Un triesticolo in fuga…al Polo Sud

Nota della redazione: inizia oggi il diario di Mattia Bonazza, triestino in Antartide, che ringraziamo infinitamente della collaborazione.

Ebbene si, cari lettori, el nostro amico Mattia Bonazza, per scampar al’invasion furlana che lo sta perseguitando nella vita (morosa e coinquilin furlani ahihaiahi) ga pensado che no iera altro de far che ciaparse una bella pausa de riflession proprio la dove che fa la zima più zima del Mondo. Chissà come…lo scopriremo più avanti….sto mulo de Trieste xe rivado a finir fin lazzò dove che adesso che semo a Marzo xe circa una temperatura media de -55°C (vardè che quel “meno” davanti xe vero…no xe una ciolta pel….).

Purtroppo come vol la legge de Murphy arrivado a Parigi el ga conossudo Roby….furlan anche lu…che fazeva e fa perte della allegra comitiva che sta partecipando al Winter Over 2012 alla base Concordia in Polo Sud. Alla vista de Roby, el Mattia ga pensado….”ciò..no xe possibile….anche qua i vien!!! deeeeeiiiii!!!!”. E inveze la ghe xe andada mal però almeno Roby xe un lanfur giusto che ga vissudo anca lu a Trieste e ghe ga sai piasso…sopratutto el vero Spritz!!!

Ad ogni modo, scherzi a parte (che fa sempre ben) Mattia, che lavora a Trieste all’Università, xe za el terzo triestin a far l’esperienza invernale in Antartide. A 1200 km dalla costa e a 3233 m de quota in Antartide dell’est xe questa bella base scientifica che se ciama Concordia (in modo che la gente se voli ancora più ben!!) e la xe gestida a metà tra Italia e Francia. La ghe assomiglia sai a una base spaziale (vedi foto) più che altro, ma in fin dei conti, disi Mattia e Roby xe d’accordo, star qua per un anno, cussì lontan da tuto, xe veramente come star su un altro pianeta e alora tanto val che la base ghe somigli a una nave spaziale. Roby inveze xe l’informatico de Concordia e lui se occupa dela rete e de tute le comunicazioni da e per la base e dentro la base stessa.

Ma cossa..dirè voi….se solo in due? Ma no…semo un fià de più e precisamente in 13. Semo 4 italiani, 7 francesi, 1 russo e 1 inglese….nianche che fossi l’inizio de una barzelletta….no?

Mattia se ocupa de glaciologia, (cossa????), si delo studio del ghiaccio (nianche a dir, no?) e dele precipitazioni nevose. In verità lui xe un scientischifo ambientale che no gaveva meio de altro de far che andar fin al Polo Sud per studiar del vivo l’ambiente antartico. Roby se occupa de informatica e de reti (no de pesca, oviamente). Poi Giorgio xe el nostro cogo, fenomenale!!! Pensè che xe el terzo inverno che el fa a Concordia e forsi nol se ga ancora stufado. Alessandro (Bimbo) xe l’eletricista e xe el papà de tuti noi, visto che xe quel più in età….lui inveze al secondo inverno. Poi xe Sabastian che se ocupa de chimica dell’atmosfera, Erik, el capo spedizion e genio dell’elettronica, Stephan el capo tecnico e impiantista della base, Bruno, meccanico e Gegè, idraulico. I tecnici de Concordia i fa in modo che tutto funzioni a modo e che no restemo in scuro (e al fredo) quando qualcosa se rompi (si si succedi anche qua!).

Guillaume xe l’astronomo della base, si gavemo anche l’astronomo (ma no l’astrologo), perchè questo posto, cussì in alto e lontan da tuto xe el posto migliore del Mondo per le osservazioni dele stele. Igor, el nostro amico russo, se ocupa dela fisica del’atmosfera e infine con noi xe Alex e Barbara. Alex xe el medico dela base che lavora anche per l’agenzia spaziale europea e oltre a tegnirne de ocio el fa dei test che poi sarà utili per i viagi su Marte (no, no per noi) e Barbara, l’infermiera che ne cura quando se femo o stamo mal….mejo che la gabi poco lavor!

Questa xe la squadra (de mati) che starà assieme e in isolamento fin al prossimo novembre quando tornerà le persone del periodo estivo e forsi…se i sarà ancora sani….i poderà tornar a casa….forsi.

Tutte le attività a Concordia Base sono gestite dall’ENEA per la parte italiana e dall’IPEV per la parte francese.
Mattia Bonazza
Base Italo-Francese Concordia,
Plateau antartico orientale,
Antartide.