Tanto per cambiar, continuemo a parlar dela bora e dela zima.
Qualche simpatico burlone (genio) ga tacà questa finta ordinanza là del Molo Audace. Un grande!
Eco cossa xe scrito:
Il Capo del circondario marittimo e Comandante del Porto di Trieste
VISTO che siamo in Inverno
VISTO che l’acqua è fredda
VISTO che ha jazzato il Molo San Carlo (oggi noto come Audace)
VISTO che se qualche inesperto cade in acqua succede il desio
EMETTE LA SEGUENTE ORDINANZA IMMEDIATAMENTE ESEGUIBILE
ARTICOLO 1:
E’ vietato alle persone non nate nel comune di Trieste l’accesso al Molo San Carlo (ora noto come Audace)
ARTICOLO 2:
I non nati nel comune di Trieste, ma ivi residenti da almeno 10 anni possono accedere al Molo San Carlo (ora noto come Audace), se provvisti di patentino di triestinità che viene rilasciato presso tutte le edicole ordinando il Piccolo con la pronuncia corretta. I possessori del patentino potranno accedere al Molo San Carlo (ora noto come Audace), solo se provvisti di jazzini.
ARTICOLO 3:
Gli stranieri ed i residenti a Trieste sprovvisti di patentino potranno essere accompagnati per 20 metri lungo il molo San Carlo (ora noto come Audace) solo dalle persone abilitate che potranno dimostrare di aver raggiunto la Rosa dei Venti, in giornata di ghiaccio e di bora, in scarpe con suola di cuoio e senza guanti.
Trieste, 5 febbraio 2012.
Il comandante Egidio Refolo
S.O.T. Sorta di organizzazione triestina
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
Giusto!
ma le persone di sesso maschile (…altamente discriminatorio! ‘E ‘lora? ‘ndemo ‘vanti ,dei!) native e abilitate possono ragiungere la Rosa dei Venti sul molo s.Carlo e di lì pissare ‘nte l’acqua prima che li si iazzi il piss?
Riporto nuova comunicazione della capitaneria:
Pissare in ‘tel’acqua a rischio e pericolo del pissatore – Pericolo di iazzamento e caduta cicini.
“solo se provvisti di jazzini”
In questo passaggio l’ordinanza si presta a ricorsi sull’interpretabilità del termine jazzini. Per esempio:
http://www.berruto1801.com/immagini_berruto/thumb_info615_img_001.jpg
“…vostro onore, i miei assistiti hanno percorso il molo adeguatamente muniti di jazzini colmi di punch caldo, come previsto dall’ordinanza.”
bon Aldo, ma in sto benedeto articolo 2 xè incluso el nihil obstat de pissar del Molo, ai provisti de jazini…no per gnente ma la preparazion a l’Evento patrocinà de Ufo ” Pissing from S.Charles’ Dock” vien ralentada e scaderia qualitativamente
@3 pena ‘desso xè conpars oel do’ bis…el do’ PISS anzi, 😉 che se lo interpreto ben sospendessi i 500 iuri de gabela fin a novo ordine, per motivi sportivi oltrechè de tradision locale.
Casca i cicini? ma noo! no stemo stremir i atleti… no xè miga come ai Francesi de Napoleon ‘ntela Campagna de Russia…
Cinzia, massimo massimo sti cicini ai temerari patochi i ghe diventa…LEGHISTI, 😉
no, no, Fiora, al contrario! provar par credar
Te credo sula parola…a meno diese,mai testà, Itala 😀
jazz_ini 😀
Uh, giusto, noialtri sul Evento ghe stemo lavorando come bravi profesionisti del spetacolo, ma xe anca vero che sarìa giusto tegnir un poco più agiornada l’opinion publica e i simpatizanti tutti. Alora, se diseva, xe sta deciso che per mantignir el spirito goliardico dele origini che non ghe sarà nel regolamento nissuna clausola che vieti de alenarse sul luogo stesso dela manifestazija. Però ghe xe un però: liberta de alenarse no vol dir licenza de comportarse antisportivamente. Qualora più (future) concorrenti o aspiranti tali le se trovi ad esercitarse in contemporanea xe vietado interferir coi alenamenti altrui ponendose sopravvento. A meno che no ghe sia nissun altra, la regola xe meterse in fila de fianco cola schiena verso la bora – sia per garantir che la bora no porti niente (e se gavemo capido) in direzion de alre concorenti, sia perchè cussì el logo del sponsor in tela schiena dei K-way uficial vien posto ben in evidenza. Ciò, pensavi miga de alenarse in borghese? No, de sponsor privati no se ne parla e amen. No esisti. E chi che se pensa più furbo dei altri e viola quanto sopra stipulato… el zorno del evento garegerà controvento.
