17 Maggio 2012

I rioni de Trieste: quanti e quai xe?

Alora, una dele grandi novità del’Olimpiade dele Clanfe de sto ano, che sarà el 28 luglio (quindi no stè scampar de TS propio quel giorno, segneve sul culendario!), sarà l’introduzion dela lota campanilistica tra rioni, ciò. In pratica tuti i iscriti doverà indicar anca el rion de apartenenza, cussì che dopo poderemo far un bel studio sciementifico sula corelazion tra rion e abilità clanfatoria e vederemo dove che xe le bobe più bobe de trieste (a Servola, ovio :P).
Solo che far l’elenco dei rioni par una monada, ma no xe. Alora Spiz chiedi uficialmente l’opinion dei letori de Bora.La sula question.
Questa xe la lista dele zone de TRIESTE (COMUNE) che gavemo fato mixando Circoscrizioni, Comuni Censuari, Distreti Urbani, Suburbani e Rurali ciolti dela Rede Civica, e da qua e là in rete e considerando le urbanizazioni più o meno recenti e el sano tradizionale campanilismo alabardato.
Eco la lista:
– Altura
– Banne
– Barcola (Barcola + Barcola in Monte + Bovedo + Grignano + Miramare + Riviera + Strada d’Italia)
– Barriera (Barriera Vecchia + Barriera Nuova)
– Basovizza
– Borgo San Sergio
– Campanelle
– Cattinara
– Chiadino (Boschetto + Chiadino + Chiadino in Monte + San Luigi)
– Chiarbola (Ospizio Marino + Polveriera Vecchia)
– Centro Storico (Borgo Giuseppino + Borgo Teresiano + Caboro + Castello + Cavana + Città Nuova + Città Vecchia + Mercato + Riborgo + San Giusto)
– Cologna (Cologna in Monte + Mondo Nuovo + Monte Fiascone + Strada Nuova)
– Coloncovez (Poggi Paese + Poggi Sant’Anna + Raute)
– Conconello
– Contovello
– Giarizzole
– Gretta (Serbatoio + Gretta di Sotto + Gretta di Sopra + Triestenico o Monte Radio)
– Gropada
– Guardiella (Guardiella + San Giovanni)
– Longera
– Melara
– Opicina (Campo Romano + Villa Carsia + Villa Opicina)
– Padriciano
– Ponziana (Ponzano Inferiore + Ponzano Superiore)
– Prosecco (Borgo San Nazario + Prosecco)
– Roiano (Molini + Moreri + Roiano + Sant’Ermacora + Scala Santa + Vernielis)
– Rozzol (Cacciatore + Callaia + Campi delle corse + Molino a vento + Rozzol in Monte + Sette Fontane + Valle di Rozzol)
– San Giacomo
– San Vito (Campi Elisi + Campo Marzio + San Vito + Sant’Andrea)
– Santa Croce
– Scorcola (Cordaroli + Coroneo + Pendice di Scorcola + San Pietro + Vetta di Scorcola)
– Servola (Villaggio + Monte di Servola + Ronco + Ponte di S.Anna + Valle + Giardini + Ferriera)
– Trebiciano
– Valmaura

In generale cossa ve par?
Ma po gavemo alcune perplessità e le più grosse xe:
1) Soto Barcola… cossa xe la Strada d’Italia? L’atuale Strada del Friuli?
2) Soto Chiarbola… dove xe Polveriera Vecchia?
3) Soto Gretta… dove xe Serbatoio?
4) Soto Servola… Valle saria Valmaura?
5) Sempre soto Servola… Giardini saria Giarizzole?
6) Zaule dove la metemo? Con Aquilinia soto Muja (Trieste Provincia)? O dove altro?

Un infinito grazie in anticipo per ogni aiuto/chiarimento.

Ou, oviamente el viz xe ben aceto, mancassi altro, però xe una roba seria quindi a ogni viz va unida una risposta costrutiva, me racomando!

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , , .

68 commenti a I rioni de Trieste: quanti e quai xe?

  1. Avatar euro

    Riguardo le perplessità, da dove te ga ciolto i nomi de quei che gavè messo come rioni?

    A ocio me pareria i nomi dei ripetitori de telefonia, dove per esempio Giardini (che me apari anche sul tablet) sta per via dei Giardini a Servola.

