Eco el primo singolo del novo album de Riki Malva & Theo LaVecia “Kraputnik” (lo trovè col Picolo dal 30 giugno, za finidi, ma desso da sabato i dovessi esser de novo, fin al 14 luglio, a 7.80 euri), che parla del mitico Pedocin, istituzion secolare triestina. A ocio, sta canzon se difonderà ben oltre el muro del Pedocin 🙂
Prodotto da Pan.duro records, regia e riprese di Leo R.F.C.
montaggio di Leo e Riki Malva
assistente regia e comparsa Morens
E eco el testo:
Pedocin
xe un logo de culto xe un logo de scienza
la gente de fora no porta pazienza
co i riva a Trieste i vol controlar
se esisti davero sto logo de mar
un muro dividi omini e babe
de lore xe un ceso de noi xe ‘na pase
e no te pol dir de eser triestin
se no te conosi….. el pedocin
le babe le ziga le bala e le fuma
le pol star tranquile nisun che le ingruma
la prova costume no servi no conta
te trovi de tuto la magra e la sgionfa
i muli del resto de la i ga una pase
xe sai rilasante star senza le babe
ma ocio de soto co casca el taquin
del resto savemo….. te son al pedocin…..
el pedocin pedocin pedocin pedocin
el pedocin pedocin pedocin pedocin
el pedocin pedocin pedocin pedocin
el pedocin….
el ga la sua storia ormai secolare
perchè soto l’austria i gaveva le pare
che omini e done svestidi e in mudande
fazesi sporchezi vedendo un do gambe
entrar costa poco diria quasi niente
co riva l’estate xe ulmo de gente
te trovi el dotor la comessa el postin
gavemo de tuto al pedocin
xe un bagno all’antica ma senza pretese
però qua i vien spesso a far le riprese
tv nazionali e quella locale ne parla ogni anno
xe un posto speciale
un muro dividi omini e babe
de lore xe un ceso de noi xe ‘na paxe
e no te pol dir de eser triestin
se no te conosi…… el pedocin
el pedocin pedocin pedocin pedocin
el pedocin pedocin pedocin pedocin
el pedocin pedocin pedocin pedocin
el pedocin….
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
Sono un fan di Riki e di Maxino – la top hit per me è “Vergognite” – ma devo dire che mi sarei aspettato qualcosina in più stavolta.
ala fine del video el messican vien portà per sbaglio a l’Ausonia, ma…
…no xe miga sbaglià: per veder tutto el Pedocin, parte omini e parte babe, el posto giusto xe proprio la teraza de l’Ausonia
A carneval “Muja mega song” de Maxino e sta estate “Pedocin” de Riki Mava, xe l’esplosion dei ani ’80 triestini… se sa che qua ghe vol un poco de tempo per coglier l’atimo…
Figon! Bon toč a tuti!
Insoma, Muja mega song xe come tute le canzoni de Maxino: banali, brutine, senza fantasia, spesso volgari. Sta qua de Malva xe propio ssai cocola: la scena final xe un quadreto magnifico. El triestin che el sa tuto lui, triestin patoco cren e capo in b, manda el turista int’el posto sbaià. Bel, propio bel… umorismo fin…
Intervengo ringraziando prima de tutto bora.la per l’articolo, ringrazio chi ne supporta e ne SOPORTA… ma una roba devo dirghe a Marco, lo ringrazio per el complimento ma Maxino non fa canzoni banali brutine o volgari…. Maxino xe un gran musicista prima de tutto, inoltre ga sai witz, el confronto/scontro non esisti tra de noi, gavemo un umorismo diverso, e quindi le persone se pol identificar meio nel mio o nel suo modo de far canzoni, ma questo no vol dir che l’altro fa schifo.
Viva RIKI MALVA ! Te son unico, speciale !
Continua cussì !
