12 Settembre 2011

Trieste-Budapest ciclodiario 5: tra i feroci cani ungheresi

Qua le puntate precedenti

Cani vs gati. Xe el più clasico dei dualismi, assieme forsi a Union vs Lasko. I cani te scolta, i gati no te ga pel cul. I cani xe tui amici, i gati no te ga pel cul. I cani speta che te ghe disi ti cossa far, i gati no te ga pel cul. I cani te vol ben, i gati no te ga pel cul. Classiche argomentazioni antropomorfetologiche. Mi go sempre partegià pei gati: autonomi, puliti, no i sporca, no i frizi, no i inquina, no i xe castroni, i zoga e i fa le fusa che te rilassa e te concilia el sono. Poi, no esendo computeri, tanto dipendi dal caratere individuale. Se te capita el gato che no te ga pel cul, xe poco cossa far, no el te gaverà pel cul. Ma pol anca capitarte el can che te rosiga el popoci a tradimento. Dopo sto viagio, le mie simpatie protendi ancora de più verso i gati. I gati no te ga pel cul, ben dito. Te ghe passi vicin in bici, e lori xe là intenti a far le propie robe. Dormir, zogar con un sorzo, meditar sul’infinito leopardiano (ai oci de un gato, un leopardo pol sembrar quasi infinito). Ti te fa parte del contesto, te passi, lori te varda, magari i se fa un do ridade ale tue spale, i medita sul significato recondito del tuo passagio in questi 5 secondi dela loro vita, ma i resta fermi a far avanti le loro robe, e no i te ga pel cul. I cani no. I cani vivi in un continuo stato de ansia e irequietezza. Ciò xe de far qualcossa. Ciò riva ciclisti. Ciò el mio paron cossa faria. Ciò el mio paron cossa volessi che fazo. Ciò no so, no el me stà dando nissun ordine. Ciò alora forsi no va ben quel che fazo. Ciò alora cossa go de far. No so. Orca. Ciò. Bu, de solito abaio. Bon provemo. Bau. Nessuna reazion del paron. Ciò alora forsi son nel giusto. Bau bau. Orca el me ga zigà, forsi devo star zito. Ciò mi però sti mati in bici no li go mai visti ciò. Sa cossa, nel dubio abaio e ringhio cussì movimentemo un poco la giornata, no come quei mone de gati che stà distirai a filosofegiar sui misteri del’universo. SSai pochi misteri xe: qua xe casa nostra, quei xe ciclisti che mi no go mai visto e che xe vizin casa nostra. Nissun mistero, no xe ssai de pensar, xe tuto ciarissimo. Quindi bau.
Ma andemo con ordine. A colazion, se trovemo a fianco de un grupo de motociclisti milanesi che va anca lori a Budapest. A ocio, podessi darse che i riverà prima de noi. Scata automatica la competizion a chi magna de più, visto che le risorse dela colazion a buffet xe limitata. Vinzemo noi, l’apetito del ciclista xe impareggiabile.
Ne fa strano sentir parlar in italian, semo za a quel stadio in cui te volessi esser l’unico italian dela zona, gaver l’esclusiva, e forsi ghe ierimo za fin dal primo giorno de viagio. Chissà se xe un sentimento condiviso o se invece xe tipico solo nostro. Me ricordo che co ierimo in Grecia una decina de ani fa un sior sicilian ne gaveva tacà un boton micidiale, tuto felice che finalmente nel campegio “iera altri compatrioti”, e che dovevimo festegiar e passar tuta la serata insieme. Sicuramente cocolo, però noi in realtà ierimo in Grecia per conosser la Grecia, o la realtà greca, o qualcossa che sia almeno estero, e no rivavimo a ricambiar ssai el suo entusiasmo. Idem sto giro coi milanesi, partidi senza gaver suscità in noi un grande interesse.
La tapa de ogi xe molto tranquila, priva de grossi saliscendi. Stemo per rivar finalmente in Ungheria, e lo notemo dala presenza pressoché totale de cartei bilingui. L’ungherese xe quel che no se capissi assolutamente niente. No ghe somiglia a nula de conossudo.
Sorpassemo un variopinto personagion con sela zebrada.

