La Bora (maiuscolo ormai) continua a soffiare imperterrita e a ispirare i triestini. Ormai questa settimana è stata totalmente borapolizzata.
Ecco una nuova poesia, scritta dalla mula Marta Zacchigna, autrice di Milano da bare, assieme a Diego Manna, cioè mi dei 🙂
ORA ET LA BORA
di Marta Zacchigna e Diego Manna
Co che a Trieste riva el vento
Val solo ‘na parola: SGOMENTO.
Dela finestra se vedi de tuto
Gati, cocai, alberi de fruto.
E anca i vetri se taca a scassar
Xe tuta la roba indrio de ingrumar.
Fora no servi la maia de lana
Xe zima boia, porca putana.
Te vol la giacheta col pelicioto?
No la tien niente, qua sufia de boto.
Forsi che piovi, te vol l’ombrel?
Lassa star, sarà tuto un bordel!
Mi no me meto gnanca el clabuc
La bora lo frega, butighe un cuc.
Muli provemo a darse la man!
Te digo, svolemo, fin a Roian.
Poi se te disi: camino de furia
El vento te porta sui copi de Muja.
Vien casa, n’demo, no far la nagana!
mi resto qua in bar, drio de Cavana.
I nativi de Servola per niente agitadi.
Xe solo una breza, lassa che’l vadi
Mi no me movo de casa stasera
Xe la soluzion de quei de Bariera.
“Mulone, ocio, tute sai caute!”
El comitato, le done de Raute.
Ma se te riva el refolon
Te caschi sempre come un coion.
E no insognarte la riva del mar
L’onda te ciapa e no xe niente de far.
Sta tento anca al Canal che te azana.
Te se ritrovi drito a Sant’Anna.
Ma co che passa la bora scura
Muli, finì, no xe più paura.
A Milan i ne pensa tuti svoladi
Perché no i sa che semo assicuradi.
Torna el sol, el ciel xe più terso
Tegnirli in casa? No ghe xe verso.
Daghe un bicer de puro Teran,
E no xe ricordo de sto uragan.
“Triestini i xe mati” i disi “mama mia!”
Ma semo solo zente de gran fantasia.
P.S. Servola rulez.
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
e co vedo una vecia che perdi el capel
e che un extra se buta a becarghelo al vol
Ciapate signora, come fussi un gioiel
o grassie, ragasso, di niente, signora,
de auto li vardo, sorido e quasi la amo
a sta ecumenica BORA!
…rigorosamente ‘pena sucesso in Piaza s. Antonio!
una vecia tosta dele nostre, tuta intabarada e incapelada ( come patoca la doveva saver che babe capeline noialtre no se dovesi mai!)
Bon indiferente, ghe xè svola el Klabuc che la lo dava per disperso, ma xè rivà le nove leve de sta cità…un fià scureto soridente col dopio de denti del patoco medio, ga corso drio al klabuc e el ghe lo ga riconsegnà con una carineria oramai (o de sempre?) a noi ignota. ..insoma BEL!
el batizo dela bora lo ga fato mulo honoris causa a sto extra!
Ha ha splendida!!! E grazie per esserve ricordadi anche de Raute.
firmato: ex-Barrierina, ‘desso DONA DE RAUTE! 😀
” te digo svolemo fin a Roian…”
E partindo de dove,
se no son indiscreta?
No miga per gnente
ma mi stago in Greta!
Za semo isolai, no spaci e boteghe
solo ne manca che che ne lassi de fora
i muli e le mule che canta la BORA!
@4:
da san giacomo a roian po’ 😀
@5 go dito mi che a noi no ne gaveva pel iodri gnanca l’Omo Vespa e sì che con quel el iera nel suo!
I puristi però dixi “ombrela”, miga “ombrel”…
@7… però solo Milic pol dir ” dixi”, Macia!
se disi…” DISI” e sta roba sa anca i no puristi!
Ah fioi degeneri! Se disi gombrela.
Che sia pur considerada coruzion & concussion ( ciò ma cossa xè de più?) ma sicome che se no se onzi no se gà, buto un spritz a chi che me scrivi do’ versi sula bora in Gretta…la Cenerentola dela poesia..che gnanca l’Omo Vespa la ga ‘vù pel iodri per una sponta ! 😀
Che fazzo mi? Percaritàdedio, no, mi no. Mi son de parte, no vegnerìa satirico.
Me vignissi qualcossa de melenso tipo cuore-amore 🙁
Grande Fiora!!!
