15 Agosto 2011

Serà per rumizada ciclistica Trieste-Budapest

Bon muli, sta setimana el Quel dela Quela va in ferie dei, niente monade.
Son a far una rumizada verso Budapest, in bici, con altri 4 spanai. A portar el vessilo alabardato “là del’altra testa dela galina”, come disi Ivan Curzolo. Vedemo dove che rivemo ah!

I ne ga dito che el treno Budapest-Opicina no vol bici. Vederemo come combineremo per tornar 😉
L’altra volta che semo andai a Berlino i ne gaveva dito la stessa roba, ma poi gavemo combinà ciapando el treno per Monaco dove forsi i iera più cocoli se vedi. Semo speranzosi anca sto giro.
I ne ga dito che xe fredo in alcune tape che faremo. Bon, stavolta saremo preparai, no i ne la fica più come sul Grossglockner che semo andai in giugno convinti che fossi come andar a Barcola e invece gavemo ciapà bufera de neve.
Ma no preocupeve, semo sempre la solita armata Brancaleone. El mulo Michele Zazzara, ale 18.30 del giorno prima de partir, el me ciama: “ou, son andà a butar un cuc ala bici..savevo mi, go una rioda sbusada! e xe tuto serà!!!!” 😀
Mi inveze, che sul Grossglockner gavevo completamente fato fora i freni de drio (mio zio me gaveva dito de portar i coseti dei freni de riserva, ma mi gavevo dito uuuuuuu cossa sarà mai dei…muleria che no scolta po’ 😛 ), go scoperto che no servi comprar novi, basta girarli e frugar fino in fondo anche la parte ancora non del tuto frugada. Spinazzing.
Bon dei, co torno ve conto come che xe andà, e zercherò de tirar una clanfa in una dele terme storiche de Budapest, sperando che no i me daghi una piada int’el popoci.
Viva!

Tag: , .

86 commenti a Serà per rumizada ciclistica Trieste-Budapest

  1. susta ha detto:

    ALE ALE ALE ALE !!! (incoragiamento che spero vali come una sburtada, anzi quatro…)
    Bravi muli, semo con voi (za co’ l’acquolina in boca per le prevedibili ungaro-monade che spero non mancheranno di deliziarci al vostro ritorno… me racomando, darse de far!).
    E viva l’U e po’ bon!

  2. euro ha detto:

    Bravi muli. In questo momento me sento ciclista, ala pari de quei che se ciama sportivi perchè i varda la partida de balon in television…

    comunque sia bona pedalada

  3. Fiora ha detto:

    vame pian Diego! no farme star in pensier…se te vedi che te sta per cascar meti subito le man ‘vanti per protegerte la zuca!..,..che xe ORO quela tua testa! intelligenza, umorismo, assoluta assenza de malignità e faziosità…
    Passeve ben muli e viva la miglior Trieste in trasferta!

  4. ivan curzolo ha detto:

    Ve ‘speto co le dreher in fresco!

  5. euro ha detto:

    Go impostà su gugol maps el tragito trieste-budapest. A pie el risultato xe questo:

    537 km,4 giorni 14 ore

    …in bici penso che in do giorni rivè 😛

    rilancio l’oferta de ivan, conosendo le preferenze del mulo Diego, con spriz iazadi

  6. Fiora ha detto:

    zinquezentotrentasete Kilometriiii!
    orpo ciò!
    …e a pie, chi? ti, Euro? e mi che “se vinzi Cosolini…” gavevo dito che ‘ndavo in zenocio fin a Santiago de Compostela…
    Comunque anche in bici xè un signor ruc e “se vinzi… ” el morbìn, in salita penso che iuti!

  7. Fiora ha detto:

    le tue righe,vero balsamo per mie ferite , Dimaco e te rispondo spero a tono, come fra gente che se capissi al volo: GIASSICO, GENETLIACO.

  8. dimaco il discolo ha detto:

    me sa chete ga sbaia thread fiora. cmq a giassicco no fa più il genetliaco lo ga sposta a gorizia.

  9. Fiora ha detto:

    ..in zenocio a Giassicco, per penitenza!
    comunque te lo go riscrito..go tropo sti mii ciclisti per la testa, mi!

  10. Fiora ha detto:

    …che tenerezza patoca quela foto dela bici cola bandiera dela città…
    Son certa che la replicherè anche stavolta per la rumizada del Impero. quei altri muli a difonder el verbo clanfador in Islanda… voi a sfadigar sui pedai… noi qua a far el tifo a son de vitz e quela bandiera co’ l’alabarda che ne unissi e che la ve compagni!

  11. Katja ha detto:

    Figon!deghe de pedal!

