Fabrizio Corona al Mandracchio

Nuova rubrica per el Quel dela Quela: EL CANTIER DE UCIO E PINO. Migrando da cantiere a cantiere, Ucio e Pino provano l’ebbrezza della trasgressione e, invece di commentare il lavoro degli operai, commentano i fatti di cronaca. La rubrica uscirà ogni venerdì, a parte quando Pino o Ucio vanno al bagno al pedocin, o quando sono in osmiza, o quando non ci sono cantieri, o quando questi sono in altri giorni. Insomma uscirà a spizzico magnifico. Oggi commentano l’evento del giorno: Il moderno Robin Hood al Mandracchio.

OSTIA, XE FABRIZIO CORONA AL MANDRACCHIO

“ciò Ucio, te ga savesto che ogi ghe sarà Fabrizio Corona al Mandracchio?”
“Chi ga comprà el tizio camoma del cachio? De chi te parli? Del’unione? Remengo, ne mancava solo un tizio camoma. Za me ricordo co zogava Criniti che’l bagolava pel campo…iera come zogar col zoto…e chi saria sto mato che riva?”
“no te ga capì, riva FA-BRI-ZIO CO-RO-NA, quel che se missia con Belen”
“cossa el missia col velen? El matavilz? orca spero che no ghe fazi mal! Mi digo che i dovessi proibir ste robe, dopo sti mati manda in remengo la sanità, e paghemo tuti, anca mi e ti, come al solito po’. Co sventolava polenta e sepe no i lassava.”
“ma no velen ostia tua, Belen, Rodrighez, la balerina. E rimetite suso sto aparechio acustico!”
“Si scusime. Ah ma desso me vien in amente chi xe sto camoma che te disi ti! Xe quel che iera anca in canon! Quel che ga dito che’l se senti un moderno Robin Hood, che’l ruba ai richi per dare a sé”
“si si quel Ucio, proprio quel. Stasera al mandracchio”
“e cossa saria sto mandracchio?”
“una discoteca, dove i putei va balar”
“e sto Camoma va balar anca lui?”
“bah, i ga dito che no se sa cossa che’l farà. Che’l rivarà sicuro dopo de la 1 de note e che forsi el ciogherà l’aparechio per parlar forte e el conterà la storia del’orso, o forsi el firmerà autografi e basta.”
“e no el ghe ruberà ai richi?”
“ma coss’te vol, a trieste no ghe xe richi, ‘ssai mal la ghe va”
“te ga ragion ti, a chi tuto sparagna el diavolo ghe magna”
“bon, comunque xe previsto cinematografo, lui ga dito che el xe un personagio dificile, che o te lo odi o te lo ami”
“ah cussì el ga dito?”
“si proprio cussì”
“ma sa ‘na roba Pino?”
“dime”
“mi te dirò che inveze no lo go gnanca pal daùr”
“ah ah bela Ucio. sa coss’che te digo? Gnanca mi”
“alora sa cossa faremo noi do stasera?”
“no, dime”
“andemo drento un poco prima, per le diese, o per le nove, e se femo un per de otavi de quel bon. E dopo ghe disemo al’oste che el meti pur tuto sul conto de Camoma, che con lui semo ciò mi ciò ti, e che el riverà dopo de la una. Tanto sto Camoma sarà pien de fliche e se el ga un poca de creanza sicuro no el farà pupoli se el devi tirar fora un do bori in più, sicuro no el resta in braghe de tela.”
“Bela Ucio! Ghe disemo che bori sarà co noi no saremo dei! Ma sa cossa? A sto punto andemo un poco prima, per le oto, che magari se ghe chiedemo ne fa anca un bon panin de porcina col kren! El tuto ala salute de Camoma!”
“Salute!”