9 Ottobre 2012

L’evoluzione della clanfa, dalle scimmie ai triestini

Dopo gaver scoperto che la clanfa, tuffo riconossù a livel internazionale come endemico triestin, esisti in diverse forme anche al’estero (ricorderemo l’american suicide dive con anche l’olimpiade dele clanfe apocrife -con colazion a base de missiot de late cereali e redbull, bleach-, o la lussiniana kopito) desso su segnalazion de Raniero xe saltà fora anche sto video de pseudoclanfe svedesi, e de novo un’olimpiade apocrifa.

VM-kval i Döds 2012 from Kristoffer Davidsson on Vimeo.

Alora, vista la difusion nela cultura umana, urgi implementar i studi sciementifici.
Che sia adiritura de incominciar a far etologia comparata?
El significato dela clanfa savemo za qual xe:
The clanfa must be a male agonistic behavior with great weight on triestin’s sexual selection. Clanfa rate increase proportionally with CTF factor present, and the best performers seem to have the greatest fitness. The great importance given by triestins to the production of schizzs while diving must be the key to the evolution of clanfa. The social rank in the triestin al bagn is given by the height of the schizzs, by the area covered by the schizzs and by the mulettes washed by the schizzs, a component with a clear sexual meaning (Laidos, 1988; Berlusconi, 2008)“.
Ref:
Burlasconi S. 2008. Chi ghe piasi la figa che tiri una riga: better a durex than a dura lex.
Laidos. 1988. El torero de basovizza.

Quindi, quale xe la domanda a cui risponder per capir la vera origine dela clanfa?
Questa: semo sicuri che solo nela selezion sessuale dei triestini conti cussì tanto el schizo? O xe propio roba de Homo sempiens? O xe adiritura roba de più specie?
Bon, parti l’analisi evolutiva.
E partimo dei parenti strenti.
Eco qua le simiete che tira pseudoclanfini.

Par evidente, anche se further studies must be copiosament finanziated (=dene soldi che se li bevemo in spritz), che le simiete se lancia in acqua per schizar le altre. El punto de arivo xe sempre vicin de un’altra (vedi 0:03, la fantastica 0:14 che zerca de schizarne 2 e 0:33 che la lava completamente.) Xe anche la simia-mulona ala fine che vol far la vera bobaza, se rampiga su in alto…solo che el video se bloca, pecà. El videomaker no gaveva passione scientifica ah.
Desso pian pianin troveremo altro materiale su altre bestiuze.
Qualsiasi segnalazion sarà gradita! Grassie! 😉

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , , .

4 commenti a L’evoluzione della clanfa, dalle scimmie ai triestini

  1. siani ha detto:

    mitiche le simiete e anca i svedesi, niente mal, tra l’altro una zima de paura, el publico xe con maioni e giuboti!!!

  2. Fiora ha detto:

    ah Darwin mio chi pol confutarte, vardando sti sgai e cocoli simioti! spudai dei mii nipotini…
    quanto ai psudoclafadori Svedesi: “deficienti”, lo disi la parola stessa. 🙂

  3. ManuelMuja ha detto:

    Me par su cielo, xè un programma de ciccioni che zerca de dimagrir.
    La go vista un poco de sbris, ma alla fine un de sti qua se tuffa de una barca, e me par proprio che’l tiri una clanfa.
    Provè a veder.

  4. Macia ha detto:

    A 0:08 l’intervistator disi chiaramente “gran ploc'”, che, secondo mi, certifica l’indiscutibile origine triestina de la clanfa, confermada anche dai nomi de nagana dei partecipanti (Granbom xe proprio nostro domacio, ma forsi anche Hultman).
    Scherzi a parte, saria bel, in una de le prossime edizioni de l’Olimpiade, metterse in contatto con ‘ste altre realtà e far un bel campionato internazional, magari a tappe…

Lascia un commento

Il tuo indirizzo email non sarà pubblicato. I campi obbligatori sono contrassegnati *