    Manca Piscianzi e Laijnari che i andassi asieme a Roian

  2. Borgo S. Nazario e Prosecco no i se vol ben, mentre tra Prosecco e Contovello xe una rivalità piu agonistica

  3. Avatar dimaco

    E quei che vien de fora diego? Cossa ve servi far tante lisye se dopo la clanfa d.’oro la finissi a Gorizia o pezo ancora, a udin?

  4. Avatar Sandi Stark

    Manca Galauka, Rena, Pis’cianzi, Lainari, Ziaki e tanti altri veri rioni triestini, quei de la cartina xe rioni impostori.

    Pis’cianzi xe el rion più importante de Trieste.

    I Viennesi se ga ispirà a Pis’cianzi per far el suo Grinzing, i ga ciamà Heuringer le osmice ma i magna circa le stesse robe, i bevi vin garbo come in Osmica, i canta e i sona la stessa musica.

    Come se pol veder dal filmato, i ga anche plagià la musica, precisa identica nota per nota:

    http://www.youtube.com/watch?v=QIKx-G5ufRw&feature=related

    Una delle più note xe “Jetz trink ma no a Flascherl Wein” che in viennese xe come dir “Ancora un litro de quel bon”:

    http://www.youtube.com/watch?v=ofj84lEzwuk

    E dopo xe anche la musica per la bala malinconica, ovviamente:

    http://www.youtube.com/watch?v=eu9M8NSys2Y

    20-30 anni fa iera gente che le cantava ancora a Trieste, magari co’ parole triestine.

    Uno dei muloni che scriveva musica al Grinzig iera un certo Schrammel, che xe come el nostro Brambo. Sto mulon gaveva inventà la chitarra a doppio manigo, che i Led Zeppelin no c’entra.

    Qua se vedi le citare a dopio manigo e dei sonadori viennesi, col tipico stomigo de osmica:

    http://www.youtube.com/watch?v=FYvBVzty6Lo

    A Piscianzi se ga fato la storia de Trieste, alcune leggende disi che Hitler viveva per un periodo nascosto in una botte in una cantina, prima de verzer el local a Muja, che altro che sosia, che el iera proprio lui.

  5. Avatar Carlo

    Scoglietto: via dello Scoglio, Pendice scoglietto, via Zanella, scala Ferrari, androna Cesarotti, via del Prato, via Berchet, …
    Insomma, sopra a “Parigi piccola”

  6. Avatar Fiora

    @2 Francesco Ch.
    e Padric vs Trebic? gnanca quei no scherza, eh?!

  7. Avatar capitano

    E la circoscrizion Estero?

  8. Grazie a tutti per i consigli…
    El problema xe “solo” pel Comun de Trieste… che gà divisioni uficiali agiornade a soto Marco Kako 😉
    *
    In totale xe previste 3 divisioni:
    1) TRIESTE (Comune) de cui tratta sto articolo…
    +
    2) TRIESTE (Provincia) con i 5 altri comuni della provincai (Duino-Aurisina + Monrupino + Muggia + San Dorligo della Valle + Sgonico)
    +
    3) RESTO del MONDO con dentro Austria + Bisiacaria + Cifarieland (Cabiria) + Friûl + Hrvatska + Istria + Kärnten + Slovenija + Steiermark + Veneto + un generico other…
    ***
    Comunque stemo limando e giustando le sudivisioni in base ai Vostri consigli e a quei dei altri posti “filo-alabardati” dove gavemo domandà aiuto…

  9. Avatar sfsn

    Piscanci fa rion a sé!!

  10. Avatar giorgio (on work)

    …e noi dele sete fontane, no starèmo miga tuti insieme? Xe quei che stà in ipodromo e quei che vien a esser quasi in barriera. Xe zente diferente, fisicamente e politicamente, che no se parla de ani anorum, no farèmo miga un missiot?

