7 Febbraio 2012

Bora surfing in skate e manighi de scova

Rulez. Questo entra de dirito nela galeria (del vento) dei eroi triestini. Un mito! Ciò. Chi xe? Chi lo conosi?
Intanto i me disi che semo al undicesimo giorno de bora. No go controlà, qualchidun disi al nono. Comunque i veci in coriera me ga dito che la sufia a multipli de 3: o 3 o 6 o 9 giorni. Dopo nissun ga mai visto/no se ga mai fato/no se pol/volentieri. Riveremo a 12 o a 15?

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , .

35 commenti a Bora surfing in skate e manighi de scova

  1. Diego Manna ha detto:

    sto mato xe tropo un mito.
    eco la fanpage su facebuk:
    https://www.facebook.com/pages/Bora-surfer/325715624138496
    lol 😀

  2. capitano ha detto:

    Genio assoluto.
    Spetemo con ansia la version Kite.

  3. Danilo Ulcigrai ha detto:

    Redazion: qua urgi un’intervista a questo ARTISTA! Trovemolo!

  4. Diego Manna ha detto:

    za trovado e contatado 🙂
    vedemo se el vien a palesarse 😉

  5. Fiora ha detto:

    dio daghi ch’el se palesi! sto campion de inventiva e morbin che aservisi la furia del elemento più peculiare dele nostre terre !
    Ciò a parte i scherzi, sgaissimo el mulo! 🙂

  6. sfsn ha detto:

    xe dai tempi dela contessa che no se vedeva una sagoma del genere!

  7. Fiora ha detto:

    @6 vero sfsn ..no xè più le “contesse” de una volta! Granda,toco,col daùr de brenta ‘ntei vestiti d’epoca sempre diversi, in man el pacheto cole quatro pastine dela Bomboniera, la me pasava ‘vanti la botega,…me par de vederla, ara!
    Bon, indiferente e largo ai street bora surfers!

  8. sfsn ha detto:

    mi i me ga dito che co la xe defonta la ga lassà puf dapertuto…

  9. Fiora ha detto:

    GRANDA pò! …come che go dito mi 😉

  10. siani ha detto:

    un genio!!!!!
    p.s.: no son convinto de voler veder rispetada la regola dei giorni de bora multipli de 3… dirìa che va ben anca se se ferma prima

  11. aldo ha detto:

    bombastico…anzi bobastico!

    e go paura che el poderà alenarse ancora per tutta la settimana, almeno secondo le previsioni…

    notevole anche el comento in sotofondo “con i manighi…con i manici de scova”, stile Casa Stipanchich

  12. Fiora ha detto:

    TUTI DEVI VEDERLO EL NOSTRO TEMERARIO E GENIALE MULO!!!
    A ciò che i foresti SAPI CHI CHE SEMO e cossa che semo boni de far. Zogar con la temibile Nostra Signora “per le strade per le rive di Trieste”, mentre i no locals finissi col cul per tera !
    Beh! anche qualchedun dei nostri,dei!ma no ‘cori miga contar propio tuto! 😉
    Propono Olimpiade Invernal de Bora sufing in abinamento con quela estiva dele Clanfe , senza dimenticarse de quela dele pissade del Molo S. Carlo, con data intermedia de destinarse.
    E cussì noialtri no se femo mancar gnente e…sensa domandarghe bori al Stato per la tutela dei endemismi minoritari! 😉

  13. Fiora ha detto:

    @Diego Manna, per bon, ti che ribaltando el deto,”zento te pensi…”, inveze “una (al giorno!)te pensi e zento te fa” no te podessi veder de organizar anche l’Olimpiade Invernale dela Bora e del Morbìn alias Bora surfing in skate con manighi de scova ?! 😉

  14. Diego Manna ha detto:

    per mi se pol anca unirle ste robe. te rivi in skate fin la zima del molo audace e te se buti a clanfa. xe de tegnir conto sia del tempo che te ghe ga messo per rivar, sia del schizo oviamente.
    volendo se pol anca implementar con el torneo de ufo, per veder chi la fa più lontan mentre el va in skate, ma me par che i muli xe avantagiai as usual 😀

    aldo, anca mi me ga sai piasso “con i manighi…con i manici de scova ciò!”. ogni tanto me la riascolto, mitica!

