedalar… FIN PRAGA!!!!
Sta roba ga un nome tecnico… se ciama RUMIZADA, i saggi la definissi: l’atto de cior la bici e partir per mete lontane, generalmente associade al termine “a remengo” o “in stramonazza”. I muli no xe i primi che fa sta roba, xe stai altri che ghe ga provà e lori se ga dito “se lori pol, podemo anche noi! FEMO!”.

CHI.
La brigata xe sai variegata, semo signori e iniziemo col presentarve l’unica mula del gruppo:
Giorgia Abrami, alcuni la conosi come #FitGio, la xe laureada in scienze motorie, la fa l’istrutor de fitness, in estate te la vedi a Barcola che la ghe fa mover el cul a un gruppo de sue amiche. Ma no ste sottovalutarla…per viaggiar da sola con quei 3 muli la ga de esser tosta. Volè addominali scolpiti e culi sodi? ela xe la mula che fa per voi!
Livio Warbinek, laureato in Archeologia, el mulon deso fa el dottorato a Firenze, qualche mese all’anno te lo perdi de vista perchè el va in Turchia a far scavi..la sua passion più grande xe el popolo ittita…non ste a chieder chi xe sti ittiti perchè non gavemo mai seguì ben, però un consiglio ve lo demo , non ste chiederghe neanche a lui… podesi tenerve ore a parlar de storia!
Federico de Leporini (Lepo), laureando in Architettura. Ga finì gli esami, el dovessi scriver la tesi, ma ga preferì farse 875 km in bici piuttosto de star casa a far pupoli!Speremo el viaggio lo ispiri! El ga una bela mente, el xe creativo tanto che per l’occasion ga fato el logo per le maiette del gruppo, le xe sai sai bele! Volè una anche voi? 10 EURO ciascuna! 🙂 El mulo ga de cominciar a farse conoser sul mercato, se qualchidun vol offrirghe un lavor creativo non ste esser timidi!
Mark Ronconi, laureado in “chi me la cazza a mi” el svolgi un dei mestieri più assurdi al mondo el “sommozzator” , da qui se pol capir la pazzia della persona! El suo motto xe “son un pirata son un signore son un professionista nell’amore”… se ga visto… a breve el diventerà papà!!! grazie alla morosa che lo ga convinto con “va e divertite” el xe più motivado che mai, el spera de rivar fino alla fine per un giorno poderghe contar alla sua picia de questa super avventura!!

COME
L’idea fondamentalmente ghe xe vegnuda a Livio; Giorgia, sua morosa, lo ga seguì come se disi, “nella bona e nella cattiva sorte…” ma soli no i voleva andar e quindi i ga zercà de coinvolger altra muleria.
Iera una domenica pomeriggio, Livio Giorgia e Lepo iera in bici, ad un certo punto Giorgia ghe fa a Lepo: “Gavemo una proposta per ti!”, lui nasando aria de fregatura ghe ga risposto immediatamente: “NO!”, ma Giorgia lo conosi ben e saveva quali tasti tocar per convirzerlo e ghe ga dito…”Andemo a bever birette a Praga, ma andemo in bici!!!!!….” l’idea iera troppo una monada per non accettarla, e cusì el terzo se ga zontà!
Ma la roba più divertente riguarda il come i ga coinvolto Mark..o per mejo dir, come el se ga coinvolto solo. L’omo ga esordì con un voi se tutti deficienti..dopo 3 giorni ga comprà nell’ordine: portabici, marsupio sottosella, borraccia, maglietta, borse da viaggio, braghette, guantini, scarpe con attacchi, pedali e alla fine la BICI! Desso? Porta l’Alabarda della squadra.
In tutto questo i muli xe partidi senza troppe consapevolezze, voja de divertirse e de far una bela avventura.

QUANDO
I muli xe partidi il 27/7/2015, i dovessi (se spera) tornar a Trieste il 9/8/2015.
Tappe ciclistiche: 27/7/2015 Trieste-Lubiana; 28/7 Lubiana – Dobrna; 29/7; Dobrna-Gornja Radgona; 30/7 Gornja Radgona – Koszeg; 31/7 Koszeg – Bratislava; 1/8 Bratislava- Vienna; 2/8 Vienna-Vlasatice; 3/8 Vlasatice- Zvole; 4/8 Zvole- Kutna Hora; 5/8/2015 Kutna Hora- Praga. 3 giorni di relax a Praga. Ritorno con il Pullman, non si sa ancora bene come!
Noi ve li gavemo presentai alla bona, se volè maggiori informazioni qua xe la pagina facebook.

Tag: , , .

4 commenti a Amici Nemici della Bici, Trieste-Praga 2015

  1. LuisaG ha detto:

    complimenti per la pedalada.
    ma 4- per el dialeto italianizà che usè.

  2. Nicolas ha detto:

    Very nice, very good…. Bona i muloni!!

  3. Fiora ha detto:

    una vita de moleze me ga resa un’isulsa pezo de un alga, MA! so aprezar chi con impegno, cameratismo e un bicc. de incoscienza riva a ragiunger ste mete.
    Me fa vignir in amente
    https://youtu.be/LVom6tW3gUU

  4. Paolo ha detto:

    forsi i ghe meti meno tempo de quel che ghe gò meso mi in machina… remenghis de strade austriache e ceche…

Lascia un commento

Il tuo indirizzo email non sarà pubblicato. I campi obbligatori sono contrassegnati *