Pupolo di Marco Englaro
22 Maggio 2018

Marineri, ocio de soto!

el sunto Ciacole no fa fritole, storie e pensieri in dialetto triestino, ogni martedì

PRIMA DE ‘NDAR PER MAR, DOVÈ RICORDARVE CHE:
Chi mal naviga, mal ariva e che In tempo de burasca ogni porto xe bon ma
Un bon mariner no perdi la rota basta che ‘l se ricordi che Una roba xe navigar, e un’altra l’arivar e anche se Tuti sa navigar col vento in pupa mai dismentigar che Un poco de ben e un poco de mal, tien la barca drita in quel che, inveze
Do capitani e la nave finissi sui scoi e, pezo ancora, Assai piloti barca per traverso.
SENZA DISMENTIGARVE CHE:
Bisogna girar intorno al scoio perché Barca senza timon va presto a fondo e anca se In nave persa tuti xe piloti e A barca rota ogni vento xe contrario pol finir tuto ben solo co A forza de dai e dai, la barca ariva ai pai perché solo Chi no naviga per mar, no sa dio pregar ma A barca disperada, Dio ghe trova el porto.
DOVÈ BEN CAPIR CHE:
A sto mondo bisogna saver navigar secondo de dove tira el vento e sicome
L’ancora sta sempre in mar e no la impara mai a nudar cussì Chi va do volte a pico, no’l ghe daghi la colpa al mar.
MA SORA DE TUTO, DOVÈ VARDAR SEMPRE EL CIEL PERCHÉ:
Rosso de sera bel tempo se spera – Rosso de matina la piova s’avicina –
Chi varda i nuvoli no fa viagio – Nuvole verdoline e negrete, tempeste e saete –
Coi nuvoli fa lana, la piova no xe lontana – Picola piova fa cessar gran vento –
Vento in pupa, mezo porto – Tramontana fosca e siroco neto, mariner no andar in leto –
Luna culcada, mariner in pie; luna in pie, mariner culcà in specie co Bonaza tempesta minaza!
E TEGNIVE BEN IN TESTA CHE:
Chi naviga contra vento, devi star su le volte – Meio andar a bragozi, che far la spia – Meio paron de barca che capitan de vapor – Meio negarse in un mar grando
e soratuto che xe Meio ciamar i osti in tera che i santi in mar – e che, se San Nicolò xe ocupà a vardar de un’altra parte, no ve resta altro:
CHE SAN GIUSTO VE VARDI!

Tag: .

Lascia un commento

Il tuo indirizzo email non sarà pubblicato. I campi obbligatori sono contrassegnati *