Ancora strane scritte compaiono nelle strade di Trieste.
Tra toponi de gomma, Robi cocai, Albani malai, curve bauche, scovazini al potere, nuclei pro fantozzi e altre che no me ricordo ma che se trova seguindo sto link, eco che Giulia Rainis ne segnala sta criptica scrita ortofruticola.
Alcuni ricercatori sostien che l’ultimo toco xe un punto esclamativo, altri che xe una i. Per cui la signora vendessi propio bananai, piantagioni de banane, come. Altrimenti la vendi solo una banana, ah. Chissà perchè poi. La lavorerà al mercato ortofrutticolo? O sta scrita fa el paio con l’altra tuta vegetale “Fasoi a morte”? Misteri inquietanti…
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
che scup ara se mama iera ela…
http://youtu.be/2BjkB5h_2so
per mi la vendi sta banana:
youtube.com/watch?v=EEm5bicWqVw
@2
http://www.youtube.com/watch?v=EEm5bicWqVw
boh,
secondo mi su mare xe una venderigola. in mercato coperto.
difati sula strada la vizin xe scrito: e la tua vendi sgombri
Slarghemo el campo dele teorie sula letera final: secondo mi podesi anca eser una “s” fretolosa, el mesagio criptico asumi cussi’ con “bananas”una nuova dimensione global-iberico-sudamericana.
Sicuramente de drio ghe xe la lobby dela Chiquita o l’omo del Monte…
@5 detaglio iluminante che nel stesso tempo ne verzi una voragine de sospeti…ahio! acanto ale Multinazionali de l’unico fruto de l’amor, tra i più acreditai sospetai anca el desaparecido Red Prof. fissà con quei loghi….
@4 orpo sfsn, “tua madre vende banana (j)” vs “tu mare vendi scombri”?
Orazi e Curiazi, Montechi e Capuleti,come!
Robe che ‘ncora no salti fora una West Side Story de noialtri, ara!
@6
Ma allora forse la mamma è la moglie di Red Prof abbandonata per avventure caraibiche:
http://www.youtube.com/watch?v=bFjvfReqp40
Si tratta dello stesso autore di quella canzone che fa: “E l’unico fruto del’amor lo ga tu mamaaaa, lo ga tu maaamaa… e l’unico fruto del’amor lo ga tu mama soto el cuor!!”
La canzone fu incisa nel 2005 dal trevigiano Bruno Canzian, in arte Red dei Puuh.
Vinse anche lo “Stroppolo d’oro” alla finale del “Festival dei cantanti di belle speranze” organizzato annualmente dalle cantine sociali di Castelfranco Veneto.
L’autore, infatti, non è triestino, ma di Paese (sì, si chiama proprio così), paese situato sempre nelle lande trevigiane, subito ad ovest dopo la Trattoria di Celeste, a Venegazzù.
Jessusmaria che casin de mame che sta vignindo fora… ne servissi Sherlock Holmes o in subordine almeno el Comisario Montalbano
…perché ‘desso xè entrada d’autorità nel agone anca la mama pescadora ( rif.sfsn post 4)…che dita fra noi, mi ghe tegno’ ncora de più dela bananiera, perchè la sento ‘ssai domacia.
Sta mama itica podessi esser originaria de Parenzo e in sto caso de sicuro xè almeno che no la vendi bacalà!
podessi esser anche che tu mare vendi (b) ananas…
mame in saldo, che ne vanza! te paghi una e te se porti via do’. O quela dei scombri o quela del ananas
Podessi esser anca Adelaide Hainzenschulendstadt, nativa di Niederolang (Valdaora di sotto), ma svizzera d’origine (è diretta discendente della famosa bambina svizzera Heidi, che alla fine dell’800 ispirò anche l’omonimo romanzo della scrittrice svizzera Johanna Spyri)
Ghe domanderò visto che la conosso ben (tuti i mati li conosso mi… Eric Moniga, la discendente de Heidi, …. ).
Tra l’altro proprio ela, co’ iero putel, me regalò el 45 giri dela Viviani.
Digo Adelaide, perché sempre ela la canta spesso sta qua: http://www.youtube.com/watch?v=cPVLVeisUHg
@13 sfsn: ocio muli e mule che la teoria dell’ananas podesi presentar inquietanti conferme che ne porta driti driti al satanismo che, come tuti savemo, a TS xe ben presente! legendo infati l’ultima parola per contrario (come per scoprir mesagi subliminali sui dischi de canzoni)gavemo un bel L’ ANANA(B), dove la B xe probabilmente un pastroch dovudo a una dopia S sovraposta scrita in due sensi (no xe facile scriver la S contraria al primo colpo e el mato con la bomboleta magari iera soto l’influso dele anime nere o piu’ semplicemente de un litro de nero…). Quindi lo scenario punta drito al satanismo multinazionale!
