La temibile Movida tergestina

Thanks al Tinis per la collaborazione e ad Alis per la foto che ghe go fregà 😉

La temibile Movida tergestina
– Ciò Toio, te ga leto el Bugiardel ogi?
– No, cossa disi?
– “Orde di giovani barbari che lasciano la città in condizioni penose”…
– Giovani barbari? A Trieste? Ma cossa vol ancora sti giovini qua ciò, no i ga altro dove andar? E po’ cossa xe sti barbari? Xe quei apolidi?
– Ah, pol esser, giovini che manda a remengo la cità po’. Ara coss’che disi: “reduci da una festa nel salotto buono della città”…
– El saloto bon? Cossa xe sta roba? Xe quel del sindaco? Cossa ghe iera una festa in comun? Cossa sti barbari i ga disfà Palazo Cheba?
– No, no, qua ghe xe altre foto. Ara qua, una latina de Lasko butada per tera in Cavana. Degrado ciò, dove anderemo a finir.
– Ah miga solo quela. Ara qua, ghe xe una fiasca sul molo vizina la bita.
– E vara questa ciò. Un scovazon pien de scovaze. Con un sacheto de nylon pien de altre scovaze tacà de sora.
– Mama mia indove che andaremo a finir. Ma sti giovini, de chi i ga imparà ste robe?
– Ah, mi no go ben capì tuto quel che xe scrito. Comunque par che ghe sia una bruta bestiaza che bagola in giro, che i sienziati ga ciamà Movida tergestina.
– Orco tron! Un parasita come?
– Ah, no i ga rivà mai a fotografarla quindi no se sa ben come la xe fata, ma par che sia una bestiaza ‘bastanza comun int’ele altre cità. E pertuto la fa cussì: la sponzi i giovini e la li invelena, li incocalissi.
– Ostregheta ciò, che bruta bestiaza. La li sponzi int’el daur?
– No se sa ben dove, l’unica roba che se sa xe che la ghe peta int’el sangue un ‘ssai bruto velen, CH3CH2OH se ciama, e dopo i giovini fa ste monade.
– Ci aca tre ci aca do o aca?
– Ma no, le aca xe mute. Se legi Cciò, con la c longa, squasi biascicada no. Infati se te se meti a parlar co sti giovani te li napi subito che la Movida li ga sponti, xe tuti che te disi “cciò” biascicando. I pezo te disi adiritura cciù!
– Mama mia che robe che te me conti! E dopo che i xe invelenai e che i biascica i fa ste monade?
– Giusto come l’oro. Dopo per via de sta Movida i ridi, i ziga, i canta, i sta svei fin l’alba, i lassa una latina in cavana, una fiasca sul molo, i fa gare de pissade del Molo San Carlo, i se tira gavetoni.
– Gavetoni anca! Che degrado ara. Una volta no iera cussì. Noi savevimo divertirse e no ghe davimo fastidio a nissun. Te se ricordi che bei tempi che iera?
– E come te vol che no me ricordo? Ghe xe anca cussì tante bele canzoni che ne ricorda come che iera i bei tempi andai!
– Eh sì! “Ai bai tu me la darai! Ghe tiro su el sipario, la ciapo in un porton! Zigosela zon zon zon!”
– “Dove xe Bertolin? Bertolin xe andà in casin!”
– “Ancora un litro de quel bon! Marieta buta zo el paion che dormo in strada!”
– “E se son palida come una straza, vinaza vinaza e fiaschi de vin!”
– Giusto! “Solo davanti a un fiasco de vin quel fiol de un can fa le feste, perchè xe un can de Trieste, e ghe piasi el vin!”
– “Per tera el me smaca con tanta violenza mi zerco le braghe però son za senza… la paura xe tanta, no ghe xe una uguale, int’el cul me lo fraca, manca solo le bale!”
– “Mi stago in via Crociferi, de sora via Cavana… go d`o fradei in canon… che ga copado mama. Papà xe alcolizado e zia xe orba de un ocio, nono ga mal de fegato e zio xe un po’… fenocio!”
– “Kataricka, Katarocka, tuti i jorni ti mi plosca, tuti i jorni ti mi plosca, zo per glava ratapalz!”
– “Casa mia, casa mia, te son tuta un’osteria, ogni stanza un betolin, se respira odor de vin!”
– “Tu mi dare ciocolata, io ti dare la patata!”
– “Tu mi dare, mandarini, io ti fare six pompini!”
– “Triestin che bevi vinazza dopo el manda tutti in monazza, dighe de sì… xe un Triestin, dighe de sì!”
– “E mio marì xe bon, el xe tre volte bon, ma solo la domenica el me onzi col baston!”
– Ah, quei sì che iera bei tempi ciò. Altro che sti giovini che pensa solo che a imbriagarse. Chissà de chi ostia i gaverà mai imparà, de noi no de sicuro.
– Xe tuta colpa de sta Movida tergestina po’, te go dito! Degrado!

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la