  12. Fra Tin ha detto:

    in treno con le bici se pol anca tornar con le OBB via vienna e villach, dove par che qualchidun ga dito basta! de la in zo toca rangiarse …
    bona pedalada e bon rientro ….

  13. ufo ha detto:

    Ma no xe un poco picio quel zaineto? Voio dir, dove xe che meterè le botiglie de tokaj? No volerè miga tornar a mani svode, senza un sùvenir?

  14. Fiora ha detto:

    de Trieste fin a Zara go impegnà la mia chitara…
    De Trieste a Budapèst gnanca un jozo de petèss
    De Trieste in Ungarìa, la xè longa mama mia…
    amor, amor, amor che Trieste xè un bel fior!

  15. Katja ha detto:

    🙂 Fiora!

  16. Fiora ha detto:

    basta rider e ‘vanti cole strofe, orpo! 🙂

  17. Fiora ha detto:

    de Trieste i nostri eroi, mai dirà ” caro Cogoi…”

  18. maja ha detto:

    de trieste per zacai, no saremo mai cagai

  19. capitan alcol ha detto:

    De Trieste a Torviscosa per dirghe quatro alla Marisa.

  20. capitan alcol ha detto:

    De Trieste a Gorizia sarà tuta una provinzia.

  21. capitan alcol ha detto:

    reloaded: de trieste alla carinzia sarà tuta una provinzia.

  22. Fiora ha detto:

    … Muloni no slargarse! le devi esser pro Diego & Band, cussì col torna el ga pronto material per un libro in versi “se vinzi Diego & Co”
    De Trieste in bizikleta i muloni driti ala meta…
    De Trieste pedalando tornarò ma no so quando…
    De Trieste in compagnia ,vado e conquisto la Magiarìa (un bicc zota questa, ma farè voi mejo son sicura!)

  23. Fiora ha detto:

    Sburto i pie su sti pedai per tignir lontan Cogoi…

  24. Fiora ha detto:

    @19 non nominare il nome dela “Pasionaria del Natisone” invano , Capt. A!
    …va ben che ‘ntei “cabaret de bassissimo livello” tipo el nostro, ela ga dito che no meti pie…però la li devi conosser se la dà giudizi de demerito! 🙂

  25. Katja ha detto:

    De trieste al balaton me son ciapado un balon:D

  26. Fiora ha detto:

    Per la patoca rumizada val la pena la sfachinada …
    Per S. Giusto e per Trieste, vara là che ” bone” Feste…
    De Trieste fin a là rinovemo el viva L’A.

  27. Katja ha detto:

    quoto el cabaret de bassissimo livello però me fa anche rider che adesso che non xe Diego se semo scatenadi…co el gato no xe i topi bala(ton);-)

  28. Fiora ha detto:

    cussì i sorzi ghe fa la sorpresa al gato col torna e dagheee Katja!

  29. Fiora ha detto:

    uè, ghe vol un nome…cossa ve par de ” i cugini del quel dela quela” ?!
    Bona ciò! “cugini ” xè anca lanfurinclusive! noi no seremo la porta in muso a nissun…gnanca a lori! 🙂 🙂 🙂

  30. Fiora ha detto:

    Nome dei partecipanti al CADIBALI.
    Come, cossa?! cabaret di bassissimo livello, no?!
    ‘ndemo dei, che no go voia de lavorar… 🙂

  31. Fiora ha detto:

    de Trieste fin in remengo , ormai go dito e duro tengo…
    de Trieste ‘ndemo ‘vanti, che ne iuti tuti i santi…
    de Trieste per l’Europa i pedala fin che i s’ciopa…
    de Trieste amore mio, darghe zò a biondo dio…

  32. Fiora ha detto:

    de Trieste anca in bizikleta , là ghe toca la vinjeta?

  33. omo vespa ha detto:

    de trieste fino a praga,
    prima se magna dopo se …
    de trieste fin durazzo,

    – no, no se pol, xe un forum tropo per ben.

  34. Katja ha detto:

    e ti te son anca WASP…

  35. Fiora ha detto:

    de Trieste cola bici quante Hungaronacici…

  36. Fiora ha detto:

    de Trieste in Ungheria la nostra mejo mularia…

  37. Fiora ha detto:

    de Trieste dai e dai, nostalgia anca dei cocai …

  38. Fiora ha detto:

    de Trieste coi ” Mononi” per i hungaromuloni ?
    de Trieste col Libreto per far conosser el… Sindacheto ?
    (“sindacheto”…seee! ma xè licensa poetica,no?)

  39. Fiora ha detto:

    ” le cugine del CA.DI.BA.LI” Maja e Katja, POMIGAAAAA!