Co te vedi questi personagi, te vien spontaneo de chiederte chissà che robe misteriose che el ga nele borse. Sicuro no banali vestiti. Gaverà el racoglibanane de Monkey Island come minimo, o i ociai a ragi-x ciolti da quei giornai ani ’80 per vardar le babete desnude.
Cionn se afida a una dele sue supertecnologie Data-style, e ne guida per una scorciatoia che “ne farà taiar de cagarse”. El sentiero inizia ben, taia pe’l bosco, xe anca piacevole cambiar un poco el panorama.

Se adentremo sempre de più, finchè el sterato comincia a diventar prà, e el sentiero sparissi completamente per lassar spazio a ortighe, rovi e alberi.

“Si ma semo qua de drio, drio sti alberi e sto torente ghe xe la strada, a soli 50 metri e 99!”.


Sentimo rumori dal bosco. Sarà el famoso orso che ne ga seguì fin qua. Erich sfida la benevolenza dela natura e la sbefegia fazendo el verso dela simia. Femo retro-front. Bagolemo fra i sentieri, che ne sembra un poco tuti uguali. Ou, semo za passai de qua. Maledeta scorciatoia de Cionn nel bosco dela strega de Blair.

Ora che tornemo sula strada, gavemo perso un’oreta, che pagheremo cara dopo. Ma ghe xe sempre el de drio dela medaia: in mezo ai rami e ai rovi, Pasta se ga ribaltà, e el pegno per chi che se ribalta xe butar de bever. Stasera la bira xe gratis. Tra l’altro el se ga sponto con l’ortiga.
Rivemo finalmente al momento epico. Entremo in tera magiara.

Le robe cambia abbastanza bruscamente. El paesagio xe discretamente desolante, e anca la strada dà una sensazion de abandono, nonostante dai cartei sembri esser una specie de autostrada. In Ungheria se pol andar in bici in autostrada, qualchedun disi. E alora andemo, anche perché alternative no xe. Fortunatamente no xe tante machine, qualche tir si, ma no se femo grossi problemi. Presto la strada fortunatamente cambia, e con una certa sodisfazion trovemo che a fianco ghe xe quasi sempre dele ciclabili. Trasandade, ma pur sempre ciclabili, roba tuta per noi.
Arivemo a Lenti, dove trovemo una marea de cartei zimmer frei. Otimo, i ungheresi xe ospitali, se anca i prossimi paesi xe cussì, stasera no gaveremo grossi problemi a trovar dove dormir. Proseguimo. Presto se ‘corzemo che el nostro otimismo iera infondato. Le distanze diventa sempre magiori e i paesini sempre più rari e pici.
Inizia le nostre peripezie coi cani ungheresi. I ungheresi, nel dualismo gati vs cani, par che i partegi pei cani. I ghe vol talmente ben, che i lassa tuti i cancei dei giardini verti, e i cani liberi de farghe bau ai ciclisti.
Un botolo bianco vien fora tipo missile da un giardin. Tiremo el fughin, più per paura de tirarlo soto che altro. El mato però ne segui per boni 200 metri prima de stufarse. “Bau, son stà ganzissimo, li go fati corer via”. Speremo che nissun lo gabi tirado soto poi, visto che ierimo in strada.
Arivemo in una strada in salita. Altro can che vien fora a controlar cossa nassi. Bau e ringhiade. Passa Erich e Cionn, el paron lo riciama in casa. Rivemo mi e Pasta. El can torna fora. E daghe de bau e ringhiade. El me se meti a sinistra. Erich, za oltre al sicuro, ridi e fa sta foto.