  11. Avatar Paola

    No go capì el comento 7: ale olimpiadi ghe sarà tre divisioni, e sotto la prima division ghe sarà tipo la sotto-division in trentaquattro rioni? E dopo cossa dirà i altri (division 2 e 3) no i volerà farse la sotto-classifica anca lori? E poi, i rioni sarà messi in gara tra lori o sarà solo una nota de color? Ocio, perchè se i rioni va in palio-gara, fasendo una sottodivision “grossa” o “picia”, la classifica cambia…

  12. Orpo se profila zà i primi ricorsi 🙂
    Non ghe sarà nesuna classifica ufiziale in base ai rioni.
    La division comun-provincia-resto_del_mondo xe solo per individuar i grupi de zona de apartenza/provenienza in fase de iscrizion on-lain.
    Dopo ognidun sceglierà el suo rion e ogni rion valerà come un altro (e qua xa vedo contestazioni) e farà parte a sè pel studio sciementifico… xe chiaro che in base ai risultati otegnudi……. ma non svelemo tropo!

  13. @4
    Grazie Sandi Stark! Aprezemo molto post come el tuo…
    Alora:
    – Inserida Galauka soto San Giacomo (anche se a Trieste xe diverse galauke, quela più conosuda perchè a un tiro de sci’opo del centro xe quela de san Giacomo che la iera più o meno dove che adesso xe la via san Zenone, e che fin al 1888 la veniva ciamada Via Galauca. Xe anche altre galauke che ciapa el nome del fato che el posto xe senza vegetazion alta. La parola deriva da GOL, che in sloven vol dir nudo e goljava vol dir senza vegetazion. A Catinara dove che xe el polo cardiolagico xe anche galauka, a parte de qualche ginestra no cresseva niente.) Sta roba non xe farina nostra ma de un forum alabardato che parlava de Galauka.
    – Inseridi Pis’cianzi e Lajnarji soto a Roian
    – Ziaki? dove xe?

  14. @5
    Grazie dela segnalazion Carlo!
    Gavemo inserì Scoglieto ma dale indagini approfondite risulta soto a Guardiella… spero che la notizia non sia tropo brutta 😉

  15. Per la Precision:
    Guardiella comprendi Cave di San Giovanni + Brandisia + Farneto + Guardiella + San Cilino Inferiore + San Cilino Superiore + San Giovanni Inferiore + San Giovanni Superiore + Scoglietto + Timignano.

  16. Avatar Carlo

    … triste notizia, siamo globalizzati.
    Forse c’è ancora, in via del prato, lo stemma della “A.S. Scoglietto”.
    Anche il bocciodromo – che ora è inglobato nel giardino della pizzeria Manuel – aveva, a memoria, uno stemma dello Scoglietto

  17. Avatar euro

    No xe Triestenico ma Terstenico (ex paese de Terstenic a Monte Radio)

  18. @ Francesco: Ciamemola “agonistica” la rivalità tra prosecco e Contovel, no xe problemi, ma precisemo almeno tre punti. Noi (de Contovel) semo pescadori, lori (quei de quel altro paese) i xe contadini. Noi semo triestini e lori carsolini. E, più importante de tuto, i FANZLI Z DUSO (ovvero le frittole con l’anime che se manja a S. Martin) xe una specialità de Contovel. Punto. Solo per la precisione…
    PS: Complimenti per l’iniziativa, me par una bellissima roba, mi xe ani che cerco de beccar tutti i nomi delle zone de Contovel e non ghe son ancora rivado a tuti, figuremose tuta Trieste. Bravi muli!

  19. @18
    Grazie per la precisazion Konte e grazie anche pel complimento…
    …el lavor xe ben corposo ma ghe vegneremo fora 😉

  20. Avatar sfsn

    secondo mi anche San Luigi fa rion a sé. altro che farneto o chiadìn…

  21. Avatar capitano

    #20 quoto da profano totale: San Luigi gà anche la squadra de balòn.

  22. Avatar Macia

    Per Diego: Gretta Serbatoio xe in fondo a Salita al Cisternone, dove infati ghe xe el serbatoio de l`Aquidoto.
    No xe el nome ufizial, ma tuti ciama Chiadino San Luigi, che quindi meritassi la menzion.
    Altro: Borgo San Pelagio, drio San Giovanni; e là ghe xe anche – ne la valle – che qua no vedo, Timignano.

  23. Avatar Macia

    (su San Luigi scuseme, go scrito in contemporanea)

  24. Avatar Macia

    Vedo che no gave` messo gnanca Rena, né Vecia né Nova…

  25. Avatar capitano

    Da profano 2 – un rion no va drìo l’esistenza de un luogo de culto?

  26. Avatar sfsn

    alora manca anche Gheto!

