Miss Topolona: Furio Cinghialon

Oggi presentiamo il quinto candidato al concorso di Miss Topolona, Furio Cinghialon.

MISS TOPOLONA N.5: FURIO CINGHIALON

Altezza: burp Età: 5 ani, la so lunga Capelli: magno anca quei

Occhi: burp Taglia: taiar cossa? No son ancora parsuto Professione: infestador

Segno Zodiacale: toro. Riuscì un poco mal, ma comunque toro.
Da grande… : parsuto.
Ultimo libro: la fattoria degli animali. Se invece dei porzei iera i cinghiali, el finale saria stado diverso, noi semo più democratici.
Film preferito: il silenzio dei prosciutti de Ezio Greggio. A mi me piasi el cinema de cultura.
Ti definisci: burp.
Personaggio cinematografico che vorresti interpretare: ara, mi xe da ani ormai che ghe digo ai mati dei penei de rinovar quela publicità del piffero: “devi dipingere una parete grande? Ci vuole un pennello grande! Cinghiale!”. El witz farà anca rider, ma con mi come testimononial saria tuto un’altra roba.
Il viaggio che sogni: fora de Melara senza che tuti ogni volta fazi tanto casin per niente. Vece che ne dà de magnar, auti che se ferma, mati che ne fotografa, fioi che scampa…ciò, molene dei!
Un giorno da divo… Chi: Bisteccone Galeazzi.
Cantante preferito: Sardoni Barcolani Vivi, con “Go un cinghial in giardin”.
Punto debole: el sindaco Of Square ga dito che doverò diventar parsuto.
Punto di forza: tiro dei ruti spetacolari. Son indeciso se iscriverme ala gara de potenza o de durata. Stago anca fazendo un corso de dizion perché voio provar a dir “rosigado al popoci da un cinghial de melara, solo e sui genoci son ‘ndà fin catinara” rutando.
Vinci 1000 euro come li spendi: meto su una maceleria e fazo parsuti coi cinghiai dele bande rivali, cusì divento rico e ve risolvo el problema che disè che semo tropi.

Per partecipare anche voi inviateci le vostre schede di partecipazione debitamente compilate a mononbehavior@yahoo.it.