Piano Salva-Ursus: le reazioni dei candidati alle prossime comunali

Il pesce d’aprile 2011 di Bora.La, con la falsa notizia dello spostamento di Ursus in Piazza Goldoni per farne un ristorante panoramico con museo del mare annesso, ha ispirato la fantasia del nostro giorgio (no events) 🙂
Ecco il suo dialogo su come sia stato recepito dai candidati alle prossime comunali “Il piano salva-Ursus”:

– Una volta se disegnava un pesse de carta e se lo tacava in schena ale mule…
– Ieri matina tuta Trieste parlava de ‘sto Ursus che i vol meter in piaza Goldoni. Chi iera contento: “…ma che bel gesto, pien de significato, altro che quel mòniga de porta DC che no servi a gnente…”. Che pò DC iera in piaza San Giovanni e desso no xe gnanche più.
– Ma no porta-DC, xe porta-CD, che xe i dischi pici, compax-dix in inglese.
– Pò iera quei contrari: “…che basta con ‘ste opere faraoniche, alora metèmo la feriera a Barcola e portèmo la grota gigante in piaza Ponterosso”. Ma in tuto ‘sto bacàn, i candidati a sindaco gà comincià a pensarghe sù. Antonione e quei del pidiele gà dito che xe la volta bona, finalmente parte la campagna e letorale.
– Cossa no i gavèva za comincià?
– Cossa la vol, iera come una serie de false partenze: prima i spetava che i ciami de Arcore, dopo i zercava un candidato con nome foresto, pò la gente no comprava più la setimana enigmistica, ma studiava i manifesti. La liga corèva da sola, Bandeli anche, che lù gà inventà propio la bavisela, quei dei Filini tigniva el muso. Cò se gà impiantà anche el piano regolator de Dipiaza, xe stà la fine.
– E i se ritira alora?
– Ma no! Ghe digo che cò i gà savesto che Ursus a Trieste iera come un idolo e che Bandeli voleva far un teatro nel vecio gasometro…
– Ah, quei de forza-nuova ghe gà imposto de doprar el gas?
– Ma no xe più gas nel vecio gasometro! E se i fa teatro, xe per far divertir la mulerìa, miga per coparli! Ghe dixevo che al pidiele i gà pensà che, se no se pol candidar ‘sto Ursus e prima che i ghe fazi ‘sto monumento in piaza Goldoni, de far una covada de manifesti tricolori grandi come piaza Unità con su scrito: “Trieste ama Ursus!” con striche tricolori e tuto.
– Ah ben pensada! Farà ‘ssai efeto, mi calcolo, solo che no gò visto in giro, no volèva i Camber, forsi?.
– E no, stavolta che andava ben a tuti quanti, solo che i ghe gà dà de stampar ‘sti manifesti a quela istessa tipografia che ghe gà fato quei altri. E quei ve gà scrito inveze: “Trieste ama Urss!”
– Mama mia, che truco! Ma chi gà fato? Andolina o quei de la lista zala?
– Nissun no gà fato. Xe che quei dela tipografia vanzava ancora soldi del’altra volta e i se gà vendicà, come. Quando, el uno sera, Menia gà visto ‘sti manifesti, ghe xe vignù de pianzer: el gà ciamà tuto el stato-magiore del pidiele a coverzèr quel che i gavèva fato. Fedriga, che voleva farse veder, gà ciamà Maroni che ghe mandi un barcon de profughi o clandestini in aiuto, ma de Roma ghe gà dito de rangiarse.

giorgio (no events)

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la