17 Dicembre 2012

Mercoledì 19 alle 19: Ciclomonade, viaggi in bici da Trieste verso l’Europa

E chi no vien che porti la giustificazion, sempre mercoledì 19 ale 19 😛
In Galeria Rossoni, ex libreria Svevo, ospiti della manifestazion “Gesti e Sapori”, mi, Michele Zazzara e Ivan Lo Vullo Peruggini IV (nobile ciò) parleremo un poco dei viagi in bici che gavemo fato, verso Budapest e verso Cracovia, e del libro Zinque bici, do veci e una galina con do teste (ecoli là, publicità subito) a cui ghe volemo tanto ben e che xe sicuramente el regalo naDalizio più bel del mondo (certificà de San Nicolò).
Notizia finalmente uficiale: el libro xe sta’ considerà meritevole de ciapar el contributo regionale per la valorizzazione del dialeto triestin. Insoma qualcossa de bon gavemo fato dei. Xe tipo la grande rivincita sul friulano 😛 Scherzo dei, no centra niente, iera giusto per butar un poco de campanilismo a caso che fa sempre ben 😉
(“Oh no, no i doveva darve! Desso za vedo che farè i spocchiosi con sta storia e ne romperè le bale per mesi!!!”)
Va ben, comunque chi vol rider un poco de noi pol passar mercoledì 19 ale 19 in Galeria Rossoni, no dura ‘ssai tranquili! Giusto el tempo de spiegarve cossa se magna, cossa se bevi, dove se dormi e come se se vesti co se va in giro in bici. Ve spetemo, xe a gratis!

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , , .

2 commenti a Mercoledì 19 alle 19: Ciclomonade, viaggi in bici da Trieste verso l’Europa

  1. Fiora ha detto:

    …Brilantissimi e arditi paralelismi statistico matematici cole imprese del grande Rumiz e pregevoli neologismi Patòc-italici,ma sicome che son totalmente negada per tignirme in bilico su un toco de fero a do’ riode e maledetamente invidiosa de chi che sa, perferisso sofermarme sul incipit del acuto paralelismo tra gati e cani che me ga ‘ssai colpì.
    Me go reso conto in maniera inconfutabile che i gati che “no ga pel cul” gnente e nissun a diferenza dei cani che “rompi sempre le bale” iera, come in passato per ani anorum la companìa giusta per una agitada come che son mi, mentre i cani on tuto el casin che i fa e le continue richieste de atenzion e rassicurazioni i finissi per aumentarme l’ansia e in definitiva i me oprimi.
    Tornada a ciorli, he li gavevo lassai in custodia per no disturbar la presentazion i mii do’ foleti canini me ga leteralmente asalida con salti festosi involtizandose ‘ntei guinzagli..zuca de qua, zuca de là. ocio ai auti,ocio ala gente , che beli signora, e crescono?, come si chiamano… e mi in equilibrio con un soriso de torturada frugando cola man libera tra sacheti ingrumapupù e telefonin…
    Ah! Diego Diego, che gran psicologo de bestie vs umani.
    Bon e ‘lora? Ghe go dito, ragazi si permuta, vaghegiando una cubia de quieti gatini Ragdoll… savendo ch’el mio xè un impegno a vita e che acudirò i mii i do’ foleti rompibale con amor e che i ne uscirà solo coi pie de fora 🙂

  2. briz ha detto:

    Ciao, complimenti per il bellissimo blog. Se vuoi scoprire i dolci

    tipici tradizionali piemontesi vieni a trovarci su

    http://www.dolcepiemonte.com
    ciao

Lascia un commento

Il tuo indirizzo email non sarà pubblicato. I campi obbligatori sono contrassegnati *