Renè, un dei massimi esperti de robe patoche, ga postà su facebuk questa chicca: Lorenzo Pilat ala Lovat che sona la sua ultima canzon, Toio. Ecola qua, per chi che no la ga ancora sentida.
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
Il sipario sul divano
Il prezzo originale era: €12,00.€11,40Il prezzo attuale è: €11,40.
Monon Behavior
€5,00
Il dialetto nel Porto di Trieste - Ieri e oggi
Il prezzo originale era: €10,00.€9,50Il prezzo attuale è: €9,50.
Un nodo di buona ventura
Il prezzo originale era: €16,00.€15,20Il prezzo attuale è: €15,20.
Sua maestà capo in B
€5,00
Le cronache della Biosfera
Il prezzo originale era: €12,00.€11,40Il prezzo attuale è: €11,40.
L'esodo de Lussin
Il prezzo originale era: €10,00.€5,00Il prezzo attuale è: €5,00.
Ciacole al Pedocin
€5,00
La smonta la prossima? - Una vita in corriera
Il prezzo originale era: €12,00.€11,40Il prezzo attuale è: €11,40.
La trisnonna Clementina e la Risiera di San Sabba
€5,00
GRASSIE RENE’! Maledeta mi! Go saltà, dopo che me iero scrita sul calendario dele Coop ” h.18 Pilat ala Lovat” .
Magari un scampon, ala fine gavessi rivà … 🙁
…Però forsi mejo cussì! i miti no dovessi inveciar,no dovessi inaridirghese la vena ,no dovessi mai ripiegar su motiveti insulsi e testi scontai, tipo ‘sto qua.
Mejo no esser vignuda… continuar a pensarte in piena. ” LASSIME STAR CUSSI’ “, Lorenzo !
sempre grande!!! 😉
…nel senso de grando e grosso sicuramente! 😉
Mi lo go sempre adorà e seguì nela sua cariera, ma quest’ultima prova, dito con l’amirazion e l’afeto de sempre, ma onestamente no me par all’ alteza dele altre.
Ciao, Fiora.
No son d’acordo (xe solo na mia opinion personal, neh 😉 ) per el “motiveto insulso e scontado”… in giro xe ben de pezo… e parlo del’atual discografia italiana, indove “grandi nomi” xe in realtà solo dei “grandi furbi” che pensa che el publico che compra i dischi sia dei “grandi mone”, e lora i ghe rifila canzonete aghiacianti, sia de testo che de musica, giusto per vender, spaciandole per grandiose novità discografiche, e mandandole a Sanremo (ma, oramai, bisognassi ciamarlo Sanscemo). Per esempio, nel suo ultimo lavor discografico, indove xe Toio, ghe xe anca “Piovi” (te la trovi su youtube), n’autentica poesia sul stile dele canzoni cantautorali francesi dei Brassens e dei Montand.
Po’, questa “Toio” xe stada fata nel final de un pomerigio stupendo, dito senza esser de parte, giuro. El Pilade se ga racontà al publico presente come se ‘l fussi un dei tanti scritori invitadi ala Lovat. No solo, rispondeva anca ale domande del publico (compresa la mia… ghe go domandà de contarne un poco l’ambiente musical dela Trieste del’epoca angloamericana), fazendo anca canzoni a richiesta. Ma el massimo xe sta co’ ga interpretado i pezi american style… ga cominciado co’ un medley de Elvis, dedicado proprio a mi e al’amico vizin de mi, Bruno Pause, el più grande colezionista europeo de Elvis (oltre 10.000 tochi fra dischi rari e material vario), ed ex condutor radiofonico che nei anni ’80 ga vudo parecie volte in trasmission Pilat, live.
Po’ ne ga fato altre, come “Sixteen Tons”, tale e qual come la fazeva nei anni ’70… el tuto senza mai stonar, co na vose ancora de urlo… e Pilat xe del ’38!
Per el fato che par invecià… sì, ga colpi’ molta gente… el fato xe che per la prima volta no se ga tinto, presentandose al natural… e alora, tuti noi bituadi de ‘ssai anni a vederlo scuro, ne ga impressionado, fazendone oltretuto notar de più la sua età (anca prima se vedeva, però, per l’apunto, coi cavei scuri se notava de men… xe psicologico, come veder un che ga vudo sempre la barba longa e dopo vinti anni, improvisamente, se presenta bel rasado col viso lissio). Ma, a dispeto dei anni, el xe ancora in gamba… e preghemo Iddio che ne lo conservi cussì ancora a lungo.
P.s.: Tuto el pomerigio xe sta filmado de un mio amico, Alex (autor de sti video ala Lovat)… pian pianin vegnerà inserido el più possibile, e farò anca un resoconto con calma, stasera.
