12 Settembre 2010

La Lega Nord ha scelto Franz, che ha sposato Blanka, ma i parenti no vol. Il Beautiful Patoco

Le ultime notizie di attualità, fra politica e cronaca, portano un po’ di confusione in giro per la città.
Andiamo ad ascoltare cosa ne pensano Ucio e Pino, che per sta volta non si sono trovati nel solito cantiere ma hanno scelto di passare la domenica nel campo di lavre a Barcola.

EL CANTIER DE UCIO E PINO
Povero nostro Franz

-Ciò Ucio, te ga visto che bravo che xe sto mato?
-Si mi lo seguo da parechio, el xe qua ogni giorno che el se alena a butar la lavra, el ga fin una lavra tuta sua, col pupolo del’alabarda inciso de sora!
-Ah ma ‘lora te lo conossi? E come el se ciama?
-Franz!
-Franz? Quel Franz?
-Quel qual?
-Come no te sa? Quel che tuti parla desso, che tuti lo vol tuti lo zerca.
-Orca no so gnente, cossa mai el gavarà fato per esser cussì zercà? Pupoli?
-Ah ah no, te conto mi. Giusto ieri sul bugiardel xe vegnù fora la notizia che la Lega Nord vol sostituir Balaman con Franz, ara qua:

-Ah Balaman quel che voleva solo i auti blu. Bon mi el me sta anca cocolo sto mulo, ma incaponirse cussì tanto sul color dei auti me par un poco esagerado, noi ne saria andà ben qualsiasi color, magari gaverla l’auto!
-Eh ma co ierimo putei noi iera guera, te sa, sti fioi moderni qua no sa cossa vol dir, e i se perdi drio el color dei auti.
Bon comunque tornando al nostro Franz, insoma desso lo zerca la Lega, ma fin qualche setimana fa el iera drio sposarse con la badante, Blanka, e el gaveva ‘ssai pupoli coi parenti che no i voleva sto sposalizio, ma ala fine sul bugiardel i ga scrito che i ga fato, che i se ga sposà tuti ‘ssai felici e i ga anca messo la foto del sposalizio. Ara qua:

-Ah ma desso che te me mostri me ricordo si de sto Franz! El iera squasi ogni giorno sul giornal per sta storia del sposalizio! Bon, te dirò che mi son ‘ssai contento per lui che el se gabì sposà, el sarà sicuro più contento!
-Mah, mi inveze no so sa cossa pensar, per mi i scrivi ste robe solo che per insempiar la gente. No i ga cossa scriver, e alora i se inventa ogni giorno una su sto povero Franz, che magari gnanca no esisti. Ara le foto dei, gnanca no i se somiglia.
-Ma cossa mai dei, varda ben. Anzi sa cossa te digo, per mi el sposalizio ghe ga fato ‘ssai ben. Ara anca le foto, ara che più morbin che el ga nela foto de ieri, dopo che el se ga sposà!
-Si forsi te ga ragion ti, el me par quasi ringiovanì come. Ma desso che la Lega lo ga scelto, no ghe tocherà miga tornar a lavorar no? Speremo che i lo lassi in pase goderse la veciaia, magari podessimo ciamarlo in cantier con noi a beverse un otavo, coss’te disi?
-Eh no so, desso ormai el xe un VIP, no gaverà ‘ssai tempo per pomigar…
-Ah, povero nostro Franz…

Quel dela Quela on Facebook

Tag: , , .

7 commenti a La Lega Nord ha scelto Franz, che ha sposato Blanka, ma i parenti no vol. Il Beautiful Patoco

  1. arlon ha detto:

    “No i ga cossa scriver, e alora i se inventa ogni giorno una su sto povero Franz, che magari gnanca no esisti. Ara le foto dei, gnanca no i se somiglia.”

    Nah, l’uhnico Franz xe sto qua! http://www.yellow-net.com/drink-tips/FranzJosef%27sportrait.jpg

  2. Flores ha detto:

    che bel ch’el iera Franz de mulo, coi sui mustaci cola sua divisa cola fassa e le medaie…Tuto pulito e in massimo ordine!
    però cole babe, jessusmaria ‘ncora nol saveva cos’ch’el gaveria tribolà cola prima.
    Speremo che cola seconda, sta Blanka la ghe vadi mejo. Che la scovi la cusina e che la neti el fogoler. Perchè la prima, magari la ghe iera bela come el sol, ma noma che cavai, viagi e diete la gaveva per la testa!

  3. Riccardo Laterza ha detto:

    HAHAHA Ben fatta, Diego!

  4. arlon ha detto:

    @Flores: fazo notar i mustaci rossi in tinta 😀

  5. Paolo Geri ha detto:

    La mitica signora Debegnac (“La Cittadella”) ha dichiarato “mi credo che i scrivi ‘ste robe solo per insempiar la gente”.

  6. Flores ha detto:

    seriamente parlando, bisogna conoscere queste situazioni di anziani abbandonati da “parenti serpenti” ridotti a pagarsi servizi alla persona, commissioni e perfino un sorriso e quando tutto ciò si incarna in un pezzo di badante che ovviamente lo fa per il guadagno e lo condisce con un pò di umanità, al crepuscolo della vita il pover’uomo si “sdebita” con gli sponsali, sia pure scambiando forse … lucciole per lanterne, ma proprio nella misura in cui è stato lasciato solo “al buio” da chi per legami di sangue o acquisiti avrebbe potuto fare un po’ di più per lui anziché limitarsi alla contabilità dell’eredità…

  7. Flores ha detto:

    evviva ! “AMOR (???gulp!) VINCIT OMNIA!”
    riconfermada la validità delle nozze del “povero (ricco!) nostro Franz ” con la corpulenta badante onnicomprensiva. Detto senz’ombra d’ironia. Probabilmente la neo sposa aveva svolto il suo lavoro/missione con dedizione e quella comprensione e attaccamento
    che il parentado avrà negato,dando per scontata la successione anche senza merito.
    La siora Blanka gaverà capì tuto, dedicà tuto e ‘desso guanterà tuto….
    ONNICOMPRENSIVA PO’!

Lascia un commento

Il tuo indirizzo email non sarà pubblicato. I campi obbligatori sono contrassegnati *