Riva i suoi degni compari. Un più picio, me se meti a destra. I due carabinieri. E daghe de bau e grrr. E riva anca el terzo, el boss. Un lupo ssai cativo, che me gira intorno. Bau e grr. Se no te ga capì, semo incazai de bruto. E bon ah, i ga capì che son del partito dei gati. La strada xe in salita. No posso darghe via gnanca con la più bumba dele bumbe. Invertir la marcia no se ne parla. La scorta me lassa libera solo una direzion, avanti. Se giro de un grado el manubrio, i me sbrana vivo. Fazo el gato: provo a no gaverli pel cul e andar avanti costante, uguale, no esisto, no fazo niente, son un qualcosa de inanimato e perpetuo. Che se stà cagando indosso.
Sento che la bici deraglia dala direzion obligada. Xe el boss de drio che stà me azzanando la borsa. Maledeto canide, la borsa lidl no! Tratengo el respiro. Tratengo i oci, che i vardi fissi davanti e che no i se movi de nissuna parte gnanca lori. Movo solo le gambe. No esisto. Son un gato che filosofegia sul mondo. E su quanto odio sti tre cani e el loro paron. Volessi dirghe “ou, riciama i tui mastini infernali dei, mona”, ma stago zito, za vedo che se verzo la boca i me vedi i denti e i pensa che li sfido a singolar rosigone. I 30 metri più lunghi dela mia vita continua cussì, identici, per un tempo indefinito. Per fortuna questi mola el colpo prima del botolo bianco. Ghe basta un 10 metri de distanza dala loro casa. Se gavevo un bazooka, a sto punto restavi senza casa, cocoli. No go un bazooka. Ma l’insulto supremo al vostro paron xe d’obligo. Me chiedo cossa nasseva se passava un de quei ciclisti che se porta drio el fio picio sul segiolin, o pezo sul careto de drio. Al suo posto el se trovava el lupo. L’idea bazooka diventa sempre più aletante.
Un poco scossi, studiemo el piano anticani, perché ne par che due inseguimenti in un giorno sia tropi. Biscoti a portata de man. Se i ne cori drio, ghe li lancemo e speremo ben.
Rivemo a Bak in orario de tramonto. Le zimmer xe un miragio. I ne disi che dovemo andar avanti, ma tranquili, Zalaegeszeg xe a soli 15 km. Ne ciapa un colpo. Ruchemo, riva scuro, ma ghe la femo in extremis a trovar dove dormir.
Xe tardi, e l’unico ristorante verto xe uno belga. Salta el nostro desiderio de magnar qualcossa de tipico. Anca la bira xe de tuto el mondo meno che ungherese. L’antipasto xe bon. Erich, che vol sagiar anca lui el mio, el chiedi un altro piron. Ghe riva un altro piato uguale al mio. Otimo. El chiedi un piato dal nome strano, e ghe riva un impanadura de qualcosa che no semo riuscidi a stabilir a che regno apartenissi, se animale vegetale o altro. Chiedemo bire ungheresi, e i ne porta quatro borsodi calde.
El resto però xe ssai bon. E el personale gentile. Decisamente tropo gentile. I capissi che semo italiani, e i ne regala un’acoglienza degna: dale casse Toto Cutugno taca in tromba lasciatemi cantare, poi riva Celentano, Raffaella Carrà, Iva Zanicchi, mancava solo Gigi D’Alessio. A un volume che femo fadiga a parlar. Ma no ghe disemo de sbassar, probabilmente i ghe restassi mal. Ogni volta che i ne passa vicin i ne fa un sorison de benvenuto. E quindi se calemo nela parte. E noi che volevimo calarse nela realtà ungherese. Ristorante belga con musica italiana a palla, un otimo inizio.


Pupol by Michele Zazzara

Distanza: 121.4 km
Vel media 18.6 km/h
Tempo pedalata 6 h 32 min

Tappamappa e tappaltimetria by Eric Medvet

Tag: , , .

34 commenti a Trieste-Budapest ciclodiario 5: tra i feroci cani ungheresi

  1. erika ha detto:

    😀 …nei pupoli eric xe sempre più nero!!! 😀

  2. Tergestin ha detto:

    E nele foto Diego xe sempre con la bira in man: un giusto e aprezabile atto de Patochismo!

  3. Eric ha detto:

    @erika: ciapavo sol… Comunque iera un cuciar che gavevo chiesto, e oltre a portarme el bis de cibarie inveze del cuciar, no me ga gnanche portado el cuciar!

  4. Dag ha detto:

    Anche io sono del partito dei gatti! I cani rompono anche quando si fa footing, disgraziati!!!