Riguardo al comento @3, forsi se gavemo capido mal e visto che no rivo scarigar la colpa su nissun altro vol dir che me ciogo la respos… la resomp… la insoma quela roba là ecetera, gave capì cos’che volevo dir. Insoma, per garegiar no xe afato indispensabile smontar zò del molo carolingio per andarse distirar per longo sul pack iazado insieme a foche e pinguini. So che le foche ghe piasi la compania, e se vole zerto che se pol, ma no xe obligo. Se pol garegiar benisimo de una zerta altezza, pari a quela del molo più circa metà alteza dela persona, senza prolunghe artifiziose please. Se qualchiduna proprio vol pol comunque zogarse a Amundsen e Scott sula lastra de iazo sì che se pol purchè: 1) la se meti el giubioto salvazente omologato Lloyd, che in verità no servi niente ma gà sù el logo del sponsor e me gave capido; 2) la se lighi un cordin de diametro almeno sei milimetri, cussì quando che el iazo fà cric-crac-plunk podemo tirarla fora senza bagnarse noialtri, che fora xe zima; 3) la se munisci de registrator digitale no ga importanza se mp3 o altro basta che registri. Come sarìa a dir percossa? Perchè quando che la riverà casa dopo gaverse distirà sul iazo e, posto che el iazo gabi teniudo, gavera de spiegar come che la ga fato a ciaparse un gelon proprio là, semo curiosi anca noi de saver cos’che la tirerà fora come spiegazion. Se grumemo almeno tre registrazioni femo anca concorso leterario abinado al Torneo, perchè sport e coltura i va insieme e mens sana in corpore sano (perchè i sani de mente va distirarse sul iazo cola bora nera, come no, e dopo sto sketch anca el corpore no so quanto san che resta) e insoma semo o no semo mittelqualcossa e gavessimo una reputazija de mantignir. Primo premio una borsa de aqua calda contro el gelon. Piena, perchè volemo eser generosi e far bela figura.
@12 legio con profondo compiacimento che nela relazion PRODROMICA (basta parolaze! o finisso anca mi in colegio con Dimaco!)nisun detaglio xè sta trascurà.
Eh, poco i ga i cugini de tignirse alti col VONDE E LAVORAR…noialtri patochi co’ se metemo seriamente no semo sicuro secondi ai lanfur 😛
Mi ve sugerisso de alenarve sti giorni nela gara, cussì gavè la scelta: o ve allenè dal lato est ( soravento)del molo con la logica conseguenza ( noli mingere contra ventum..) opur ve allineè dal lato ovest ( sotovento) e alora forsi che al primo refolo un poco forte, gambe larghe o meno, ciapè un bel sburton.. che po con sto fredo vien facilmente la pisariola..
che pò se propio la parolaza me ga de scampar, vizin a relazion ‘ndava meio ” PROPEDEUTICA”.
Desso ciogo acordi là che i stampa le maiete cola scrita “C***O”… femo la maieta uficiale del Evento con su scrito propedeutico-a.
Oddio,se per quela del cà. no i se ga scomponesto…xè routine, mi no so se i ghe starà a scriver roba cussì hard! 😉
@14 Orpo e anca questo xè de valutar, Bibliotopa! podessi mancar l’ogeto del contendere e va stimolà in ‘tun modo o in ‘tun altro…perché con ste temperature no vedo proponibile ricorer ala Lasko… 🙁
Se vinzi Egidio Refolo, sarà meno ricoveri in Ortopedica.
Sior Primario la saludo sarà solo per quei che no sa leger…l’Ordinanza! 😀
Accanto alla gara sportiva sportiva maschile sapientemente illustrata…
…per garantire le pari opportunità mi sembrerebbe doveroso aggiungere nell’ordinanza una dispensa per le sfilate femminili, ma rigorosamente con “sotto al piumino solo calza e stivali”:
http://www.tranquilla.it/blog/32/5823/archive.aspx
Piumino corto, ovvio!
Aldooo! chi ga mai parlà de gare de piss al feminile, ah?! solo voialtri con Ufo e ti in testa!