Intanto, colgo l’ocasion per ringraziar Diego Manna per sto inserimento.
Un saludon patoco a tuti.
Desso becheve la “Sixteen Tons”: http://www.youtube.com/watch?v=CyzxJ15jWFo
..e per cossa me magno le man de no esser vignuda, René????!!!!
El mio police in zò xè limitatamente ala canzoneta che rispeto a tuti i luminosi pregessi del Nostro e rispeto ala globalità del evento che te me descrivi che son sicura sarà sta degno de Lu’, me ga parso scarsina.
Ma el mio xè un apunto afetuoso de fan sfegatada. Ogi domani e sempre,
VIVA EL NOSTRO GRANDE MAESTRO LORENZO PILAT!
…e dopo sta memorabile “Sixteen tons”… I owe my soul to Lorenzo Pilat again and forever!
come saria “Finanziere ” in inglese? qualchiun ga el coragio de trascriverla?
ah, Renè! un’ ultima roba, tanto per farte capir che contarme del evento ala Lovat no te ghe ga contà al muro… Ihave a dream…to go to Graceland 😉
E prima o dopo VADOOOO!
ah Renè! se lo incontro,mi son muso roto e ghe lo digo mi, ma fame un piazer se te pol.
Dighe a Pilat che le star devi restar come che i sui fans xè bituai a conoserli :nero corvo che se la bonanima de Elvis rivava sul setantin come lu’el sarìa restà sempre cussì. Imutabile, nero corvo e Lu’ lenti a contato celesti.Pareria ch’el li gavesi neri i mitici oci celesti, Elvisnostro.
…de Lorenzo no pretendemo tanto,ma el cavel tasativamente longheto, nero corvo col ciufo de sbiego, SEMPRE.
Alto,imponente (un “Cosolini” in ‘sto senso!) el somo Pilat non pol ‘ver un luc de pensionato !
quoto fiora al 100%, el luc ga e eser quel. mi lo go visto a Peuma lo scorso ano. soto la piova gavevo anca filma ma un manolesta me ga ciavà el telefonin(spero che ghe sia sciopà in muso) sul lavoro. me ga dispiasso più per el filmato del concerto che per tuti i numeri che gavevo.
@10 più lo legio e più penso ch’el Discolo Gorizian ga ‘ntel dna una vena de triestin patòco e che mai e po’ mai podessi sentirse lànfur
A mi la canzoneta me ga piasso sai, me ga ricordà certe situazioni de rider con el Toio de turno che se fa comandar a bacheta dela baba e i altri che lo ciol in giro, però…
…me asocio ala mozione per el ritorno al cavel nero corvino
completamente OT, ma Diego…. chi xe quela patata de paura sula copertina del dizionario dei termini erotici triestini?
ti che te son dela banda del editoria de Bora.la te dovessi saver…, te me passi el numero?
me lo ga za vendù a mi…quanto te ofri?
una seduta de “massagio ranzido isontin” (vedi: https://bora.la/2012/03/26/quali-idee-per-far-funzionare-la-%E2%80%9Clanterna-d%E2%80%99oro%E2%80%9D/ )
fussi stà a Nova Gorica…
no so chi xe.
cmq quel baner xe el più clicà dela storia de bora.la.
vergogneve! 😛
ARILI?! PAZESCO! partidi per la tangente! anca se no xè “foiba” basta che cominci per “F” e finissi per “A”…priorità asoluta!
Zà archivià, povero nostro Lorenzo ?! 🙁
“Toio” finirà sul canzoniere, promesso
http://www.davethewave.it/canzoniere-ccno/
fiora più che una vena, de triestin go due quartieri.
mi me piasi sai sta canzon 🙂
W la F…A (Fiora??)
@22 😀 😀 😀 no racolgo e… bala al centro!
‘lora chi altri xè per Lorenzo el Magnifico color nerocorvo a oltranza?
@20 orpo ciò, “due quartieri” intesi come apartamenti o come rioni? el nostro Dimaco xè un tycoon?
Per Fiora… ecco il medley Elvis:
http://www.youtube.com/watch?v=YOLTIE9ah1Y
E qui il cavallo di battaglia di Pilat… il Blues del Mandriano (Mule Skinner Blues):
http://www.youtube.com/watch?v=GP7LRbqqVMA
Infine, Lassime star cussì:
http://www.youtube.com/watch?v=OiFNypmZllE
e mi ” CUSSI'” 🙂 te ringrassio Renè !
.. scoltarlo a oci serai….”falling in love with… ” HIM come sempre.
riverzer i oci ‘vanti quela canizie, NOSEPOOOOL!
che ghe vadi riferì, Renè! ch’el luc resti all’altezza dela vose e del Mito.
Cussì el par Maldini sr. nela parodia de Teocoli, orpo!