Riki, senza ofesa per nissun e ognidun pol gaver i sui gusti, ma de Maxino una canzon xe su la scagarela, una sui ruti de digestion pesante, una sul molar nere. Sarò cascà mal la sera che el sonava ste qua, però cossa te vol… me spiasi ma me piasi più le tue… 😉
Marco, non per convinzerte del contrario, chissenefrega, ognun ga i suoi gusti. Però se te ga tempo inveze de zercar le mie “merde” (dal vivo no go mai fatto quella dei ricchi e poveri ne Anna oxa, mai, quindi deduco che te attirava el titolo su youtube) scolta “immagino l’inverno”. El disco “serio”. Giusto per capir un po’ el resto del mio “mondo”. Dopo libero de scoltar avanti rutti e scorese, se te fa piazer, ma reputeria un commento più giusto se te me lo disi dopo aver ascoltà anche quel.
Ps grazie Riki! Go sai apprezzà el commento! 🙂
Pps
Go 113 video totali carigadi! Proprio quelle 3? Cacchio…le vien fora solo se uno scrivi su youtube “merda rutti scorese”! No vedo altri modi! 🙂
Bon comunque a parte sto sfogo (scusa marco. Torno da un doppio matrimonio, go inizià a sonar alla una de dopopranzo e son tornà a casa ADESSO, quindi son un poco suscettibile hahahaha). No te piasi e pace. Gnanche non sta risponderme che no occori 🙂
Ma xe gente che se zerca su google de notte per saver cossa che i disi de lori? O_O
Go dito che no me piasi muia mega song e che i testi xe spesso banali. Tuta sta vita?
Xe chi che ghe piasi le tue parodie, a mi nissuna fora che quela de la clanfa.
E pietà, te fa parodie, no esecuzioni de Schubert: no me noto giorno e logo dove che go inteso una canzon, se iera dal vivo o un mio amico ga tacà musica zo del suo computer.
Me ricordo sicuro al 100% de na volta che te cantavi sora de un barcon ormegià nel porto de Muggia un o due anni fa, e qualche toco me pareva banal e de cativo gusto.
No te son d’acordo? Amen, miga go insultà.
Però giuro, prima volta che vedo tante storie per un comento. E se scrivevo, no so, che Pilat ga i cavei tinti me lo trovavo rabià stamatina soto casa mia a cantarme la cavala zelante?
Rilassite, iera solo un comento int’un post che comunque iera su altro.
Mi su bora.la vado sempre… No son “gente che se zerca su google”. E comunque leggi ben quel che go scritto sul disco serio e sul “scusa, son stanco”. Per precisar, sul barcon no go fatto nissuna de quelle tre… No me incazzo miga…
Ribadisso: scusa, te ga ragion a vederla come che te vol ma magari fate una vision più completa.
L’opinion personale resta sempre sacrosanta, anche se limitada a pochi elementi. Ti da poche canzoni te me giudichi banale, mi da pochi commenti de giudico odioso. Magari sbagliemo tutti e due 🙂
Che dopo par che son permaloso (magari anche si :)) ms. De gente che Mr. Disi che ghe piasi de più Riki malva o i thc ghe ne sento spesso. Come xe spesso gente che no ghe piasi robe mie. Ma evidentemente la frase “Insoma, Muja mega song xe come tute le canzoni de Maxino: banali, brutine, senza fantasia, spesso volgari” no xe esattamente la stessa roba. Bon, comunque pace… Riveremo entrambi a sopravviver, se beveremo un spritz e passera tutto 🙂
Maxino,
mi piacciono da matti le tue vignette assieme a Iaia!! Ma sei proprio un disegnatore?
Secondo me hai talento come cartoonist. Perchè non ci credi di più in quel tuo/vostro talento?
Grazie Italiano
In realtà io faccio i testi e lei i disegni. Sul “crederci di più” cosa intendi? Pubblicizzarle dici? Perché è uscito a natale il nostro primo libro e siccome è andato bene la casa editrice ci ha chiesto di fare il secondo. 🙂
Quindi ci crediamo abbastanza 🙂
bah , a mi pe me piazi tochi de un de tochi de l’altro. Non sempre un’album ga canzoni che piazi tute. Qualchiduna de più qualchiduna de meno.