  5. Riccardo Ferrari ha detto:

    Malefici cani, mi iero un po’ piu’ avanti de Erich quando i xe’ vignudi fora a ringhiarme e me son caga’ un po’ anche mi. Per fortuna che iera solo due all’inizio …
    Per la scorciatoia: maledeti de Google Maps, tutta colpa vostra !!! 🙂

  6. Elena Teresa Castellani ha detto:

    Troppo forte!

  7. dimaco ha detto:

    non parlate male dei cani!!!!!!!!!!!!!!!!!!!!!!

  8. Diego Manna ha detto:

    🙂
    solo de quei ungheresi 😛

    cmq i due dela prima foto xe la mia cagneta Mitzy (rip) e el solito Capitan Harlock.
    co lo gavemo trovado che el iera ancora un sorzeto nero el zercava continuamente de starghe incastrà de qualche parte.
    Però le robe migliori iera quando lui ghe rivava tipo schegia impazida ale spale, ghe saltava oltre fazendo cavalina, ela se girava per vardar chi iera e a quel’ora lui iera za schizzà davanti a 200 metri.
    ridade 😀
    (gatto rulez :P)

  9. dimaco ha detto:

    mi stago giusto zercando un can e vardavo tra gli anunci in rete. xe pien de gente che ciapa pel cul. go beca un anuncio de udine, me rispondi e me disi che il can xe in scozia e no a udine e che devo spedirghe 200 euro in spagna per farlo rivar casa mia con l’aereo.

  10. Kat ha detto:

    Mi voto gatto. Gatto rulez

  11. Kat ha detto:

    Dim va in canil xe tanti cani figoni che te speta.

  12. dimaco ha detto:

    si kat lo so ma sto cercando una razza in particolare e non ci sono molti allevamenti in nord italia 3 o 4 e solo1 con cuccioli disponibili(forse)

  13. Kat ha detto:

    Che razza?

  14. Silvietta ha detto:

    Che rider!!! Anche mi son per i gati, anche se me piasi tute le bestiuze. Volevo dir riguardo ala musica: purtropo co’ i vedi taliani, subito i te meti su ‘ste canzonete da “emigrante italiano sfigato nostalgico che torna a casa”, come che diseva un mio amico de Roma. Pensa che mi e el mio moroso semo andai a Vienna – digo, a Vienna, mi son andada anche in pelegrinagio ala tomba de FJ e de Sissi – in viagio organizato con un’agenzia de Trieste. Andemo in un heuriger che i stava sonando (giustamente) “Zwanzig Personen in Automobil”, e co’ i ga savù che ierimo italiani (in realtà tuti de TS), no i taca a sonar “Marina, Marina” e altre monades del genere??? Roba che li copo. Un mal de panza.

  15. dimaco ha detto:

    bullmastiff. sono difficili da trovare qui in friuli, anzi di allevamenti non ce ne sono. il primo nelle vicinanze di padova ma il sito non è aggiornato. ho già parlato con alcuni allevatori e i prezzi per un cucciolo variano tra i 1800 e i 2200 € (Bravi ragazzi). Li trovianche a meno ma devi andare verso il sud italia.

  16. Kat ha detto:

    Diego ma come baia i cani ungheresi? sxonbatelybau?:-)

  17. Sara Matijacic ha detto:

    sempre e cmq gatti 🙂

  18. mutante ha detto:

    tropo divertente. anche mi pei gati anche se son alergico che posso morir…

  19. Fiora ha detto:

    Tra cagnazi magiari e becerItalianfolk, me par che in sta memorabile aventura, non ci siamo fatti mancare nulla!
    …beh, inver come da documentazione fotografica allegata, noto che la birra …SCARSEGGIAVA! 😀 😀 😀

  20. dimaco il discolo ha detto:

    kat la raza xe quela ma tra le foto che te ga linka xe anche mastini inglesi che xe i direti antenati del bul mastiff. il bull mastiff xe nato da un incrocio tra il mastino inglese è il buldog. questa raza la veniva usada no per combatimenti o altro ma come cani antibraconaggio e guardia. i xe asolutamente stabili come caratere e legadi ala famiglia ala famiglia. xe un pochetina aroganti e bisogna aver un fia de polso per farghe capir chi che comanda, ma la sotomision no xe prevista. devi eser un tratamento ala pari altrimenti il can no te ga pel cul

  21. ufo ha detto:

