12 Ottobre 2010

La muleria de Trieste: el sotutomi

Dopo molto tempo, ecco un altro aggiornamento sulle categorie della muleria triestina, già approfondite precedentemente in svariati articoli del Quel dela Quela. Stavolta è Massimiliano Cernecca, col pupolo di Michele Zazzara, a spiegarci chi è il sotutomi.

EL SOTUTOMI

El Sotutomi ga la principale carateristica de esser oniscente. Deriva dal giaponese: So (Conosco) Tu (un saco) To (di cose, quindi per questo motivo) Mi (devo romperghe le bale a tuti fazendo veder che le so).
Se pol individuarlo sule tole piene de muleria perchè xe quel un po’ stravacado col brazo che pica, una bireta (oramai calda) nel’altra. El sta sicuramente parlando de qualche sua impresa con sopraciglio alzado (ala Geims Din), anche lù come la Boba, parla strassinando, celando una finta modestia che in realtà non sa gnanche cossa sia.
In sequenza, se te ghe chiedi cossa el ga fato nei ultimi 5 anni el comincia con:
“Bah, niente de tale, pena finì scola son andà do ani in America a studiar l’inglese, son entrà come operaio e in do mesi me son comprado la fabrica dove lavoravo, go licenzià el paron e coi ricavi me go verto una casa discografica, a quel punto sicome Bruspringstin gaveva un disco orendo ghe lo go rifato, anche se dopo sul disco figura che le canzoni le ga scrite lui, ma solo perchè non volevo che el restassi mal. Bon al’apice del sucesso go molà perchè iero stufo e sicome iero un po’ ala ricerca de me stesso me son butado via trovandome una baba al giorno per un ano de file, stancante, ma ad un certo punto go capido che dovevo tornar a Trieste. Son tornà e son diventà istruttor de Canto, Nuoto, Biliardin, Vela, Apicoltura, Webmaster, Icrometria, Olofenzia e Kukerle. Go dovù molar co i me ga ciamà ale olimpiadi però, perchè senò non rivavo a far ben tuto, e mi, o le robe le fazo ben, o xe meo non farle”.

Quel dela Quela on Facebook
Tag: , , .

Lascia un commento

Il tuo indirizzo email non sarà pubblicato. I campi obbligatori sono contrassegnati *