  40. Katja ha detto:

    pomagam, cossa xe cadibali?

  41. Fiora ha detto:

    ” CADIBALI” cugineta xè un neologismo che go creà la per là dale iniziali de “CAbaret DE BA.ssissimo LIvello” una “perla” dela Furlana che a modo suo tenta de spiazarme el morbin, ma ghe vol altra!
    mentre ” pomigar” cara la mia mula, xè ” BATTER FIACCA” nel nostro amato dialeto e se te digo che ti e Maja ” pomighè” vol dir che xè ora che tirè fora qualche rima sgaia per sta nostra web staffetta in parallelo con la “rumizada dell’Impero!”

  42. Katja ha detto:

    aaa:D bel cadibali cmq rendi!!! pomigar savevo. se te vien a casa mia te vedrà che go sai poco de bater fiaca;-) cos te vol l’ispirazion no vien a bacchetta…riva co la vol ela…spetemo;-)

  43. Fiora ha detto:

    “fiaca de Forun” mula! no me permeteria mai altre insinuazioni domestiche…no son miga la Furlana, mi!

  44. Katja ha detto:

    chi quela che vendi mudande;-)?

  45. Fiora ha detto:

    no so se la vendi anca mudande.quela furlana che digo mi, la xè “de là” che la cita sentenze e la meti zizanie.
    Ma noi gnanca pel, e ‘ndemo ‘vanti col nostro omagio ala ciclo stafeta patoca in terra Magiara.
    De Trieste i muli in banda, ocio al astico dela mudanda…
    E questa xè input tuo, Katja!

  46. Katja ha detto:

    🙂 te son in piena Fiora come te fa co sto caldo? Viva la Fiora anca co xe afa tanto lavora!:D

  47. Fiora ha detto:

    De Trieste a sti magiari ghe imparemo el ” Volentieri” …

    In co-produzion :
    De Trieste al Balatòn ( by Katja) tuto un viva l’A e po’ bon…

  48. Fiora ha detto:

    una “colta” 😉 cussì Marisa comincia a sospetar che “de mestier NO son venderigola in piaza…”
    de Trieste duri e puri a ficarghela ai Panduri…

  49. Fiora ha detto:

    corige…ficarghela perché? noialtri no ghe la fichemo a nisun! Pitosto viceversa…
    alora niu criescion:

    De Trieste duri e puri nela tera dei Panduri

    e pò bon!

  50. Fiora ha detto:

    de Trieste con morbin, smontar solo a far pissìn…

  51. Fiora ha detto:

    Ale terme i clanfadori i farà strage de cuori…

    E con questa sviolinada go finì la mia rumizada

    …pei nostri zikleroi!

  52. Fiora ha detto:

    E LI CHIAMARONO I CICLONAUTI PATOCHI!

  53. ivan curzolo ha detto:

    Breve aggiornamento per tutti i fan. Alle 17:12 ora locale di venerdì 19 agosto i ciclonauti raggiungevano Budapest accolti da una folla festante (un mio amico e mi). Foto, terme e birra per tutti fino alle luci dell’alba. Oggi però iniziava la parte più impegnativa del viaggio. Rientro su quattro o cinque regionali diversi fra MAV, OEBB e Trenitalia… Garanzia (più o meno) di arrivo a Villaco in serata. Dopo no se sà…
    Incrociare le dita! El resto ve lo conterà lori…

  54. Fiora ha detto:

    Benon! DEUS VULT e pò bon!

  55. Katja ha detto:

    bravi che bel giro, come se disi prost in ungherese?:-) Fiora te ga scomodà i templari;-)

  56. Fiora ha detto:

    Beh, motivazion e vessillo là e là 🙂

  57. aldo ha detto:

    @55

    Inno dei templari? Dopo che ha vinto Cosolini è stato proibito e sostituito con questo:

    http://www.youtube.com/watch?v=bpGkQMwVVFs&feature=related

  58. Fiora ha detto:

    Mi hai abituata meglio, superAldo. con la situazione mi pare che il link di stavolta nun c’azzecchi tanto, ma …tuto fa morbin e tuto fa bentornati ai nostri CICLONAUTI. 😉

  59. Katja ha detto:

    aldo e fiora e tutti: faccio notare che tutte e tre le bandiere sono rosse;-)

  60. Fiora ha detto:

    @60 ma siiii! l’appunto non era mica politico…
    Aldonostro ha al suo attivo certi link di tipo ehm 😉 “ecclesiatico” ancora dei tempi del tentato accoglimento in convento di un certo Dimaco 🙁 che ormai mi aspetto da lui sempre performances d’eccellenza con piena centratura dell’obiettivo !