  15. Fiora ha detto:

    eco ,no te me ciapi sul serio,Diego 😀 😀 😀
    Xè de far tre eventi distinti e in stagioni distinte. Bora sufia de inverno per sburtar i skates. Clanfe col gelo…nosepol! e pissar col jazzo gavemo za chiarì che gnanca squasi no se riva .e in pien istà sul Molo S. Carlo gira tropa gente e po’ col caldo se i atleti sbaglia la mira…resta spuza per tera.
    Insoma o se studia la Tripliade come tempi e metodi o che resti solo quela dele le Clanfe e po’ bon!

  16. Fiora ha detto:

    ..forsi nissun de noi pisserà in Molo S. Carlo con l’ autorizazion e cola maieta social con sù scrito propedeutico/a,ma gare de skate cola bora e i manighi de scova, mi penso che se podessi per bon!
    cossa i “coffe” del flash mob,no fussi interesai?

  17. aldo ha detto:

    bela sta sponsorizazion del molo Audace da parte dela San Carlo, quela dele patatine…

    …se podesi domandarghe se ghe pol interesar sponsorizar anche una squadra de bora surfing, visto che za i sponsoriza due squadre de calcio e una de motociclismo

  18. alpino ha detto:

    con quel boron lui no rivava gnanca a far 10 metri senza sburtar…

  19. sfsn ha detto:

    alpino, gabbi rispeto dei supereroi!!!

  20. Giampaolo Lonzar ha detto:

    @ DIEGO MANNA – BORA – … no multipli de 3 ma
    dispari 1,3,5, 7 ….

    El mitico 1929′ mia mama me diseva ke la ga sufià 21 giorni e sempre sotozero, e ga maza
    tutti i ulivi da Trieste fin in Istria……

  21. Diego Manna ha detto:

    @20:
    eh anca mi go sentì anca sta version.

    desso per sicureza ghe go chiesto al museo dela bora quale xe giusta 🙂
    21 in fondo xe anca multiplo de 3, quindi ne servi altri riscontri 😉

  22. sfsn ha detto:

    ostia mare, no suffierà miga 3 mesi? ah no, che cul: 31+31+29 no xe divisibile per 3.

  23. aldo ha detto:

    a mi me risulta che i giorni de bora segui la sequenza de Fibonacci: 1,2,3,5,8,13,21,……

  24. sfsn ha detto:

    secondo mi no sufia esatamente ogni 3 giorni, sufia ogni 3,14159265358979…

  25. aldo ha detto:

    ma qel no xe el pi greco?
    val per el vento grecale, no credo per la bora

  26. sfsn ha detto:

    pi grego… altrimenti parlemo de fiboracci

  27. alpino ha detto:

    la bora catabatico soffia fino a quando sussiste una differenza barica..le teorie dei numeretti fanno ridere.

  28. sfsn ha detto:

    cossa catabatico e ana(l)batico: la bora sufia forte ogni 666 giorni!

  29. aldo ha detto:

    Bora: the Beast
    North-North-East

  30. Fiora ha detto:

    @29 Tasi Aldo! no dir…bestialità! 😀
    qua a parte mi, xè tuti del Bora fan club…co’ la sufia, per no tolarse bisognerà che se guantemo noi do’un co’ l’altra…perché i ultras qua capaci de dirne ” ah, BEAST la xè per voi ? RANGITE”

  31. aldo ha detto:

    no te va ben la bora? ‘lora va a bora-bora, ciò!

  32. Fiora ha detto:

    tu quoque bora fan, Aldo? sono perduta! ;-(
    basta ,no voio restar isolada : ADORO (gulp!) LA BORAAAAA!

  33. aldo ha detto:

    mi credo che quei che disi che ghe piasi la bora i lo disi solo per insempiarne

  34. Fiora ha detto:

    @33 ah eco, volevo ben dir… 😉

  35. Microclismi ha detto:

    Scusate, possiamo fare una maglietta con su scritto:

    GRANDIOSO.
    COI MANICI DE SCOVA CIO’.

    Qualcuno se ne occupa?

    Grazie.

Lascia un commento

Il tuo indirizzo email non sarà pubblicato. I campi obbligatori sono contrassegnati *