ADVISORY: notizia basata sul “i me ga dito”
El Quel dela Quela apre oggi un’ennesima nuova rubrica di storie strampalate basate sul rigoroso “i me ga dito”.
Allora:
I me ga dito che l’altro ieri due muli iera a Barcola al bagno in Pineta a tirar clanfe. Fato sta che a un certo punto i ga tirà una bomba americana (questo particolare no i me ga dito, ma zonto mi per zontar particolari picanti) e i ga completamente lavà do vece (cussì i me ga dito, mi riferisso, se per caso no le iera vece no le devi rabiarse con mi) sui loro sugamani. E par stranamente che le do vece no ga aprezà questo che xe un dei più grandi atestati de stima da parte dela muleria triestina 😀
Morale: xe rivadi i tubi in montura e ghe ga fato la multa ai do poveri muli (questa parte dela storia xe confermada, no se sa però cossa i gabi scrito esatamente sul verbale. Forsi “no se pol”).
Mi credo che i se stava alenando per l’olimpiade dele clanfe del 31 luglio. Se cussì xe, xe un scandalo. Xe come multar Del Piero che per sbaio ciapa con una balonada un vecio mentre che el se alena per el mondiale 2014.
Se volè segnalar qualche notiziona de questo calibro che “i ve ga dito” scrivè a manna@bora.la. Però devi esser vere, o come minimo dovè esser convinti che le sia vere almeno voi.
e no gavevo riferì all’Autore del Monon Behavior che “the old babbions deeply hate clanfadores…” che cole clanfe ghe ruvina la piega fresca de frisèr e che i li manda a remengo?!
…però che strighe ara!
xe vero…se pol dir che te gavevi previsto quasi tuto! 🙂
gavevo previsto quasi tuto Maestro Diego, alora un poco striga anca mi?!
Oggi sul Piccolo un articolo che i tuffi ai Topolini non sono vietati e che i ragazzi non sono stati multati. Anzi, critica a chi ha messo il cartello Tuffi vietati.
brava bibliotopa, stavo per scriver la stesa roba 😉
ocio che stasera a riguardo esci su Bora.La ben due articoli 😉 stay tuned!
Cmq la multa xe l’unica parte dela storia confermada da testimoni oculari. Però no se sa el perchè, mi credo che sia ben più probabile che i li gabi multai per disturbo dela quiete publica, o simili, che anche ghe pol star.
Cossa ?! ‘lora vien fora che tuto sto remitùr xè colpa de Bora.La?! jessusmaria, tipo autogol come…
Bisogna codificar el solo termine “clanfa” in sta acezion.
“bomba americana” magari podessi gaver una chiave de letura che ghe fazi inombrar ai islamici…forsi el vero motivo dela multa sta nella forma più che nela sostanza.