  61. Riccardo Ferrari ha detto:

    Una news flash: dopo che le ferrovie slovene ne ga’ mola’ a Stanjel alle 9.50 per “problemi tecnici”, gavemo inforca’ de novo le bici e pedala’ fin Opcine dove gavemo gusta’ l’ultima Radler. Aventura finida, stemo tutti ben e un grazie caloroso a Ivan per la bellissima serada a Budapest !!!

  62. Katja ha detto:

    bentornati!Figon!!!:D ma dopo se rivai in piena zò x via commerciale?;-) foto?

  63. Fiora ha detto:

    si vva bbe ma ” Diego non c’è! E’ andato via…” 🙁

  64. Fiora ha detto:

    la contessa Mazzanti Viendalmare de noialtri è qua per consegnargli il Flor-ilegio! 😀

  65. Fiora ha detto:

    @66 beh, questa de Ruggeri xè più la Ripa di Meana che l’ innocua Fiora Mazzanti Viendalmare de bora.là, dei! 🙁

  66. Katja ha detto:

    Hahaha ma dei iera un viz!:D boralà e po bon

  67. Diego Manna ha detto:

    son tornà 🙂
    deme un poco de tempo e ve conto tuto 😀

  68. Katja ha detto:

    viva Diego!:-)

  69. Katja ha detto:

    me se ga offeso la Fiora? Fioraaaaaaaaaaa xe tornà Diegoooo:D

  70. Fiora ha detto:

    El ciclocanfador xè tornà? benon! finalmente dormirò in pase! 😀

  71. Katja ha detto:

    🙂

  72. Diego Manna ha detto:

    desso go rivà leger tuti i comenti. grazie a tuti per l’apogio!
    ciò..
    12 Fra Tin xe stà profetico…
    6 cambi de treno…budapest-viena-vilaco e dopo rangiarse…ma spetè, deme tempo..forsi ghe volerà divider el raconto a puntate perchè podessi esser longo. ma forsi no, bu. desso scarigo le foto e i videi.

  73. Diego Manna ha detto:

    Qua intanto la partenza:

    🙂

  74. aldo ha detto:

    @59

    Fiora, ho cercato di coprire i nostri fornendogli un alibi politico ma è stato tutto inutile…

    mi dicono che appena tornati sono stati sottoposti a un interrogatorio della CEKA (Comunal E Kommunist Agency)e la verità è saltata fuori: a Budapest erano attesi da Dimaco il discolo che aveva già predisposto tutto con una agenzia locale:

    http://budapestfun.hu/hostess_e_modelle_budapest/

    Ora potrebbe essere formalizzata l’accusa di “edonismo reganiano” di fronte al Tribunale del Popolo…

  75. Diego Manna ha detto:

    ciò aldo, te podevi darne prima quel link! 😛

  76. aldo ha detto:

    @77

    L’avevo lasciato a Fiora per voi: si sarà dimenticata di passarvelo…

  77. Fiora ha detto:

    @78 ah cos te vol Aldo, le babe de politica generalmente no le capissi un boro…solo romanticume, rievocazioni storiche…e qua sti poveri muli ri’scia grosso…provedi fin che xè ‘ncora tempo! 😉

  78. euro ha detto:

    anche mi me son dimenticà de darte l’email de due gemelle de budapest… te conto ogi oto

  79. Fiora ha detto:

    che problema xè? consegneghe el material el rimonta in gita e de Trieste fin a Buda…
    no gnente gnente… cossa so mi, me vigniva la rima cola baba nuda…NOSEPOL! 😉

  80. Fiora ha detto:

    Ciau GRANDE! ara a vardar el primo video,
    Solenità, vesilo, dialoghi richi de contenuti ispiradi…TEMPLARI IN PIEN! 😉
    l’aprendista vestale del morbìn intanto se ga ingegnà de tignir viva la fiama… eh! mancava el Somo Sacerdote, ma ‘desso ch’el xè de novo tra noi coi aporti de nova linfa … vedremo cose che voi Furlani… 😀
    Ciò Maestro, ma almeno quel asemblagio ” HUNGARONACICI” del post35, me val un sie? 🙁

  81. Diego Manna ha detto:

    ah ah si xe vero, hungaronacici xe spetacolare 😀

  82. Katja ha detto:

    Euro le gemele se ciama una Buda l’altra Pest?

  83. Fiora ha detto:

    …tanto co’ i ne acorpa i ne cava anca quel, i Lanfur…nome e LAGO 😀

  84. Fiora ha detto:

    niente! xè ciaro che go capelà no? ! 🙁

Lascia un commento

Il tuo indirizzo email non sarà pubblicato. I campi obbligatori sono contrassegnati *