  27. Avatar Sandi Stark

    Ziaki xe uno dei tanti rioni de Barcola. I Fanzli z’sdusi se ga sempre magnà a Barcola, a San Giovanni e se magnava anche a Servola.

    Per saver tutti i veri rioni de Trieste bisognassi trovar el testo de una version de “Dimmelo dimmelo dimmelo” dove se nominava tutti i rioni e chi che iera nato in quel rion doveva bever un bicier come con “chi è nato in gennaio”, che doveva bever un bicièr.

    Ma iro troppo picio, me ricordo i rioni de la Madonnina, Campanelle, Maddalena e niente altro.

    A proposito, no ste dimentivarve de Ponziana, no volarè miga metterla sotto San Giacomo o sotto la improbabile Chiarbola, no?

    E da via della Tesa fin a San Giacomo? Anche quel iera un rion, ma no me ricordo el nome.

  28. Avatar maja

    Sandi

    Go soto man una roba dove xe scritti i toponimi de Barkola:

    Bajardin, Boved, Cjaki, Franklovo, Gandriči, Gašperjeti, Judovec, Kontovo, Kozjak, Na Tabre, Markoči, Spolovina, Stara gora, Tetjanovo, Pod Vjelbame, Mandrija, Cjevolini, Pancerovec, Dacjo.

  29. Bene! Bene! Bene! Grazie ala Vostra preziosa colaborazion e a quela de un per de altri forum alabardati gavemo limà, zontà, sistemà, promosso e bocià e semo rivadi ala relìs 2.0 dei rioni del Comun de Trieste agiornada e rivoluzionada al XXI secolo. Non xe la version definitiva ma se stemo avicinando. Per la cronaca le novità più grosse xe che San Luigi gà ciapà el posto de Chiadino nel nome del rion e Zaule xe finì con Aquilina (nome dà al tesso posto durante el ventenio) soto Muja. Ecola!
    ******************************
    1) Altura
    2) Banne
    3) Barcola
    (Barcola + Barcola in Monte + Bovedo + Grignano + Miramare + Riviera + Strada d’Italia + Ziaki)
    4) Barriera
    (Barriera Vecchia + Barriera Nuova)
    5) Basovizza
    6) Borgo San Sergio
    7) Campanelle
    8) Cattinara
    9) Chiarbola
    (Ospizio Marino + Polveriera Vecchia)
    10) Centro Storico
    (Borgo Franceschino + Borgo Giuseppino + Borgo Teresiano + Caboro o Castello o San Giusto + Cavana + Città Nuova + Città Vecchia + Gheto + Mercato + Riborgo + Rena Nova + Rena Vecia)
    11) Cologna
    (Cologna in Monte + Mondo Nuovo + Monte Fiascone + Strada Nuova)
    12) Coloncovez
    (Poggi Paese + Poggi Sant’Anna + Raute)
    13) Conconello
    (Conconello + Ferlugi)
    14) Contovello
    15) Giarizzole
    (Giarizzole + San Pantalone)
    16) Gretta
    (Serbatoio + Gretta di Sotto + Gretta di Sopra + Terstenico o Monte Radio)
    17) Gropada
    18) Guardiella
    (Borgo San Pelagio + Brandisia + Cave di San Giovanni + Farneto + Guardiella + San Cilino Inferiore + San Cilino Superiore + San Giovanni Inferiore + San Giovanni Superiore + Scoglietto + Timignano)
    19) Longera
    20) Melara
    21) Opicina
    (Campo Romano + Villa Carsia + Villa Opicina)
    22) Padriciano
    23) Ponziana
    (Ponzano Inferiore + Ponzano Superiore)
    24) Prosecco
    (Borgo San Nazario + Prosecco)
    25) Roiano
    (Lajnarji + Molini + Moreri + Pis’cianzi + Roiano + Sant’Ermacora + Scala Santa + Vernielis)
    26) Rozzol
    (Cacciatore + Callaia + Campi delle Corse + Molino a Vento + Rozzol in Monte + Sette Fontane + Valle di Rozzol)
    27) San Giacomo
    (Galauka + San Giacomo)
    28) San Luigi
    (Boschetto + Chiadino + Chiadino in Monte + San Luigi)
    29) San Vito
    (Campi Elisi + Campo Marzio + San Vito + Sant’Andrea)
    30) Santa Croce
    31) Scorcola
    (Cordaroli + Coroneo + Pendice di Scorcola + San Pietro + Vetta di Scorcola)
    32) Servola
    (Villaggio + Monte di Servola + Ronco + Ponte di S.Anna + Valle + Giardini + Ferriera)
    33) Trebiciano
    34) Valmaura
    (San Sabba + Valmaura)
    ******************************
    E adeso deghe zò coi comenti e tuto el resto 😉