Anca mi son originario de Greta, anca se l’infanzia e poco dopo la go passada tuta altrove (come descrito qua, nostalgicamente: https://bora.la/2011/07/29/trieste-a-pezzi-via-del-pollaiuolo-la-strada-della-vergogna/comment-page-4/#comment-267549 )…
Prometo de scriver qualcossa su Greta, che no sia solo la descrizion scementifica del Fapabrù (qui el misterioso animaloide svolazzantile: http://triestepatoca.blogspot.com/2012/01/el-fapabru-un-leggendario-volatile.html )… na bela poesia dedicada ala nostra altura preferida!
Per desso, fazo i mii complimenti al duo borafico, poeticamente borafico (to’ assessor Stradivari, lanfurlanazz… te go fregà sul tipicamente lanfurlan)!!!!
‘ndemo vanti Renè che la Bora magna anca el sol che magna le ore!
Fora la poesia e contestualmente comunicarme el nome del local ‘ndove che go de lassar el spritz pagà per l’aedo! ;D
And in fapabrù we trust …più che ‘ntel governo tecnico… 😛
figona sta poesiuola Marta!
e anche Diego;-)
ma ombrel xe licenza poetica 😛
@10:
a onor del vero nela prima stesura iera gretta 🙂
poi preò “fretta” ne pareva tropa licenza poetica, cussì la xe diventada muja.
@16 Seee, Diego! E cola tua vena inesauribile no te vien gnente de complementar de zontar su Gretta, senza tocar la version atuale dela Prima Cantica che sta ben come che la xè, con Muja?
E sarìa de far in furia, perché son quasi in parola con René e… diritura do’spritz de sti tempi… Monti xè bon de mandarme la Finanza, ciò.
Dopo de Cortina e Milan ,te vol che i rivi a Trieste controlar de ‘ndove che me riva i bori pei spritz?! 😉
…
POESIOLA SEMPIA PER GRETTA (el rion, no na baba de nome Greta… quela ghe la lassemo a Mr J.A.Joyce)
Gratta gratta
son a Gretta
tera mata mia proteta
Co’ xe piova col monson
svolo zò del Cisternon
Co’ xe bora e son incazado
in vicolin S.Fortunado
vado drito come ‘l vento
come fussi mai stà stanco
Se vien zò anca un verul
vien de Strada del Friul
ma se vien zò lipizzani
i vien sol de via Toffani
E po’ via Carmelitani
cole vecie scalzacani
via Gorizia con el parco
de altalene a slivoviza
Se po’ vado a Monteradio
el Fapabrù ben me lo studio
sia col jazo sia col neto
svolo drito, zò, pulito
Ma el bel ‘ssai riva quando
dopo el piss in controvento
zò in apalto me distendo
al Bar Sweet dove me sento
Ciogo trape, uischi e amari
cafè nero e vin brulé
Gretta con i sui panduri
ve domanda: “Coss’ ciolé?”
Po’ tornando in via Basegio
vedo mussi e cagainbraghe
xe muleti de pasagio
con scaveza tra le beghe
Po’ alfin rivo suso al Faro
e me chiedo cossa vedo…
Vedo Gretta e anca Trieste
Me comuovo e fazo feste! (no festini tipo Mr capo in B, preparado con tanto hard-core de mamma)
Collericamente Vostro (sigla final de Braccio di ferro) Affettatissimo e capo in b-issimo René – Anno Domini 2012
Erada corig… al’inizio dela sesta cantica, el verso giusto xe: “Ma el bel ‘ssai riva SOL quando”
Altrimenti la metrica la va per le sue, e diventa ermetrica (cioè no se kapizzi plus und klinz, javol fasol?)
Sul stil de “Qui comincia la guada del Signor Bonasbrovada… “(version patoca-domacia-teranela del signor Bonaventura di Corriere dei piccoliana memoria)
Scuseme… son i ultimi guizi domenicali, prima del solito disastrante inizio de lunedì.
Ciau terrestri!
IMMENSOOO! grazie René e lassime dito dove lassar pagà el spritz e se basta dir che xè per el grande Renè!
ADORO LA BORA ! i disi per dir?
ma co’ vedo in giro per l’Ital stival
che neve se taca in meno de un’ora
e penso al lavor che fa Nostra Signora
me toca aderir al partito dei coffe
che i giura convinti, ADORO LA BORA!
scusé el ritardo: le poesie più cocole xe quele de fiora!!!
@24 “Fiora” , che fa rima con Bora. 😉
Grassie ‘ssai, sfsn! el tuo parer, de un dei capiscola del “morbìn pensante” per mi val come una laurea!