@18 Grandissimo Luft.! co’ incontro la genialità mi me inchino!
” L’ ANANA (B) ” xè più che plausibile e ala tesi dei influsi combinai tra anime nere e biceri de dalmato che ga portà a una ” B” farloca, zonterìa anche l’ ipotizabile conseguente urgenza de corer “in quel logo”
…Perché se pei grafiti la pena xè ‘ncora ipotetica, per pissade on the road o dioguardi più consistenti prodoti , xè certi i zinquezento euri, se no de più!
…quel scrito sul muro sarìa tipo un mesagio de Radio Londra,’lora?
In ogni modo a privilegiar la pista dela mama comerciante de banane, se pol inserir la genitrice in una dinastia che pol degnamente competer cola Regina Elisabeta
http://youtu.be/N8TjBbnsoJ0
forsi sarà quel dela canzon, quel che ancora se lamenta:
“….meno mal che no iera melon”
@22 come fa sta canzon,effebi???!!! mi no la conosso e come rapresentante feminile dei meloni devo eser informada pulito per poder difenderne e passar al contrataco! metime quà le parti salienti del testo, dei!
chi che tira el saso e scondi la man xè squalificà!
🙂
poderia esser banado a vita da tutti i forum mondiali….
che salti fora el TESTO VS MELONI pitosto de remenar
@24 visto che se trata de cul-tura, diria che xe ban free zone
go fato barufa col macelaio (mi me ricordo macelaio, ma no ga sai senso)
el me ga messo banana int’el … 😀
ahi! che dolor che dolor che dolor
meio banana che un melon
almeno mi me la ricordo cussì, ma iero picio, gavevo un 8 anni. desso che son grando ste robe no se canta più 😀
lol.
dunque:
sull’aria de “hey mr taliman tali mi banana…”
——————
(solo …declamando)
“… go fa-to ba-rufa co l’ortolaaaaaaano…”
(risposta coro …sorpreso)
“…me ga messo banana nel xxx…”
(solo …soffrendo)
“ba-na-na nel xxx fa molto maaaaleeeeee !!”
(risposta coro …leggero)
“me-nno mal che no ie-ra me-lon… !!”
(solo ….con strazio)
“AHI ! KE DO-LOR KE DO-LOR KE DOLO-HO-HO-HOR !”
(ALES ZUSAMEN …sommessamente)
“ME-NNO MMAL KE NO IE-RA ME-LON….”
——————–
forsi questo rimprovera l’amico perchè sua mama ga fornido le banane….
@27
con l’ortolano! eco risolto un drama dela mia infanzia, e mi che pensavo che i macelai vendessi banane 😀
ke infanzia tormentada…
orpo… a sto thread xe associada una pubblicità “inquietante”…. 🙂
un corso per “ortolani”
http://www.cibo.si/it/impara-a-coltivare-allorto-di-cibo-si/
ocio a no far baruffa col milic!
Perchè, el ga banane sotoman?
go visto che xè sta dada la stura ala più becera pacotiglia in circolazion, MA sicome che in sti canti inverecondi el melon ga una funzion meramente de parametro che no esorbita dal campo ortofruticolo, no riscontando gnente de averso ala Triestinita’ “melonica” apunto,
Che la camini e daghe! 😀
@31 co’ no se nomina “bixi” nisun conflito de interesse ,dei!
Qua l’indagine xè a un punto morto e se ga sfilacià in canti de trivio 😀 ala triestina!
Gavessi volù veder se ghe tocava ai lanfur, de leger una roba compagna ‘ntun muro suo de lori…vonde lavorar e i gavessi trovà el pindolo, anzi el bandolo,indiferente in dò e dò quatro… noialtri cantemo ah! e intanto el sol magna le ore e no semo vignui a cavo de un klinz.
Per mi xè una rivelazion per farghe dispeto a un o a una che se vantava pei locai, mi vegno de una granda familia, mia mama porta capel che per le triestine medie e basse xè impensabile… solo uficialità porta… mia mama talia col coltelo anca le zariese.
