15 Gennaio 2011

Un colibrì di nome Silvio. Caro Cogoi…

Alora, giusto per tirar le some dei segni importanti ricevudi.
Un tempo Burlasconi diseva de esser come Napoleone. Dopo el ga alzà el tiro e ga dito de esser come Gesù. Dopo me ricordo che una volta a Porta a Porta, dove fra un poco i ga dito che i meterà el plastico dele sere (nel senso “serre”) de Miramar, el ghe ga fato nasar la man al’omo Vespa e el ghe ga dito “nusa! odor de santità!”. Quindi forsi el xe un santo, ma no se ga capì ben quale.
Desso finalmente el cercio se sera (nel senso “chiudi”. La sera -nel senso serra- però i ga dito che no i la sera -nel senso chiudi-. Oddio che mal de testa, digo ste robe solo che per insempiar la gente). Disevo, el cercio se sera e scoprimo finalmente che Burlasconi no xe nè Napoleon (anca se el xe però una Bona-parte da cui star se te ga bisogno de schei), nè Gesù (che ga tropi cavei) nè un santo. Xe probabilmente ‘diritura un arcangelo! Solo che el iera tropo modesto per dirne e gavemo dovudo scoprirlo da soli.
In pratica cossa xe nato? Un colibrì. Si, ma cossa xe nato (nel senso “successo”)? Xe nato che Burlasconi ga fato una telefonada e una colibrì xe rimasta incinta e ga partorì (i me insegna che se disi cussì) un ovo. Tic tac. Nel nostro milenio l’anunciazion se fa cussì. Telefono e via. Se el iera un arcangelo istrian, gavessi mandà una mail che xe agratis, ma Burlasconi xe lombardo e no varda ste robe. No ga gnanca ciamà da Skype che costa de meno, ma dal celulare! Tuto xe de insegnarghe. Bon comunque ciò, ieri matina xe nato el colibro (i me insegna che se disi cussì). E insoma gavemo gavù el segno. El xe nato. Quindi da desso nadal xe anca el 14 genaio. I comercianti ga dito che per lori va ben, basta che bisogni farse el regalo anca per sto novo nadal. Che pò xe el giusto anel de congiunzion tra el nadal vero e pasqua, visto che ghe xe de mezo i ovi. Comunque con sto novo nadal (n’ovo nadal) l’economia girerà anca in genaio e sarà anca novi posti de lavor. Figon. Par ‘diritura che se farà un referendum per decider se sarà obligatorio farse come regalo un dei auti dela fiat.
Tornando al picio colibro, giustamente xe stà ciamà Silvio, mancassi altro. Par, digo par, che pena nato i gabi provà a meterlo in una picia cheba, giusto per i primi giorni che xe delicati, ma de colpo xe rivà l’avocato Ghedini e la cheba se ga miracolosamente dissolto. Anzi, par che anca Ghedini gabi fato tuto via telefono. Lui però via Skype, perchè el xe un poco più oculato.
Bon dei muli, femo feston (me par che feston se disi bunga-bunga) per il segno che ci è giunto! Una nuova era di serenità e prosperità sta arrivando! O forsi xe solo el 2012 che se avicina inesorabilmente…caro Cogoi…

P.S. Se posso permeterme una critica al’operato del’arcangelo, mi credo che el gabi sbaià specie. Gavessi fato più rider se el ghe fazeva l’anunciazion al colibro dela specie golarubino (segnalazion fata da bagarino su un altro post), che in inglese xe Ruby-throated Hummingbird. Ma giustamente forsi dopo lo gavessimo remenà un poco per sta roba, per cui visto che parlemo de robe serie in fondo el ga fato ben.

Quel dela Quela on Facebook
Tag: , , .

12 commenti a Un colibrì di nome Silvio. Caro Cogoi…

  1. arlon ha detto:

    super articolo 😀 “n’ovo nadal”, hahaha

  2. brancovig ha detto:

    sai divertente

    nice guy

  3. bagarino ha detto:

    Go senti da un giornalista de la RAI (lanfur) che esiste un pian de la LVTCF (Lis Vuitis Tradition Continuity Front) de rapir i colubrì dalle serre de Bordan – Silvio junior compreso) E MANGIARLI CON CUBETI DE LARDO E POLENTA. Ma semo sicuri che ì xe salvi in una terra de gente che mangia useleti?

  4. Flores ha detto:

    Bon dei, pei cinesi questo xè l’anno dela tigre e per noialtri patòchi xè l’anno del colibro.
    No se femo mancar proprio gnente, noialtri! ciapé lanfur!

  5. Flores ha detto:

    E nell’anno del colibro, mirabili cose stanno accadendo. E’ di ieri la RIVELAZIONE dell’ ARCANGELO : ” mai pagà, son fidanzà!”
    …quasi che la seconda rivelazion per qualchedun costituissi legitimo impedimento per la prima!
    Se fussi automatico, le escort fussi tute in cassa integrazion.

  6. cagoia ha detto:

    Se el colibrì Silvio lavorerà come el colibrì de Silvio… gaveremo colibrì anche pel porco…

  7. Flores ha detto:

    Se l’ attribuzion del nome del neonato no xè tra i segreti de svelar, quela dela morosa del Santolo podessi esser tra i scoop più brillanti dell’anno del colibro…
    ‘Lora ” parlamentare di sinistra”, se vocifera e el cercio se strenzi.
    ” La xè più bela che inteligente…” e noi pensavimo che fussi una ciolta pel iodri, inveze iera el complimento de l’omo inamorà, che vedi coi oci de l’amor…
    Xè ROSY BINDI LA MOROSA SEGRETA!
    Ah, i disi ” quarantene”. Cossa c’entra che la ga un ventin de più,’desso?!
    MI CONSENTA, un poca de cavaleria de cavarghe un per de primavere ala sua putela, LU’ che ga in man el quarto potere, ghe la podarà riservar, no?!

  8. Flores ha detto:

    ” mi ha aiutata gratis, non m’ha sfiorata manco con un dito”… che sollievo saperlo, più che altro per non affibbiare al colibro un nome infamante.
    Però al samaritano di villa S.Martino stanno al grande cuore esclusivamente volatili e gnocche? Cassintegrati e bacucche? non risulta! C’è da cominciare a farsi qualche domanda anche da parte di chi come me crede ancora a Babbo Natale…

  9. Flores ha detto:

    …per dissipare simili malevole illazioni in un soffio di caritatevole zefiro Gli basterebbe risolvere con analoga urgente procedura telefonico-bancaria uno dei casi lacrimevoli aventi per protagonisti disabili e senzatetto, quotidianamente propinati al popolo cenante dai suoi officianti di fiducia della parrocchietta di Striscia, che per bacchettare Lui usano il fiore.

  10. Flores ha detto:

    L’altra sera da Santoro, la Rosy ce l’ha messa tutta a dissipare i sospetti che fosse lei ” la donna segreta”, ma non c’è riuscita…anzi ha fornito un’ ulteriore conferma, se è vero, come è vero che ” chi disprezza, compra!”.

  11. tom ha detto:

    let’s carocogoing

  12. Flores ha detto:

    el Tiggi parla che pei cinesi ogi scuminzia l’anno del coniglio…meno mal, dei! che cruzio che i me ga cavà!
    Copioni de tuto el made in Italy come che i xè, gavevo paura che i fazi anno del COLIBLO come noialtri…

Lascia un commento

Il tuo indirizzo email non sarà pubblicato. I campi obbligatori sono contrassegnati *