Re Carnevale legge il suo testamento

Zona franca, elezioni e caduta del confine sono stati i principali temi trattati dell’invettiva – sotto forma di testamento – lanciata anche quest’anno da Re Carnevale. Ecco alcuni dei passi più spassosi del testamento letto ieri in piazza De Amicis.
Gavemo ben digerido la caduta dela zona franca ga dito il Ghergeta dela provincia ala radio, come regalo de Nadal… sicuro col geton del presidente e l’avenir asicurado de pensionato conquistà co un mandato in consiglio regional el ga già la sua zona franca.. e che zona… Comunque goriziani ve sta ben, come sempre ziti o a porconar dal pepon e no in piaza Vitoria come per le multe televisive. Adeso però tuti i dixi che la ga difesa la zona franca… Il Valenti il gaveva dito, il Brancati gaveva avisado, il Ritossa a momenti che il pianzi, il Budin po no se lo ga nianca sentido, ma quel no se lo senti mai.

I parla de le polveri sotili, de la Livarna no cole polveri
spuzolenti che le riva giù de noi con tuto il resto, portade dala bora.
E giù col trafico limitado, però solo de qua del confin, me i se xe
acorti che adeso gavemo la bora europea, le polveri sotili europee, il
corno europeo e perchè il trafico limitado europeo no?

Elezioni de l’altro ano…piene de liste in barufa. Ben ghe sta, tuti guadi: il Tuzzi che se iera meso con cative compagnie, il Bellavite che con quel cognome podessi far il papa il se ga messo contro la curia, una cavalcava le multe, quell’altra il fumi de la Livarna, altri no se capiva cossa che i diseva. Stavolta se ieri il Fiorelli il diventava sindaco al primo round e ve lo vedè con Romoli all’oposizion? Roba de pagar il biglieto.

Capodano del cul a Gorizia. A proposito dove iera il Romoli a Capodano? Mistero… il Brulc invece iera col Brancati, almeno in television. Mi penso che il Brulc cercava il Romoli per pasar Capodano tra le due città, però no lo ga trovà e alora per no far bruta figura con l’Europa il ga fato mandar in onda la caseta del capodano pasà, tanto nisun se acorgi.

Ve laso con la bandiera nazional ancora desolatamente sola in castel senza quela europea
Ve laso con i favolosi sconti de l’Iris per portarghe soli le scovaze
Ve laso coi vigili urbani che i comincia a lavorar ale 8… e i cani che caga ale 7
Ve laso coi veceti de la casa de riposo de lucinico che adeso i pensa de sfrutarghe anche i escrementi per il biogas, no basta le rete de paura adeso i ghe darà lasativi invece de vitamine