Alora qua par che Trieste (Trieste) se candidi a capitale europea dei giovani 2015. Ma forsi xe un viz, tanto el mondo sarà za finì e la Feriera za distudada. Comunque el primo aprile par lontan.
Scoltemo sta intercetazion in cantier de cossa ga dito Ucio e Ciano e Toni co i ga sentì sta notizia:
-Ciò te ga sentì, trieste se candida capitale europea dei giovani
-Cossa? Perché? Cossa nassi? I xe za diventai magioranza?
-no no, semo sempre la cità d’europa con più veci
-ah bon ciò, za iero preocupà. Ma alora cossa i fa ste monade? Dove xe sti giovani? Miga i volerà portarneli de fora, che dopo sicuro i fa scandal.
-te ga ragion, anca per mi xe propio una monada. Scusa, giusto per dir una: a trieste gavemo jota o frico? Jota! E te par che se insognemo de far la capitale del frico? No ah po’! E pei veci xe parimenti. Gavemo veci, no giovani! E lora femo la capitale dei veci, remengo suo! Trieste capitale dei giovani xe come Trieste capitale del frico.
-Che sagio che te son. Xe che desso va sai de moda tuto quel che xe giovine no, e i veci no i li scolta più nissun. Una volta no i gavessi lassà.
-te sa si. Ma ara chi riva là, xe Toio. Cossa el gaverà de rider tanto?
-Aili qua! Remengo vostro muleria vissuda! Come xe?
-Ben, ben Toio, stavimo comentando sta storia che i ne vol far capitale europea dei giovani.
-Ah si, gavè sentì che roba? Giusto desso Cosolini ga dà le disposizioni per vinzer la candidatura, perché i mati ghe ga dito che ghe vol più giovani per diventar la capitale dei giovani.
-Ah, sa che no gavessi mai dito? E quindi cossa femo? Diria che no se pol far alora.
-Concordo, no se pol.
-Anca mi gavessi dito che no se pol e che quindi stemo in pase senza tuti sti grizoli in testa. Ma inveze par che le disposizioni xe diverse. Tuti i veci doverà scuminziar da doman a vestirse e comportarse de giovani, per infenociar i comissari co i vegnirà a giudicarne.
-Orco tron, trapolezi insoma.
-Eh si. Alora i ghe ga za dito a quei dele lavre de Barcola che i doverà cambiar e zogar a frisbi. Quei del comitato anti tuffi doverà inveze scuminziar a tirar clanfe schizando le vece.
-Speta, che vece? No le ga de far finta de esser giovini anca lore?
-Sì infati, lore doverà far le fastidiose ma dopo farse cior in brazo e butar intel’acqua dai altri veci. Cioè, dai altri giovani. Cioè, dai veci giovani insoma.
-Ostia, e no ghe becherà el scrik in schena?
-Eh, infati, Catinara xe za in prealarme…dopo i ga dito che doveremo tuti andar in coriera sempre con un bel zaineto pien de libri, e darse tiri e mandarse a remengo che dovemo pozarlo par tera. Ma che no intrighi che se no i veci dopo pol tombolarse.
-Sì, ma de novo te parli de veci. Che veci? No i ga de far finta de esser giovini anca lori?
-Eh, te ga ragion anca ti. No so cossa i ga pensà per risolver sto problema. Bu, forsi i ghe farà far a qualche giovinoto la parte del vecio.
-Ostia, te ga ragion, no ghe gavevo pensà, se vedi che te son studià ti. Bon, ma i altri giovini, quei che vanza, inveze cossa i farà? Quei veri intendo.
-Ah, ma quei za xe pochi, po’ se sa che no i ga mai voia de far un kurac. Li manderemo via dei che ancora no i fazi remitur e dopo sicuro i ne fa perder la candidatura e no diventemo più la capitale europea dei giovani…
p.s. desso speto de ricever la posizione di Franca C. Porfirio sul’argomento. Trieste capitale apolide!!!!
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
Qua solo Vana Marchi pol dar una man con qualche tè dei sui che la ghe peti le erbe giuste. Lassar in smoio un per de giorni, pasar col pasatè,natural se no con cossà? zontar un bicc de viagra sploverizà drento tignirse el naso e zò tut in un sluc.
Cussì co’ vien la comision sarà tut’un rutar sto tè che farà efeto, tut’ un sburtarse un far vitz, slongarse le man ntel muso fra vecigiovini mas’ci e n’tel iodri ale vecegiovini, tut’un rider, ciò mi ciò ti senza creanza, perché co’ i veci se meti a far i giovini a lori ghe vien natural cussì. Tuti sti veci incanforai de tè e pieni de morbin che i comisari dirà, magari senza un poco de quel che se ciama, ma giovini i xè de sicuro…FEMO E PO’ BON!
Trieste non sarà capitale dei giovani, ma è senz’altro capitale dei “giovanili”, nel senso dei middleteen di mezza età con uno stile di vita giovanilista che viaggiano in continuazione e organizzano feste piene di belle ragazze in ville della Costiera e del Carso.
yuppina, ciamili moni.
ale ultime elezioni se ga presentà la lista Trieste Giovane, ma con sai scarsi risultati…
…forsi se i se ciamava Trieste Giovanile le robe ghe saria andade meio?
Ma se zà nela foto se vedi che quei xe giovini vestidi de veci, no xe che la Commission nasa che a Trieste xe tuti trapolèri e che come i giovini se truca de veci, cussì i veci se vesti de giovini?
O forsi che xe un truco per farghe pensar che sèmo tanti giovini che no gavèmo veci da meter nela foto che gavèmo dovù vestirli de veci?
ah perché quei dela foto xè giovini, no veci GIOVANILI?
Che po’ ai veci dirghe che i xè giovanili xè pezo che dirghe a un roman li mortacci…
I salta sù come tarantalai, cossa giovanile mai! Vol dir che se vedi benissimo che son vecio-a.
ADULTI i vol che se ghe disi. Dai -anta ai zento.
Giovanile ghe fa l’efeto de un stramuson e ghe sona come una sentenza, perchè xè un surogato dela gioventù persa .
Dirghe giovanile xè come dirghe te fa tanto per fermar el tempo ma se vedi che te son vecio.
cossa xè de più, baloner/marantiga o GIOVANILE?
una volta go sentì una intemerata signora dir, se i me disi tr**a me ofendo de meno che se i me disi giovanile …
sarà che forsi dirghe giovanile ghe sminuisi certe abilità imparade tai ani.
”più che se diventa veci…”
http://www.youtube.com/watch?v=yIEqvTe3QtE
xe de più giovanile o ben tenuto/a?
e oltre ai middle-teen giovanilisti ghe xe anche i junior-old vecisti?
mi tifo x le cougar
al posto de giovanile xè gradì OVER.
mi risulta che le coguar caccino sulle chat. le loro prede sono giovani in astinenza, snobbati dalle coetanee perchè un po’ spiantati.
ora che rivi el 2015 i giovini diventerà veci anca lori…