  30. Catinara xe el numero 8… i ociai de sol ghe li gà messi Bora.la 😉

  31. @28 Maja
    Grazie, ma orpo! quanti! e solo per barcola! ne vien i grizoli a pensar de far una roba del genere per ognun dei 34 che xe fin adeso…

  32. Avatar maja

    tranquillo, spitz, iera per sandi, che el xe sai afezionado a barkovlje.

  33. Avatar Sandi Stark

    Grazie Maja, pensa che conossevo solo 5-6 de quei toponimi. Me informerò dove xe i altri.

  34. Avatar maja

    quai te interessa?

  35. Avatar Bibliotopa

    # 28 Zubini Barcola, pag 347 microtoponimi barcolani di Paolo Merkù ( solo lui sa queste cose..)

  36. Avatar Bibliotopa

    nb non mi sembra siano i medesimi del 28..

  37. Avatar maja

    in realtà no, bibliotopa.
    si sa che pavle merkù è un grande esperto, ma io ho tratto questi nomi da un’umile pubblicazione curata e appena pubblicata dalla scuola elementare di barkola in occasione del 30° anniversario dall’intitolazione della locale scuola elementare.

    quali altri toponimi elenca merkù, invece?

  38. Avatar euro

    Tra Terstenico e Monteradio va una e al posto dela o, in quanto terstenico xe a monteradio, come laijnari a piscianzi

  39. @Konte 18
    Ahahahaha

    Te vedi, subito agonismo spinto!!
    Comunque cio, vero che contovel come santa croce e aurisina iera pescatori.. anche vero che ormai no xe piu sta division, xe due paesi residenziali in cui tutti fa tutto.. I campanilismi xe robe cocole per tegnirse occupadi ma xe per lo piu passadi..

    (E mi son de devincina poi ahahah, no me vol ben nisun!! )

  40. Avatar Fiora

    nela mia semiabissale ignoranza dela materia, utili aporti no posso fornir e cussì fazo (a qualchedun 😉 el regalo de astenirme, fazendo però un tifo silenzioso per la belissima iniziativa gemelada con l’O.d.C. (sigla de Olimpiade dele Clanfe popolare come FB e più dela LV. de Vuitton.)
    Ma vegnerà fora una publicazion,spero!
    Dopo el se vinzi Cosolini el piato pianzi qua!

  41. Avatar Bibliotopa

    #37: Bovedo, Cigotovec, Patocco Giuliani, Gretta/Creta, Monte Grisa, Japlenca,Jùdovec, Kobisce, Kozjak, Krev(e)lijak, Kriznjevec, Matiasch, Molo delle monache, Pàbovec,Pokuniavac, Regentovec,Tersticze, Vodizza. Ho omesso le varianti e anche qualche segno ..

  42. Avatar K

    No volessi dir, ma Longera e Sotolongera xe due robe ben diverse…

  43. Avatar Luciano Santin

    Un vinti ani fa, fazevo per Telequatro “Rioni a la ribalta”. Bon, dopo quela de San Giovani, me ga ciamado per telefono una e la ga dito: “Lei che la ga parlado de Longera e Sotolongera: la vardi che queli de Sotolongera xe un’altra raza. E una bruta raza!” (o iera l’incontrario, ‘deso no me ricordo.

  44. Avatar Fiora

    @43 Eviva el numero 16, Gretta! …Gretta di sopra,natural 😉 “la vardi che queli di Greta di Soto xè un’altra raza!” e qua no iera l’incontrario, mi me ricordo ben! nunc et semper.

  45. Avatar Marco Caco

    La “Strada d’Italia” niente altro xe che l’odierna strada del Friuli. La se ciamava strada d’Italia soto l’Austria, e dopo i la ga ciamada strada del Friuli perchè la portava appunto in Friuli, collegando Trieste a Monfalcon.

