12 Giugno 2012

Mercoledì 13 giugno la presentazione di “Zinque bici, do veci e una galina con do teste”

Domani ciò!
Sè tuti invitai ala presentazion del libro mio e de Michele Zazzara, che se intitola “Zinque bici, do veci e una galina con do teste“, mercoledi 13 giugno ale 18.00 al zircolo Arci Officina in via Manzoni 9-11.
Ghe saremo noi (ah, bela roba…altro?), ghe sarà el conte Ivan Lo Vullo Peruggini IV (bon, za meo, dopo?), ghe sarà le nostre bici se rivemo a rivar fin là senza morir de fadiga (bon, le bici xe cocole, almeno le sta zite…dopo?), ghe sarà un do monade (ah eco, la roba se fa interessante…altro?) e infine ghe sarà de bever (ooooh là, te podevi dir subito no???). 🙂
El libro parla de do veci in osmiza, che legi la storia de zinque bici (con zinque muli de sora) che va de Trieste fin Budapest. Ogni tapa ghe fa vegnir in amente una storiela, che i se conta. E ogni capitolo ga un bel pupolo.
Ben bon, se gavè voia e piazer de passar un’oreta in alegria, semo là!
Se no passè tipo per le 19, bevè a sbafo e fotocopiè el libro de sconton 😛

Qua la pagina feisbuc del libro.

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , , , .

8 commenti a Mercoledì 13 giugno la presentazione di “Zinque bici, do veci e una galina con do teste”

  1. aldo ha detto:

    dopo el ciclo del monon…

    …la ciclomonada xe l’inizio de un novo ciclo?

    …e pol vegnir anche le babe che ga el ciclo?

  2. euro ha detto:

    Presente

  3. sfsn ha detto:

    la monada ciclica… e dove sarìa la novità?
    😉

  4. Fiora ha detto:

    eco là… sti eventi sempre per farme vignir nervoso a mi, orpo!
    Ma nooo! no la presentazion…l’evento che go de eser dopo le sete e meza.
    A fioi che compissi un anno i ghe fa compleani come se i fussi zà grandi. 🙁
    Tirarghe paco? Parenti, NOSEPOL!
    Ara no xè più i fioi o i compleani de una volta. Nissun che gabi più un poco de quel che se ciama…i taca per le quatro e dopo ” ti spetiamo, mangiamo una picoleza insieme…”
    Bon ‘ndiferente! Vizina col cuor, Diego! 🙂

  5. Fiora ha detto:

    FIORA PRESENTE! magari per un blitz ma no podevo mancar. Go tute le precedenti opere de D. Manna autografade e anca questo farà parte dela colezion.
    Sì ma che impresa rivar co’l’auto in via Manzoni! go osà l’inosabile ris’cià el ris’ciabile co’ l’auto molada ala cà. de can sul marciapie tra la fine de viale d’Anunzio e l’inizio de Place des Serbes (Garibaldi). Madonina de oro protegime ti dei gianizeri de Cosolini…bon indiferente xè ‘ndà ben.
    ‘Lora sala gremida e atenta. El relator Zazzara puntuale e descritivo. La novità per mi xè stà el mio Autor predileto.
    Guato’s face ga lassà el posto a un Diego Manna spiglià ormai uso ala platea. Nisun imbarazo, paron del microfono come dela bici, el tornava le batude ch’el pareva un Nadal!
    Manna sr., papà Federico come dir, che imortalava col telefonin…a un zerto punto un sentà comodo ghe fa ,sior la xè bel ma no trasparente…e sto masgaibero de fio el disi pel microfano , gnanca tanto bel per la verità . Ah ! sti fioi co i diventa celebri no i
    ga più un poco de quel che se ciama…
    Co ga finì (anca durante,dei!) i altri slucava ma mi go dovesto scampar.
    Bon, go la mia copia cola dedica autografada e cola ricevuta. Tuto pulito in masimo ordine. Triestini bobe ma virtuosi, Profesor Monti! 😉

  6. erika ha detto:

    ahahah!!! @Fiora ….te son un mito!!!…ma quala dele tante xe la Guato’s face?!?! Che rider! 😀

  7. aldo ha detto:

    ahah…bel resoconto Fiora, ma la ricevuta va in detrazion o in deduzion?

    per mi el motivo inconscio che ga portà Diego Manna a lassarse la barba xe el complesso de la Guato’s face causà de Fiora: el guato xe spelà!

  8. Fiora ha detto:

    @Erika
    sta definizion “muso de guato” per Dieguito dei nostri no la xè mia,forsi la xè diritura autoimposta de lu’ stesso medesimo che savemo ch’el xè autoironico de 110 cum laude.
    co la go leta go dito caspita ! ghe se ataglia noma che ben!
    Po’ dato ch’el scriveva in sto suo melo Triestinenglish,mi go solo tradoto in guato’s face.
    Sintetizando sto guato’s face saria una via de mezo tra finto moneto, timiduz e un che la sa longa…
    Tute robe del passato! Ieri l’Autore era assolutamente un autentico animale da palcoscenico, sicuro de sè, brillante e del guato ghe iera rimasto solo el stile co’l guato se movi in mar…’ntel suo elemento come!

Lascia un commento

Il tuo indirizzo email non sarà pubblicato. I campi obbligatori sono contrassegnati *