Compaiono le luci natalizie. Babbo Natale: “No dei, no xe frescheza. Stago ancora tirando clanfini”

Ciò. Ecoli. Xe za tacadi i adobi natalizi. No tuti impizai, ma qualchidun sì. Ciò che ansia, qua ga ancora de rivar l’estate dei! Aiuto! No iera do setimane fa l’Olimpiade dele clanfe? Bu!
Alora semo andai a domandarghe a Quel Che Sa, l’omo de nadal per antonomasia, coss’che el pensa. E no lo gavemo trovà a casa. Iera solo una de quele bestie sue, quei cavai bechi che ghe porta la slita, che ne ga dito de zercarlo a Barcola. E infati ecolo qua. Babbo Natale in persona.
“Nadal? Ma cossa sè mati? me volè za far lavorar? Ma cossa no sarè miga furlani ciò? No dei, no xe voia, desso go de tirar clanfini. Provè de San Nicolò!”
E via lui.

E bon, forsi in efeti xe un poco prestin. Ma tanto Barcola xe addobbi free zone 😛

P.S. Grazie al modello Jan Malabotta, Tale Bobana Boba Natale.
El becostage: Boba Natale se prepara al lancio e el riscaldin del post tufo 😉