16 Novembre 2012

Anche i porcheti tira clanfini. Continua l’analisi etologico-evolutiva

Eco, alora ierimo rimasti che la clanfa, endemismo triestin perchè cussì gavemo decretado noi al’unanimità, oltre a esser difusa anche in altre culture de Homo sapiens e Homo sempiens la se trova anche in altre specie, e gavevimo scoperto dele simie che tirava clanfini con el ciaro intento de schizarse.
Desso, grazie ala segnalazion de Cristina Favento, la nostra analisi va adiritura oltre l’ordine dei primati, al qual in fondo apartegnimo anca noi, insoma tropo facile.
Eco a voi i porcheti che tira clanfini!

E su repentina segnalazion de Erika Ronchin, eco el video. Ciò ara coss’che i schiza!

Nel’articolo originale i disi che i porcheti se lancia perchè cussì la carne diventa più tenera e la panzeta più bona.
Questa xe una teoria evolutiva interessante. Anche i clanfadori in fondo con l’età prima o poi ghe vien una bela panzeta. Fin desso se pensava che iera per via dei spritzeti, ma desso i porcheti ne ga dà questa nova ciave interpretativa che va de sicuro analizada.
Propongo 4 grupi de studio: clanfadori che bevi spritz, clanfadori che no bevi spritz, non clanfadori che bevi spritz e quei che propio no fa gnente. Poi sarà de valutar le diverse panzete. E dopo in caso ghe spedimo i risultati a quei del’alevamento de porcheti, perchè podessi esser che dandoghe spritz ai porcheti i panini de porcina senape e kren dopo i sia ancora più boni 😀

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , .

11 commenti a Anche i porcheti tira clanfini. Continua l’analisi etologico-evolutiva

  1. Fiora ha detto:

    l’omo xè una bestia o la bestia xè umana? bon indiferente! Clanfadori tuti e po’ bon!
    Che cocoli sti porcheti! tali e quali la Defonta….Ma nooo! la mia defonta carlina dei! Sob 🙁 🙁 🙁 ma ela no iera per acqua e meno che meno per clanfe

  2. ufo ha detto:

    Ma no xe che chi che tira klanfe co no xe più bon farle vien trasformado in luganighe, panzeta e porzina? Perché no xe che se ne vedi tanti in giro, de clanfadori veci…

  3. Fiora ha detto:

    orpo ciò, ma el post dò, col suo inquietante interogativo xè a caratere canibalesco come?! 🙁

  4. Fiora ha detto:

    @ sta insinuasion ghe farà dano a Masè per no parlar ala Duke, zà in oio santo per le sue….
    Mi spero che i deliziosi porcheti del video continui a tirar clanfe vita natural durante e che gnanca un i lo buti …al porco! 😉

  5. dimaco il discolo ha detto:

    beh visto che la clanfa e relativo schizo xe ati dimostrativi per impresionar elementi de fator alto de ctf (un tipo de danza per l’acopiamento come tante xe in natura) me domando, se anche i porzei del video i fa cussi per impresionar le porzele. omini e porzei uguali con le medesime finalitá?

  6. aldo ha detto:

    se i ciapa una panzada per i porcheti no ga senso dir in porchese “porco …” e alora cossa i disi? fose “omo …”?

  7. Fiora ha detto:

    @ 6 zà, Aldo. El tuo xè un interogativo che l’etologo serio dovessi porse e farse un punto d’onor nel rivar a fornirne la risposta scementificamente inconfutabile

  8. Fiora ha detto:

    el dilema de Aldo me ga cavà el sonno…(no, l’apetito no! 🙁 )
    COME PORCONANO I PORCHI?????

  9. ufo ha detto:

    El porco porcona sì. Ogni volta che el discorso el va finir sul Prodotto Nazionale Lardo. Ma no servi niente, xe tuti che ghe disi che xe ora de sacrifizio. Per suo ben.

  10. Fiora ha detto:

    @9 😀 😀 😀 ” P.N.L.” Grandiosa!
    Pel Porco! Ufo,te xè sempre el numero Uno!

  11. pulce tala recia ha detto:

    …tuti croti lindi de tenero rosa sti purzei anfibio-temerari ma…no sarà che la “costa” dei barbari se ciama così perchè……
    :-))
    maria che panzade però!bravi e ocio al primo fredo!!!

Lascia un commento

Il tuo indirizzo email non sarà pubblicato. I campi obbligatori sono contrassegnati *