24 Settembre 2010

Le invasioni furlaniche: Pepi S’ciavo Furlan e il secondo campo de panoce

furlan advisory

Nuovo aggiornamento dal fronte del nostro T. Patoco!
Stavolta ci parlerà della news dell’emulo friulano di Pepi S’ciavo e di un nuovo, temibile pericolo a Trieste…

Le puntate precedenti:

T. Patoco trova un campo de panoce in Quel di Basovizza e se impizza.

T. Patoco trova la dicitura “ufficio scolastico per il Friuli” su un certificato di maturità dell’Oberdan e se impizza. Nasce e parte l’EPLF.

T. Patoco ci aggiorna da Barcola sullo stato dell’avanzata dopo due settimane. Primi longhi per l’EPLF

T. Patoco scopre l’esistenza del paese di Patocco e se impizza.

T. Patoco scopre che Virgilio fa risorgere i friulani nelle risorgive e che Antonio, il dinosauro, è diventato anch’esso friulano (e se impizza).

T. Patoco viene intervistato volentieri e se impizza un spagnoleto.

T. Patoco incontra l’assessore Violino e lo impizza.

T. Patoco scopre l’attacco furlanico a Piazza Unità e se impizza le luci blu.

T. Patoco scopre i progetti dei LEGO Freeco Speeder e no li impizza.

T. Patoco affronta il pericolo dei missili furlanici e no li impizza.

Oggi:

LE INVASIONI FURLANICHE
Pepi S’ciavo Furlan e il secondo campo de panoce

Carissimi concitati concitadini patochi, ecome qua par el periodico agiornamento dal fronte de liberazion furlanica.
No so se ve vien in amente, ma ierimo restai che ghe gavevimo pena fato remitur al campo de panoce Ogi Eme (o Ogi Oto, no me ricordo) furlan insieme con la mularia de Grinpiss che ne gaveva dà una man. Bon, insoma dele some pareria che semo rivai tardi, dopo che i missiloti blavistici iera za stadi slanzai su Trieste. El nostro esperto de diavolerie tecnologiche Ciano S’ciopeta, dopo gaverli ben pulito analizai, ga dito che no se trata de roba nucleare come gavevimo gavù pensier in principio, ma par che sia una roba ciamada Cluster Bomb, come el generale Cluster dei, me par che se ciamassi cussì insoma. O, par ‘talian, bombe a grapolo ga dito. Che no xe i graspi de ua però. Bon, per no farla longa come la quaresima, che qua el sol magna le ore, in pratica ste bombe a graspo cossa le fa? Poco prima de s’cincarse par tera le se dividi per far ancora più babilogna. Morale, sti missiloti blavistici che i lanfur ne ga slanzà, ‘na volta rivai int’el ziel sora Trieste, i se ga roto in mile bobici che xe cascai un poco pertuto. Ed eco che defati ne xe rivada la prima segnalazion, da parte de “Un lettore invadente e non-autoctono che vuole mantenere la sua anonimità” (cussì el se ga firmà), de un campo de panoce, anzi, un “blavâr da otante cuintâls” in pien Carso fra Borgo Grota e Monrupin.

Ostia remengo suo! Noi caminemo con la fiacheta in Friul per blocarli e lori i ne invadi el teritorio cussì de sconton. Eh i x essai vanti con la tecnica, sti furlani. Che po’ sto qua xe el secondo campo de panoce, parchè se ve vien in amente tuto ga scominzià co gavemo trovà el campo de panoce a Basoviza.

Come se no bastassi, al dano se zonta la befa. Gaverè leto po’ cossa che iera scrito sul bugiardel no? I furlani i ga anca lori el suo Pepi S’ciavo. Ciò, Pepi Furlan xe diventà! No solo i ne invadi el teritorio, ma i ne vol sgranfignar anca la cultura! Qua le robe diventa drio man più impegnative. Xe che se gavemo un poco cincinà ‘desso che iera el caldo…clanfe, sprizeti, osmize…sti furlani inveze no ga mai pase, e i ne la ga un poco ficada.
Ma gavemo pronta l’arma de sconton! Eh eh…lori pensa de poder ‘vanzar come che ghe par e ghe piasi a lori, ma no i sa cossa li speta a Roian…no ve conto niente…solo ve mostro el stema che i cocoli muli de Vile&Vampi ga preparà per la nostra arma sconta, cussì capì de soli e magari i furlani, che ga spie e lofi pertuto, no i capissi, ché i xe un poco tanechi per ste robe!

Come aparechi i me ga dito che dovessimo gaver comprà i veci Struka dei gnochi dela seconda guera, li gavemo pagai poche fliche ma i ga dito che i iera ssai ben tegnui!
Bon dei muli, ve tignirò agiornai.
Viva l’EPLF!

Quel dela Quela on Facebook

Tag: , , .

