Nuova segnalazione di una clanfa in giro per il mondo. Un grazie a Marco Massimiliani per la testimonianza e le foto 🙂
Se gavè storie e foto de clanfe in giro per el mondo, mandeme!
Ciao Diego, go visto che te ricevi raconti de clanfe in giro pel mondo e go deciso de contribuir con queste poche righe e un do foto.
Ogni volta che tiro una clanfa fora del litoral triestin co vegno fora de l’aqua no chiedo “go schizà?”, ma me diverto a vardar le espressioni de la gente: de solito xe un misto tra stupor per un tuffo mai visto e preocupazion per le mie condizioni fisiche… e ancora più divertente xe tirar subito una seconda clanfa e veder che la gente xe sempre più incapace de capir da dove vien questo che se buta in aqua in sto modo assurdo e come che el fa a no farse mal… ma el ricordo de la mia clanfa più lontana da Trieste no xe ligà a l’espression de la gente, ma a la dissacrazion de un logo dedicado al silenzio e al relax. L’altro ano iero col mio amico Ivan in Islanda e gavemo deciso de andar a le terme naturali che xe vizin al lago Myvatn. Se trata de una piscina geotermale naturale intorno a la quale i ga costruido una Spa con sauna e menade varie. 
La piscina xe poco profonda, se toca ovunque, el fondal xe de sasseti vulcanici, la temperatura de l’aqua xe variabile a seconda de la distanza da la fonte (la vien fora a quasi 100 gradi e, da quel che ricordo, el minimo xe intorno ai 35), ma, sopratuto, in mezo ghe xe un scoio che vien ‘pena ‘pena fora de l’aqua e che la gente usa per sdraiarse mezi dentro e mezi fora… per sdraiarse e rilassarse o, se te son triestin, per tirar una clanfa!!!! solo la vista de quel scoio ne ga fato pensar de tirar una clanfa, però, sicome l’atmosfera no ne pareva adata e temevimo che i ne sbatesi fora a calci, gavemo spetà a smoio che ghe fossi meno gente posibile e poi se semo tufai. Chiaramente una clanfa tira l’altra, cusì se semo scadenai e
per una bona meza semo’ndai ‘vanti a tirar clanfe!!!!
Viva,
Marco
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
Grandissimo Marco, ambasciator OPERATIVO dela nostra Trieste!
PERO’ davanti all’intraprendenza e la temerarietà dei nostri muli “esportatoti” me comincia a salir una sottile inquietudine… Tuti i foresti ne copierà dandoghe nomi esotici che in foresto farà più colpo, ufaaa! 🙁
Qua urgi la D.O.P. !
Cussì chi che domandera hev ai schizzed? ne PAGHERA’ el copirait, orpo! 🙂
Tastiera sensa kluke incorporade e che coregi co’ ghe gira… iera “ESPORTATORI” dei!
grazie, @Fiora. e grazie a Diego che ga publicà la letera.
bone clanfe a tuti!!!!!
In Islanda la clanfa la chiameranno gayser mòberg
Che bel andassi anche mi a tuffarme in Islanda. Se podessi far una gita de boraliani come che fa el Primorski
Viva Marco e po’ bon!
…ma come te xè messa a clanfe Katja?
Roba che i local te domandi (come a Livingstone ) ” mrs. Katja, a patoc lady i suppose”
I muli ga verto la pista, miga se pol ‘ndar là a tufarse a piron, ciò! 🙂
A piron hm mejo de no Fiora…a testa posso ancora farlo nonostante la mia quasi anta età:D
a testa?…e ‘lora yes we can! clanfs at blond god* Katja!
* goffo tentativo de tradur “a biondo dio”… 🙁
haha!!! ma el triestinenglish xe compreso nelle performance delle clanfe?
..saria de domandarghe a Marco “Siani” nostro AMBASCIATOR con mandato speciale per CLANFE in Islanda, Katja!
no so, questo bisogna chiederghe a Diego
xe de far un monitoragio e veder quanti chiedi “have I schizated?” co’ i vien fora del’acqua!
ah , Maestro, participio passato fa “schizated” no “schizzed”?
Rimandada in Triestinenglish, dei! 🙁
a mia parziale discolpa posso solo dir che go tentà de scriver riprodusendo la … PRONANSIESCION
marco, no te ga tirà una clanfa nella pozza de hveravellir, almeno no prima de gaverghe zontà acqua freda per una mezz’ora?
@14:
schized xe schizà, schizated xe schizado, quindi val entrambi 😀
Mitico Marco, che numeri de vere bobe triestine che gavemo tirà, me vien quasi la lagrima a ripensarghe….sniff….
comunque te se ga dimenticà de un altro importantisimo fatto, anche se non sufragà dele foto, ma comunque degno de eser riportà.
infati i nostri due baldi eroi (mi e marco poh) dopo eser pasadi nele calde aque de Myvatn i ga deciso de imergerse in una rocambolesca aventura de rafting estremo in uno dei tanti fiumi glaciali islandesi e, vista la prima posibilità de lanciarse de un scoio,….CLANFA IN AQUE A CIRCA 3 GRADI!!!! queste xè sodisfazioni!!
“CLANFA IN ACQUA A CIRCA TRE GRADI “… la più granda sodisfazion xè eser sopravisui per contarnela! 🙂