  46. Avatar Triestin - No se pol

    Zaule no xe per niente sotto ne Muja ne Dolina ma se stante ( novo Comun de Zaule ) e comprendi le frazioni de Zaule, Belpoggio, Farnei, Noghere, Rabiuese, Vignano, Francovec e Monte d’Oro. El decreto del 2 maggio 1939 n.885 de Vittorio Emanuele III modificava la denominazion della borgata Zaule in Aquilinia che no se pol e no esisti più dopo la dismision della raffineria Aquila…

  47. Avatar Tergestin

    Che figada la Trieste al centro del mondo crocevia multiculturale e pippe varie: ogni caseggiado specifica de esser diverso da quel de fianco, notoriamente piu’ gnampolo.

  48. co iero muleto su a opcine noi de CAMPO ROMANO ierimo in guera de pigne con quei de VIA DEI VOLPI.
    in mezo, largo bertolini, zona de aspre bataglie.
    inutile dir che no centravimo niente con quei de OPCINE CENTRO, o de VILA CARSIA. tuta un’altra roba. noi ierimo muleria de boschi. noi de campo romano. quei de via dei volpi iera più muleria de prà.

  49. Avatar Bibliotopa

    le rivalità fra le contrade de Siena in occasion del Palio me par che xe gnente in confronto de qua.. e cussì ne frega i furlani, me sa

  50. Avatar Tergestin

    Ma anca mi co’ iero muleto me ricordo che andava de moda el pichetarse fra rioni e a volte casegiadi diversi. Ma i adulti, specie quei de origine istriana, iera anca pezo de noi: a noi ne zigava sempre che “qua no se zoga perche’ xe proprieta’ privata” (e magari no lo iera per niente) e tra de lori grandi barufe su parchegi, regolamenti condominiali e tuto un tirar cortine de fero a destra e a manca. Son vignu’ su che de adolescente la odiavo, Trieste…

  51. Avatar dimaco

    A Trieste se dava contro tra eioni, qua de noi tra paesi. Stesa roba. A gorizia cità invece I se dava contro anva tra rioni o quartieri.

  52. Avatar Fiora

    @45 Marco Caco mi me dispiasi ch’el nostro Umberto Saba no gabi scrito …le QUATRO VIE.
    Con via del Monte, via del Lazzaretto Vecchio e via Rossetti, nol podeva cantarghene una quarta? come quala?! ” La Strada dela cuginanza Lanfur”, alias la “mia” Strada del Friuli,no?! 😉

  53. Avatar Fiora

    ..e anca in Strada del Friuli ghe xè parechi distinguo de far:fra prima dela Cesa e dopo dela Cesa. e fra West end e East end.

  54. Femo el Punto Nave!
    * * * * *
    – Cavada la o tra Terstenico e Monte Radio…
    – Zontà soto de Longera, Longera e SotoLongera (magari sto gesto riapacifica i animi 🙂
    – Temo che i “Opicinesi” doverà combater insieme 😉
    – Zaule gò paura che resterà Zaule, con Aquilinia, e soto a Mugia… ne manca solo un altro comun in provincia con tanto de consiglio asesori careghe etc etc 😉
    – Strada del friuli gà ripreso el suo nome attuale… o forsi ghe li lasemo tuti e due… cussì ai nostalgici dela galina con do teste ghe scamperà una lagrima… vederemo…
    * * * * *
    Gò el sospeto che le ultime carte con le divisioni atuali xe datade 1905/1910 perchè nisun dei aministratori che gavemo avudo dopo gà mai volù afrontar el problema 😉 😉 😉 😉 😉
    * * * * *
    Ancora grazie a tuti per i consigli e i esilaranti comenti…

  55. Avatar Cerni

    @43 In verita Sottolongera saria Guardiella alta che se dividi in Sanza (le case fermata dela 35/) dopo xe Mandria (zona soto strada per Basovizza) e dopo ge xe la zona soto sanza che varda el boschetto che se ciama Ograda (via farnetello),la bruta raza al epoca iera i Longerani che anni fa (se parla de decenni ) i se pattufava con quei de Guardiela.

