13 Dicembre 2009

Miss Topolona n. 7: Cammello Giulio

Oggi presentiamo il settimo candidato a Miss Topolona. Il più amato dai bambini. Anche quelli interisti, nonostante sia gobbo di nascita.

MISS TOPOLONA N.7: CAMMELLO GIULIO

Er Cammello Giulio

Altezza: Dipendi da che goba te misuri. Età: Un in più del’altro ano po’. Capelli: Come te fa saver? “Capelli” xe la mia strofa preferita del Gioca Jouer de Claudio Cecchetto!
Occhi: Ocio de soto! Taglia: Ma taia ti dei! Professione: Me tirè fora per far un poco el paiazo a Nadal e dopo no me gavè più pel fioco.

Segno Zodiacale: Luganiga. Come no esisti??? Margherita Hack me ga dito che esisti, vien prima de Porcina!!! Tra l’altro xe un dei segni più fortunadi e sopratuto rari, come disi el famoso deto “Xe più giorni che luganighe”
Da grande… : Vinzerò quela maledeta gara de spudi a cui me iscrivo sempre. Me frega sempre el lama in finale, maledizion! Speta che te mostro che bravo che son…vara là quel vecio bacuco che camina…ptù! Visto? Becado giusto sul clabuc!
Ultimo libro: De quei veci, co che la carta iera ssai bona, no come quele patinate moderne che me resta sul stomigo. Ah ma cossa i libri se legi??? Ah quei scaraboci neri drento xe parole??? Mi pensavo che fussi una salseta!
Squadra preferita: son gobo dala nascita, juve forever!
Ti definisci: Boba con la goba, bobana magna gubana.
Personaggio cinematografico che vorresti interpretare: El gobo de Notre Dame.
Il viaggio che sogni: Sicuro no nel deserto. No ste scoltar quei balordi che disi che semo “la nave del deserto”. Che vadi lori dei!!!!!!
Un giorno da divo: Cossa mai un giorno…mi son el divo de Trieste per tuto el periodo natalizio. In realtà preferiria esser el divo del’olimpiade dele clanfe, ché d’estate xe un pochetin meno zima, sa come xe…
Come ci si sente a far parte di un presepe: Ogni tanto me sento un pochetin stranido…ma Fini me ga spiegà el perché: xe pien de extra-comunitari!
Cantante preferito: Pilat co che el canta “Goba tu mare, gobo tu pare, ga dopia goba el cammello iera gobo pure quello iera gobo pure quello”. Come no fa cussì??? Mi la so cussì, no so cossa scoltè voialtri…dopo la va vanti cussì: “E quando che a Trieste xe rivà l’incrociatore, via i furlani col tratore via i furlani col tratore, e quando che a Trieste xe rivà la nave Audoce, via i furlani a cior panoce, la famiglia dei gobon”! Come no fa cussì??? Come no se ciamava Audoce??? Audace??? Cossa mai, no fa rima con panoce!!! Ma come, mi savevo che i mati xe vegnudi nel 1918 con l’incrociatore Audoce a liberar Trieste dalla ditatura furlana!!! Ma che storia gavè studiado voialtri??? El glorioso impero Austroungarico? La Defonta? Dove? Quando? No conosso. Me par che me ciolè pel fioco.
Punto debole: Son un poco credulon e la gente me inzingana facile contandome monade.
Punto di forza: Go spritz nele gobe, no acqua. Infati son sempre alegro andante con brio (Uso Brio Blu Rocchetta per far el spritz – puliti drento e belli fuori!-).
Vinci 1000 euro come li spendi: Ve compro un bel presepio virtuale e mi scampo con le muche in un posto più caldo che qua xe zima. Xe tuto el tempo che ghe buto sardoni (oooops!!! ALICI!!!!) a quela muca là…IMG_9306-13

(da un’idea di Ivan Doglia e con il contributo di Davide Lessi)

Tag: , , , , .

5 commenti a Miss Topolona n. 7: Cammello Giulio

  1. Enrico Marchetto ha detto:

    ci ho scritto un racconto di Natale per Bora.La su quel cammello

    https://bora.la/2006/12/19/safari-storia-natalizia/

  2. susta ha detto:

    Mi no son propio sicura, ma forsi voto per Giulio (Giulio… goba… parente de Andreotti?).
    Però sicuro voto per Enrico Marchetto e pel suo “racconto di Natale”.
    Lo go trovà sai autentico, imediato… insoma: bel.

  3. Flores ha detto:

    Ma ” quando le Feste finiscono ” e quando “…gli amici se ne vanno” e “spengono le luci, tacciono le voci” e cavano santi e pastoreli, al gobeto Giulio secondo*, fin al prox Nadal ‘ndove i lo meti ?

    * De Giulio primo, nominà gobeto a vita, no me preocupo più de quel tanto…

Lascia un commento

Il tuo indirizzo email non sarà pubblicato. I campi obbligatori sono contrassegnati *