    Miao 🙂

  22. Kat ha detto:

    dim bel veramente bel ma solo el fatto che comincia x bull..hm;-)

  23. dimaco il discolo ha detto:

    la terminologia bull mastiff sta a indicare la genaologia del cane che è un incrogio da bull(dog) e (english)mastiff. che poi sembri un bufalo è un’altro discorso. Sapevi che i molossoidi soffrono di depressione se il loro “padrone” non gli da la considerazione dovuta. alcuni per tristezza si lasciano letteralmente morire. questo vale anche per il mastino napoletano seppur indicato come razza pericolosa deve sentire di essere amato e acettato come membro della famiglia. ma in generle vale per tutti i molossi.

  24. dimaco il discolo ha detto:

    kat guaratio questa e dimmi se un cane così non fa tenerezza. pulisce la piccola che ha starnutito:

    http://www.youtube.com/watch?v=DQv6EQvheOw&feature=related

  25. Kat ha detto:

    mastiff allora vuol dire molosso? carino il video ma io non gli darei lì accanto mia figlia ripeto bel ma devi essere abituato ai cani grandi non ho pregiudizi solo inquietudine.
    lo so che sono buoni ma c’è gente idiota che li tiene senza educarli. una volta siamo andati coi bambini a sistiana e un bulldog è saltato nel passeggino della piccola della mia amica che aveva 3 mesi. il tipo non ha saputo tenerlo lo abbiamo cacciato via a pedate. non sai che spavento.

  26. dimaco il discolo ha detto:

    io dico sempre che il pericolo sta da una parte sola del guinzaglio. e non è la parte dove sta il cane.

  27. Fiora ha detto:

    Dimaco cinefilo, altro che discolo!
    Complimenti, con crescente simpatia!

  28. dimaco il discolo ha detto:

    mastiff significa mastino. Il nome deriva probabilmente dall’antico termine sassone “Masty” = “Potente”. è una razza autoctona dell’inghilterra. i romani si scontrarono con questi cani che vengono citati nelle cronache romane. I romani usavano i molossi assiro babilonesi dei quali è discendente diretto il mastino napoletano, tanto da esser giudicato un monumento vivente alla conofilia moderna secondo l’enci

  29. dimaco il discolo ha detto:

    io adoro i cani e disprezzo nel modo più feroce coloro che li usano per i combattimenti o li maltrattano.
    Fiora se prendi un cae come un mastino napoletano o un bull mastiff ti devi informare su tuta la sua storia, il carattere, il suo modo di fare e di intendere. Oltre ad avere un sacro rispetto nei suoi confronti. i cani danno la vita se necessario per difendere la propria famiglia, perchè è esattamente cosi che ci considerano. una famiglia.

  30. Fiora ha detto:

    Dimaco ho scelto il mio piccolo brabantino, successivamente alla morte della mia carlina all’età di tredici anni, PROPRIO tenendo conto di tutti i fattori correlati alla scelta: carattere,taglia, disponibilità di spazio e di tempo.
    Il piccolo si è rivelato eccezionalmente robusto intelligente e affettuoso. apprende con facilità le poche regole di comportamento Scorrazza in un giardino che ho e quindi HA in uso esclusivo. Fa lunghe passeggiate nella zona ed è il beniamino di tutti, così poco conosciuto e giocherellone e ora col fresco anche sull’altipiano.
    Mi sarei guardata bene dall’acquistare incautamente un animale che per dimensioni o carattere non fossi stata in grado di gestire.
    Con queste sagge premesse lui è felice e io sono felice di accudirlo e condividere la nostra esistenza.
    Concordo con te sulla condanna dell’ignobile utilizzo dei cani per farli combattere tra di loro.

  31. dimaco il discolo ha detto:

    il nostro pastore tedesco (non ratzinger ovviamente) è venuto a mancare tempo fa. una brutta malattia. mia figlia ha pianto per una settimana.avevano la stessa età, 13 anni e sono cresciute praticamente insieme. e manca tantissimo.

  32. mulona ha detto:

    “el ungherese xe dificile anche pei ungheresi”

Lascia un commento

Il tuo indirizzo email non sarà pubblicato. I campi obbligatori sono contrassegnati *