Le invasioni furlaniche: i temibili apparecchi furlani Freeco Speeder

Dopo un mese di silenzio, finalmente arriva la nuova missiva dal fronte del nostro T. Patoco con il suo Esercito Patockista de Liberazion Furlanica. Vediamo quali sono le news.

Le puntate precedenti:

T. Patoco trova un campo de panoce in Quel di Basovizza e se impizza.

T. Patoco trova la dicitura “ufficio scolastico per il Friuli” su un certificato di maturità dell’Oberdan e se impizza. Nasce e parte l’EPLF.

T. Patoco ci aggiorna da Barcola sullo stato dell’avanzata dopo due settimane. Primi longhi per l’EPLF

T. Patoco scopre l’esistenza del paese di Patocco e se impizza.

T. Patoco scopre che Virgilio fa risorgere i friulani nelle risorgive e che Antonio, il dinosauro, è diventato anch’esso friulano (e se impizza).

T. Patoco viene intervistato volentieri e se impizza un spagnoleto.

T. Patoco incontra l’assessore Violino e lo impizza.

T. Patoco scopre l’attacco furlanico a Piazza Unità e se impizza le luci blu.

Oggi:

LE INVASIONI FURLANICHE
I temibili apparecchi furlani Freeco Speeder

Carissimi concitati concitadini patochi, ve scrivo dopo tanto tempo in cui no me son fato vivo per dirve un do nove qua dal fronte de liberazion furlanica. Ierimo rimasti che i furlani i gaveva conquistà Piaza Unità e noi stavimo scuminziando a tornar indrio da Grado, dove che ierimo po’ e dove che semo anca ‘desso.
Bon, la notizia del’invasion iera tuta una monada per ciaparne in cheba. I smaferi furlani gaveva tuto preparà un sistema de busi int’el ploc de Grado per farne cascar drento co’ che ierimo in marcia verso Trieste. Bona de Dio che solo un de noialtri xe rimasto impegolà int’ele sabie mobili, e gavemo rivà anca liberarlo, quindi no gavemo gavù perdite. Xe però insindacabile che el contracolpo pissicologico de questo ataco subido xe stà pesantissimo, per quel ne xe vegnù in a mente de fermarse e riprender un poco el fià e le idee sempre qua a Grado, dove tra l’altro stemo fazendo azione de proselitismo per zercar novi adepti al nostro Esercito Patockista de Liberazion Furlanica. Per adesso ghe stemo chiedendo a tute le mule tra i 18 e i 35 ani se le vol vegnir con noi, ma no so come mai ma no gavemo ‘ssai sucesso. No xe più la muleria de una volta, desso le xe tute carigade, le ga lassà le cotole e no le se meti gnanca le braghe, le va in giro diretamente in mudande, co’ va ben. Ghe volessi un poca de guera, poco de far. Ma anca co’ xe guera no le ga voia de partecipar.
Bon dei, almeno stemo adestrando un pochi de cocai a atacar i furlani. Gaverè sentì no le news dei cocai cativi de Grado?
Comunque indiferente, ogi volevo contarve de una nova arma che i furlani stà doprando contro de noi. De co’ che i ga visto el Goldrache i ga subito volesto far qualcossa de più bel e de meio assai. E lora i se ga costruì sti aparechi spaziali che ve mostro, i LEGO Freeco.

I disi che i xe potentissimi, speremo che l’alabarda spaziale del Goldrache basti a masinarli. Tra l’altro sti furlani xe propio laboriosi, no xe passado gnanca un mese da co’ che i olandesi ghe ga fato pupoli per el nome frico che xe copirait olandese, e za i lo ga cambiado in freeco. Mai sotovalutar i furlani!
Tra l’altro con ste storie del tocai e del frico no se capissi più niente. Una volta per cior un frico e un tocai bastava andar in qualsiasi osteria furlana. Desso se go ben capì devo andar a cior el tocai in Ungheria, tegnirlo in fresco fin che rivo in Olanda, e là pena posso cior el frico vero. Per mi i fa ste robe solo che per insempiar la gente, remengo lori.
Bon muleria, ve tegnirò agiornai.
Viva l’EPLF!

p.s. grazie a marco per la segnalazion del temibile freeco speeder.