Beh per la sfilata se pol anca pensar… contata Chanel Slavich e Giuly. Mi me candido per ‘ndar zo dela scaleta tapada col boa in un castigated burlesque fin per tera e distribuindo rose come la Wandissima!
Bon, Fiora autoriza:
Chanellllllllll…!!! Giulyyyyyyyyyy…!!!
voio propio veder se quele do’ sgaletade le xè pronte a ofrir peto e/o coscia generosa per un nobile altruistico fine co’ la Patria Patoca ciama! 😀
Mularia, cossa xe tute ste legende metropolitane? No stemo montarse la testa, che Trst al masimo riva a far legende dela linea dicianove sbarada con deviazija per via Caboto.
Per puntualizar, prima che se vadi tropo vanti: el Camèl Trophy San carlo el xe nato al feminil. El xe nato perchè le putele tergestine le se gà lamentà che no iera giusto che i bigolo-dotadi i podessi far gare zò del molo e lore no. Lo sport devi eser verto a tuti, come i comenti su bora.la. Per riparar a questa diskriminacija e tignir bone le estremiste svedo-saudo-feministe se ga deciso de compensar i torti dela Storia inventandose un mucio de robe balorde e una de ste robe iera la gara sancarlina riservada a lore. El fatto che a Trst ghe sia una sovrabondanzija de cammelli xe del tutto secondario.
Giusto per meter l’ultimo puntin sul ultima j: per la condizion de putela val autocertificazion. Ne giuria ne organizacija no ga nissuna intenzion de andar zercar longhi verificando le parti soggette alla privacy dele concorenti, nianca se le se presenta in costume de cavernicolo e anfibi numero cinquanta do (anca perchè meti caso che per eccesso de agonismo ghe parti un colpo prima del fiscio del arbitro…). Se fidemo sula parola. In assenza de parola pol bastar alzar la man destra e far la faza seria e convinta. In asenza de serietà o de convinzion o de faza basta butarghe un spriz a organizacija, in qualche modo faremo.
a sto punto vado al Itis a cior nona!
Secondo mi xe tuta la vita che la speta l’ocasion de ciorse la rivincita. I muketi fazeva gara e ela voleva anca, ma mama ghe diseva no se pol, ti no, e ghe xe rimasto dentro che prima o dopo saria rivà el giorno.
Sta svolta de Ufo dele pissade bipartisan del Molo s Carlo, rapresenta la vera verisima parificazion dela dona…dela patoca perlomeno.
E le altre?,le altre come bello far l’amore da Trieste in giù e pel resto tipo emancipasion e parità, come che se disi qua de noi, RANGITE!
Son sai contento che sia stada riconossiuda l’altissima valenza moral del usar el bacino San Carlo come bucàl – sto punto podessimo anca chieder l’alto patrocinio de qualchedun, cosa che portassi altri sponsor magari istituzionai. Perchè quel che xe giusto xe giusto, e tra giusto e sbaià ghe xe diferenza, e me par solo che bel e propedeutico e parasimpatico che la sia la diferenzija tra Giusto e Abele a prevaler, anzi a cancelar ogni diferenzija de oportunità tra putei e putele. Desso no starò far difizile sul pedigree de patoco o patoca, ma come dir intanto cominzemo far le robe per ben in casa, dopo el progreso troverà ben el modo de difonderse anca in tera foresta. A costo de far una corsa a tappe che colleghi tuti i moleti del Adriatico, portandoghe ai barbari la lieta novella che “chi nol’pissa in compania el xe un … “, e che bever Laško iuta vincer la gara.
Da Trieste in giù, disi la saggia Flora. No la ga nianca torto, e per un momento me pasa per la testa tant bei momenti pasai nei campegi del Istra e de Dalmacija, che visti da Trst supongo se pol ben dirghe “in giù” – ma lassemo perder che sto andando fora del bucàl. Piutosto me vien de dir che ste fantomatiche “altre” che le se fà ispirar ste idee dala televizija le ga sai poco cossa spetar parità. Tropo tardi, le se ga zà parificado in zò, al livel dela casalinga de Voghera. E là le resterà fin quando no le se deciderà a butar in diferenziata el televisor. Mai tropo presto.
UFO: GOD BLESS THIS MAN.( venia cocolo, ma xè per la stampa foresta..)
che dio te benedissi pel tuo morbìn pensante sureal e inveze concretisimo, caleidoscopico UFO!
ciò Ufo prova solo a remenarme per “caleidoché?” e te cavo la matricola! 😀 😀 😀