12 commenti a Le invasioni furlaniche: Pepi S’ciavo Furlan e il secondo campo de panoce

  1. susta ha detto:

    Altro che “Ostia remengo suo”!!! Aaah jessusmària… mi no posso creder, no posso creder… Pepi: sc’iavo, triestin, furlan… ma no ghe vegnerà una crisi da scantinamento de l’identità giografica, che dopo el sera botega, no..? Come “Quala?” Quela, ah..! In via Cassa de Risparmio po’, l’unico Pepi s’ciavo sula facia dela tera… Ma ‘sti furlani, malorsiga su’ mare, ma propio mai, star un poco co’ le man in man?? Che po’ mi go un’altra paura, anzi praticamente una certeza, e za me vedo la scena, come piturada in testa: i Strukas de la Roian Air Force va in mission sora el Pepi s’ciavo furlan, e oviamente i provoca un efeto cluster bomb sul prezioso calderon: sichè se spandi per tuto boboli de porzina, de cragno e de coto, e financo de lingua e cotechin, con tanto de schize de senape e spruzade de cren de farghe vignir le lagrime ai oci anche a un moribondo… figurarse ai muloni del Esercito Patockista! Che i xe, sì, valorosi, ma tanto sensibili ale papille… Me li vedo: sderenai, distirai, co’ l’ocio de ribon e el soriseto beato, slonfarse de tuto quel ben de dio desmentegandose dela sacrosanta bataglia. Non oso po’ gnanca pensar se qualche bidon de bira se sbusa a causa de un proietile e, bionda o scura, la comincia a sgorgar a biondodio… No xe per voler esser disfatista, però scolteme mi, no gavemo speranze.

  2. Laveciacolatecia ha detto:

    Podesimo pararse coi scudi de pan nero: guantemo i boboli de lingua co la feta de pan e magari anca el cren, la panzeta pol star anca sola, el coto co la senape e pei capuzi femo co un piato. Cusì, batemo i lanfur e se femo anca una bela magnada a gratìs!
    ; )

  3. Diego Manna ha detto:

    ah ah, bel nick, me ga fato vegnir in mente questa nova:
    vecia co’ la ve ciacola 😀

    saria de controlar se la esisteva za…

  4. Diego Manna ha detto:

    anzi, diria che xe tripla:
    vecia cola: vecia co’ la ve ciacola

  5. Mato col muf ha detto:

    E meno mal che no t’zon ‘nda vanti verso el confin, che se te vedevi el ristorante “Furlan” tocava portarte in manicomio

  6. Flores ha detto:

    la vecia cola tecia co’ lombrelin de sol la ingruma le cagoje la le meti in tavajol. El cin* che ga vista nel mezo del giardin, el ghe ga dà una sciafa el ghe ga roto l’ombrelin.”

    *chissà se “cin” per esigenza poetica sia forma contrata per “cinese”? urremengo zà quela volta dela veciacolatecia i iera quà de noi?

    tornando a… bomba! zò le man de Pepi S’ciavo! che sto plagio no ghe lo passemo lissio .
    ‘ncora no ghe ga bastà a sti vanzadori de lanfur el cancan co’ i ghe ga scopiàzà el nome del vin ai Ungaresi che i ga preteso e otegnù ch’el suo de lori se ciami Tocaj e basta e el suo dei lanfùr masimo masimo che el ghe possi passar cola dicitura ” friulano” .
    come dir no stemo confonder la lana cola seda…

  7. Flores ha detto:

    O.T.: Mato col muf? DA SPOSAREEEEE!

  8. brancovig ha detto:

    Però per mi xe punto per noi.
    Le zibarie de pepi sciavo anche in te quel de Udine e i furlani che ripudia el Frico e ghe da de Porzina.

    SAI ROBA, altro che panocie e do balete da mais. Invasion de viena, crauti, kren, cragno e cotto in crosta. Staqua xe una armada

    l’unica roba xe el nome. Podeva ciamarlo buffet da Loris, ma anche qua el marchio triestin domina.

  9. mato col muf ha detto:

    Si, armiamoci (de pironi) e partite (per Udine). Conquistemo la capitale dei lanfur a colpi de porzina e cragno (con senape e cren).

  10. mato col muf ha detto:

    O/t Flores. Solo se te son una cavalona co minimo la quarta. Marantighe no voio (e nianca vece co la ioza che ghe casca in tecia)

  11. Flores ha detto:

    mi inveze a un mato posesor de un muf cospicuo ghe fazo venia s’el difeta de qualche misura “canonica”…
    intendo de statura, ahahah!

  12. Bibliotopa ha detto:

    Per le invasioni furlaniche: gavè letto in Corso digo Corso Italia, el Corso de Trieste, un striscion dela Barcolana, e de fianco scritto:
    ” TIPICAMENTE FRIULANO! ????
    ma che i vadi a bordesar sul Lago de Cavazzo!

Lascia un commento

Il tuo indirizzo email non sarà pubblicato. I campi obbligatori sono contrassegnati *