15 Dicembre 2010

La fiducia nei politici dopo il 14 dicembre. O anche prima?

Seconda puntata di Via Roma 11, rubrica in bisiaco di Federico Gon. Dopo aver classificato i baloneri, stavolta se la prende, con tempismo perfetto, con i politici.

VIA ROMA 11 – POLITICA
POLITICA: genere de lavòr, occupaziòn, passatènp, missiòn, vocazion, etc…generalmente fàt da quei che no ga nessuna voia de lavorar lori, ma no vedi l’ora de far lavorar quei altri. El sostantivo xe “politici”, che se dividi in 3 categorie:

a – tùti quei che – dall’ultimo dei Consilieri comunài fin su su, al Presidente del Consilio passando per Sindaci, Assessori, Ministri et affini – ‘dopra la fiducia dei eletòri “a guisa di papiro per forbir lo deretano” (Dante, De Vulgari Eloquentia, tomo III), strafregandosene dei problemi dela zènte e misurando i propri ideali e la propria moràl in carte de 500 euro; a volte i fa finta de barufàr tra de lori, ma come che fa i caribù nèla stagiòn dei amori, xe tuta una finta: tanto ala fine chi che vien guà de sicuro semo sol che noi;

b – tùti i altri, che no ga una carèga o un scagnèt dove meter el cùl ma i volessi tanto gavèrlo; i se professa “duri e puri” (gergo vulgaris) ma se tornassi effettivamente fòra Stalin –roba che tante volte se li sìnte predicar- lòri fossi i primi che fussi messi a spalàr merda da qui all’eternità; zà nel 1455 tàl suo notissimo “Trattato de come che se classifica i esseri umani in base a quanti s’ciaffi i te cava de le man co’ i loro musi de buso de cùl de can de caccia”, l’esimio filosofo olandese Maavaf Van Kuloh ga inventà per lòri el famoso detto culinario “MOLTO FUMO, NIENTE ARROSTO”;

c – purtròpo ‘sta categoria xe rimasta, nei àni, svòda; l’ultimo suo rappresentante xe conservà in cattività tàl zoo de Philadelphia, sènza possibilità de ripordùrse. Sula chèba, xe scrìt POLITICUS HONESTUS.

Quel dela Quela on Facebook
Tag: , , .

3 commenti a La fiducia nei politici dopo il 14 dicembre. O anche prima?

  1. Flores ha detto:

    Analisi lucida e sconfortante, quanto realistica nel suo approssimativo generalizar. Nela misura in cui la xè realistica no val la pena aprofondir caso per caso e nominativo per nominativo, vuoi de maggioranza vuoi de opposizion…
    La domanda che con onestà me fazo e ne fazo, tra noi “onesti” in contrapposizion a quei che ne sta de sora che onesti no i par.
    Mi,ti,noi, semo sicuri che al posto de lori restassimo cussì come ‘desso, val a dir “onesti”?

  2. matteo ha detto:

    la mia fiducia? rimasta invariata, zero era e zero rimane

  3. Flores ha detto:

    Tra i “sfiduciandi” ( de mi, no de lori…)in bona posizion, peto Fini.
    Senza entrar nel merito, da Fiuggi in avanti el me appari competente più de tuto nel ruolo de ex.
    Ex fascio ex berlusconian…ex Presidente della Camera?

Lascia un commento

Il tuo indirizzo email non sarà pubblicato. I campi obbligatori sono contrassegnati *