Cussì notetempo xè comparsa la scrita rivelatoria: cos’ te se carighi tanto che tu’ mare xè venderigola e no la ga gnanca un bancheto asortì, che la vendi una banana un giorno sì un giorno no.
COL PUNTO ESCLAMATIVO!
Ma desso che ghe penso – me ricordo per de anni fa una baruffa de Boniccioli con Koper per via de un carico de banane che el saria finido là inveze che quà. Sarà miga le stesse?
Ufo xè prezioso sto input! ‘lora basta scoverzer l’impostazion politica del autor e se sa subito se i la ga cola mama de Popovic o de Boniciolli
Scoverzer? Presto fato (basta un poco de bora e se scoverzi anca el tetto). Ma l’indizio el xe là, ciarissimo e soto i oci de tuti. “Tua madre” disi el fatidico verbo immortalato – inveze de un onesto e patoco “tumare”. Chi che ga scrito o l’xe talian o pensa de eser più figo parlando (va ben, scrivendo) per difizile. Qualchidun ghe vol mal ala mama de Boniccioli. La Monassi? Paoletti? El panchinaro? Rdp? Un consorzio in associazione temporanea di imbrattatori? La United Fruit che vol far un golpe come in Guatemala?
Secondo mi xe i United Frûts che i ne vol sbolognar un surplus de panocie travestide de banana. I scrivi ligante per no farse riconosser.
per mi xe mesagi in codice de quei del castel de boranera. Se metemo insieme le due frasi(banane e sgombri) podesimo dedur: se trovemo drio el banco dele banane al mercà. firmado el venditor de pesse.
bene nuda se tramandava muli orge sbendavate
” i scrivi ligante per no farse riconosser”
😀 😀 😀
e dopo la sana ridada ciapemo questo come un indizio serio che la scrita xè de man foresta, perché se de man patoca el tumare sarìa sta canonico!
@38 mi spetavo che el mural fussi rivendicà o del commando temporaneo vs Bonicioli’s Mom o dei United Fruts vs patocs forever, inveze no se fa vivo nissun… ma el sindaco Popovic ch’el sia propio del tuto estraneo? no te disevi che a Koper i se gaveva barufà con Bonicioli ‘ncora anorum per un afar de banane?
Sai al incirca – in pratica iera Boniccioli che se la contava e se la rideva de solo, usando KP come babau per bater cassa in region. Quei altri i se ga limità a vardar coss’che nassi e a comentar “Sono pazzi questi Romani”.
ah, “quei altri se ga limità a comentar sono pazzi questi Romani” ? Che altre prove ne servi ‘lora per afermar che chi che ga dito cussì xè i stessi che ga scrito” tua madre vende banana (“!” o “I”) ” ?!
Altro che ciamar fora Koper…
ma quanto sè fori :D???
@45 Sto “fori” me insospetisi, no te gaverà miga scrito ti quela roba sul muro, ah Gorisiana?!
Comunque noialtri semo cussì ” fori”! 😀
http://youtu.be/A3zsj-405tA
Veramante anca a mi, quela volta, xe veniù de comentar sul efeto Basaglia.
Comunque me par che stemo perdendo de vista la parte più importante – che, come al solito, xe quela che i media no ne conta. Perchè se la mare de qualchidun vendi banane – chi xe che le compra!? E per far cossa, esatamente? Me par che semo davanti de un mistero sai complicà…
anca la ” madre” podeva zontar sul muro qualche lume… tipo ” fate i ca’ tu.” opur ” banane e meloni, no romper i co. pardon! i zebedei!” iera solo per la rima.
“son de mestier venderigola in piaza, ma sempre mejo che quela escort de tu’mare”
insoma qualche indissio che ne iuti a capir se la esisti o se xè solo una maldicenza foresta, perché xè ciaro ch’el idioma e la man xè foresti!
no fiora cara, mi non scrivo sui muri e il mio fori, ovvio, xè inteso in maniera simpatica 😉
Me xe rivada una telefonada anonima: una vose con acento sai meridional ga dito che xe el castel de Boranera che compra tute ste banane…
@49 e te vol che no gabio capì Isota?! e mi del pari “acuso” per morbìn. Una rispetabile damigela de Gorizia che ga fato domanda de adosion ( no me go dismentigà,sa?!)… regime el giogo,no?! 😀
@50 questa dela comesa de banane pel Castel de Boranera me par la pista giusta, Ufo, ma perché meter de mezo la mama, me dimando! i sa ben che noialtri sula mama no femo sconti. masimo masimo sule banane…