  56. Avatar Fiora

    e desso che la conta e la nomina dei rioni e dei sorarioni & sotorioni xè stada completada volessi spender un post a pro dei rioni “moribondi”.
    GRETTA, el mio al pari de parecchi altri…CHE NE SARA’ DI TE? Le vece boteghe squasi tute serade,come i bareti…quei che sopravvivi lassa intender che i xè in diritura de arrivo. Cava la Cesa ‘ndove che intravvedo (ma no pratico…) un certo fermento. Tra giovini che zoga in oratorio,veci che zoga la tombola o impara i bali caraibici e country…n’tela sala Parochiale (benemerita quela volontaria!) dame de s.Vincenzo che ingruma pei poveri …
    El resto una necropoli…Come far? a chi rivolger una suplica per ridarghe vita a un dei più bei rioni de Trieste?…ma cossa la Comun no podessi far gnente per invertir sta tendenza suicida?
    Nei anni gavevo batù la porta de DiPiazza sia come Sindaco che come imprenditor privato, de Bosco, de Despar…Parole!tipo vederemo e viva L’A.

  57. Avatar Triestin - No se pol

    me par che no xe solo Gretta rion moribondo o rion dormitorio…Spiz saria de far una nova classifica

  58. Avatar sfsn

    …me sa che trieste ga almeno 200.000 rioni…

  59. Avatar giorgio (on work)

    per far riviver el rion dovèmo distudar la televisiòn…

  60. Gavemo acquisì le moolto afascinanti sudivisioni de Longera che però “combaterà” ale clanfe tute soto la stesa bandiera “longerina” (se dirà cussì?).
    A proposito ma gavemo i stemi de rioni?
    I esisti de qualche parte onlain?
    Agiungeresimo (come i diria a Lussin) che per il ben e la rinascita dei rioni oltre che studar la tv dovessimo butar in scovazon le machine (intese come automobili)…
    …il rion vivi se ghe se pol viver dentro, in strada, zogando a balon, a nascondin, a guardia e ladri, andando in bici, magari ciacolando con le careghe fora del porton, bevendo un bicer in compagnia etc. etc. etc.

  61. Avatar Fiora

    Condivido Spitz,ma se a sto idiliaco quadro retò del rion d’antàn ” si spengono le luci (dele insegne de bareti e boteghe ) tacciono le voci e nel buio senti sussurar” requie materna amen!

  62. Avatar Tergestin

    Le careghe in strada con le vecie che spetegola e magari per zonta fa anca el pediluvio xe un dei mii piu’ traumatici ricordi dell’infanzia rionale.

    Tuto ma no questo.

  63. Avatar Triestin - No se pol

    61) qua ga ragion Fiora sui bareti e boteghini, no basta studar la tv

  64. Avatar Fiora

    @63 sta progressiva serrata xè qualcossa che me avilissi e deprimi seriamente…no trovo un sugerimento ..scrivo ai Supermercati tipo Despar che ‘desso ga un per de spaceti express . Un in stazion,un in via Machiavelli…pici sui dozento metri, se fa la spesa in un atimo,pien de magnari pronti,anca monoporzioni…sì no xè per la spesa mensile e forsi gnanca per famiglie numerose,ma sarìa la salveza per i “rioni in oio santo” col micronde e el bancheto per consumar chi che vol anca sul posto e la machineta del cafè… Cambiassi tuto… Scrivo ai privati…
    Di Piazza gaveva dito…Bosco gaveva fato capir…GNENTE!!

  65. Avatar Tergestin

    Oramai i vol far tuto a grandi cadene, ma no i ga capido che ‘sti centri comerciai dopo tre o quatro mesi se svoda e resta solo che quatro tamarri de quindise ani che bagola tra el fast food e la sala giochi.

    Uguale con certi terificanti cocktail-bar aperitivo che i ga verto anca in zone dove una volta iera sani e ruspanti betoloni: no xe roba pei domaci rionali, guanta poco, meno del betolin e snatura l’atmosfera.

    Che tradizionalista son, ale volte…..

  66. Avatar Fiora

    @65…e te fa onor al nick, Tergestin! 🙂

  67. Avatar Fiora

    @ Tergestin,..però l’amarcord dele “vece che fazeva pediluvio sentade fora dei portoni” te ne lo dovessi svilupar,ciò ! Se non “quì” (dei rioni) DOVE?!

  68. Avatar Maurello

    per approfondire, consiglio la lettura di questo libro del 1929 sulla toponomastica di Trieste:
    http://bsa.ve.ismar.cnr.it/fedora/repository/ismarbsa:ve00100-0003

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.