Sul Forum Trieste l’utente Jolly fa notar vari indizi inquietanti:
1. No xe stada messa la piastrela cola Miss Topolini 2011 là del quinto topolin
2. El culendario 2012 de Miss Topolini no gaveva el patrocinio del Comun.
3. L’anteprima, che de solito se fazeva apunto ai Topolini, sto giro se ga fato ale Tori d’Europa
4. L’evento no xe sta’ messo nel calendario de Triestestate 2012
E desso se riva al dunque:
5. el primo luglio el Picolo ga svelà che la semifinale se tegnirà el 29 luglio… a Muggia! Oltre el Rio Ospo! Panico. E…
6. el 6 luglio ghe sarà adiritura un casting speciale al… Centro Commerciale FRIULI!
Par chiaro che questo xe un vero e propio ratto de Miss Topolini. Cossa nassi?
Vosi de coridoio disi che queste xe le prime vere conseguenze dele crociate moralizatrici de Franca C. Porfirio, che ricordemo iera una grande nemica del concorso (vedi “Miss Topolini avrebbe bisogno di un assistente sociale“). In questo modo, pian pianin el movimento “via la muleria dei Topolini”, insieme col brazo armado del comitato anti-tuffi, sta vinzendo la sua bataglia.
Fata fora Miss Topolini, quale sarà la prossima vitima? L’Olimpiade dele Clanfe, altro grande obietivo dela Porfirio, incomincia za a tremar.
Per intanto, ricordemose sta chicca dei ULTRABULLoTS dedicada a Miss Topolini.
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
El primo miss topolini i lo ga tenù in castel de san giusto nel 1844. Dopo l’ano dopo i lo ga fato in via bramante, dopo in piaza vico, dentro la galeria sandrineli, in piaza goldoni. Nel 1870 miss topolini i lo ga fato in Piaza oberdan (allora piazza caserma), dopo in piaza dalmazia, in via ghega, davanti ala stazion, dopo i lo ga fato a Roian, dopo pian pianin un poche de edizioni in viale Miramar e dopo i xe rivai a Barcola. Però i disi che la prossima edizion sarà al molo tetta, quela del 2014 in ostello, quela del 2015 in castel de Miramar, quela del 2016 a Grignan, dopo i ga deciso de far un pochi de miss topolini in costiera, dopo sistiana, dopo in biasiacheria, finchè nel 2025 el concorso i lo farà a Cervignan. E dopo a Udin, e là i furlani ne gaverà portà via anche miss topolini
Ma il ratto de Miss Topolini fussi il suo moroso?
via la musica apolide (che anche i pochi che resta i vadi a Sistiana, a Lignan e in Slovenia) e efetivamente dopo le ultime polemiche el centro xe bastanza svodin
basta col rito goliardico dele schizade de fine anno fora dele scole (go letto lettere sul Piccolo che pareva i fussi dei terroristi)
basta co ste schizzade al bagno (no bastava ai Topolini, cossa adesso anche in Pineta?)
via sti concorsi de miss dai loghi publici (le xe tropo picie, le xe in bikini, i omini le varda inveze de leger Kant)
purtropo a Trieste ghe xe tanti frustrai che no soporta qualsiasi espression de vitalità giovanile
ala fine de l’opera i meterà el cartel “TRIESTE CITTA’ DEGIOVANILIZZATA”
un al confin con Duino Aurisina e un altro al confin con Muggia
Perchè parlate in lingua?
El sorzo di miss topolini