I xe bravi tuti e dò. punto.
E anche me secca romperghe le balle su sto post, che xe suo e de theo! 🙂
Comunque sto dualismo se lo gavemo inventado noi, e tanti ghe xe “cascadi”. A noi personalmente ne fa un sacco de pubblicità, quindi benvenga anche gli ipercritici. Detto questo commento pedocin!!
Allora, non go ancora scoltado el resto del disco, son sicuro che a livel de testi sarà robe de spanzarse, probabilmente piu de questa, però mi so perché i ga scelto questa. Perché ga un ritornel bastardo che no te se lo cavi più dalla testa 🙂
la muleta a 1:04 de drio tal angolo a sinistra la xe quasi inquietante. 🙂
Per mi xe bravi tuti e do’. Stili diversi ma i me piasi entrambi.
se sta uficializando le corenti maxiniana, rickimalviana e quela del maxin-rickimalvismo?
anche mi son per la terza, me piasi tutti e do e in particolare certi tochi del un e de l’altro
comunque deghe soto, xe bel veder in sti anni sta rinascita de l’umorismo triestin scrito, cantato e filmato
Me speto ‘Boba lover’ a breve 😀
http://www.youtube.com/watch?v=vDRnkTSdbRE
@20
ah ah! capitano grande idea:
el video de me par perfeto per la parodia de tre squinzie che va a Barcola
anca mi no concordo col giudizio de marco.
pol piaser o no piaser e mancassi altro.
però maxino banale, senza fantasia e volgare no dei.
quoto aldo 19 sula rinascita del’umorismo triestin 🙂
ragazzi parlè de correnti…mesà che ve sè montadi un poco la testa o ghe la stè montando a sti 2 .mi go parlà con zente che fora de trieste no li conosi nessun e pensavo el contrario visto le visite su internet.per quanto riguarda enrico marchesi…..la montagna gà partorì un topolin….riki e theo…ci rivedremo a filippi…a buon intenditor…
speta speta…. ti intanto speta !!
No rivo capir ogni tanto che quachidun fa qualcossa e bon xe sempre un cavron che el ga e romper le bale. Se no te piasi va ben lo steso, ma no swta tirar m…a intorno ala gente. son urioso de cossa te ga fado ti, che intanto te speti. te speti cossa? l’ispirazion o el novo disco e gigi dalesio?
Ma si xe sempre el stesso che cambia account youtube, che me manda email finte, che se firma senza nome… El solito. Riki lo conossi ben. Gnanche a preoccuparse. Anzi! Fin che xe sti commenti vol dir che xe qualcossa che ghe da fastidio, e se ghe da fastidio vol dir che sta andando ben! Quindi xe una specie de termometro per el successo! 🙂 figon! Onorato de starte sulle balle anche mi finalmente 🙂
@ Riki Malva e Maxino
Un’idea su cui lavorare assieme. Tutti assieme (io ci metto il copyright dell’idea).
Perchè non iniziate a studiare, pensare, progettare, comporre e – poi – realizzare un’Operetta (alla vostra maniera)? Con le scenografie/tavole di Iaia pure.
Questa sì che sarebbe una cosa seria, professionale, unica.
Un qualcosa che rimarrebbe, una cosa diversa e da tramandare. Ma soprattutto una sfida ciclopica ma stimolante. Irresistibile. Forse inarrivabile.
copyright@italiano
Beh io tempo fa ho portato in scena un musical con testi e musiche mie al rossetti, Riki e Theo quest’anno hanno fatto un “concept album”. Per l’operetta chissà, magari un giorno… 🙂
Per il prossimo anno ci sarà qualche novità comunque… Un po’ di progetti folli 🙂
son tornada stamattina dalla Croazia alle 6 e mezza e me son scoltada kraputnik fin soto casa! Troppa roba! Lo scolto e rido e più lo scolto più rido poi la canzon country xe una figada!