27 Settembre 2016

Ferriera Closing Party, la festazza

el sunto 27 settembre, il giorno del Closing Party della Ferriera, l'evento più cool de tuti!

Niente, go visto su facebook che da un poco de tempo, tipo 100 giorni, ghe iera l’aviso de sta festaza: Ferriera Closing Party, el 27 setembre. Figon! Par che se festegi el cronoprogramma per la chiusura del’area a caldo, almeno cussì xe scrito.
Figon!
Per no far figurini de damer, me son informà su cossa se fa come se va ecc, miga se pol capitar a un festin conzai come i ultimi mone insoma.
Alora me par giusto condivider ste info con tuti cussì che a sta festa no ghe sia nissun che no se diverti, che saria pecà.

DRESS CODE:
I disi che va ben tuti i vestiti fumè. I omini meo se in smoking, ma se volè far i sportivi podè meterve la blusa dela triestina.

MUSICA:
Dovessi esserghe el djset de dj Ghisa ma forsi al’ultimo ghe ga ciapado mal de gola per cui forsi che vien inveze dj Spootza che meti roba Industrial.
I disi che el dovessi però metera anca quela bela:

Comunque schei per la SIAE i ga per via che i ga dito che i sparagna sula machina del fumo.

A fine serata vien anca dj Bronchenolo che gaveva za messo musica nel’aciaieria dei Simpson.

SPECIAL GUEST STAR
Forsi adiritura ospiti speziali  i Deep Purple che per l’ocasion i se ciamerà Deep Black e i farà Smoke on the Water in triestin, che saria Fumo sul Condoto, per cui no i starà sul palco ma sentadi sul cagador intanto che i la sona, fumando.

DRINK:
Par che ghe sarà el famoso cocktailman francese Garbereaux che prepara robe speziali in base a quel che ghe ispira el posto indove che el se trova.
Per el Ferriera Closing Party par che el gabi preparà sta lista:
COKETAIL:
Black Servolan
Coke Libre
Long Altoforn Ice Tea
Arvedi Dry
Negroni
Pina Colata
Irish Coke
Ginger Alè Unione

MAGNAR:
Prevista grigliata tanto carbon in Ferriera no manca.

DROGHEZZI:
Come in tute le festazze, ghe sarà i droghezzi. Ma niente roba pesante. Solo un poco de fumo certificato by pusher hashiahieria.

SPETACOLI:
Previsti foghi fogheti e spuze per tuti i gusti, dal’ovo marzo al drek su stek.

PER I FIOI:
Chi che vol pol portar anca i fioi perchè i ga studiado un angolo indove imbusarli aciochè no i rompi le balotole. Ghe sarà Boba Natale (xe crisi el ga de lavorar anca prima de nadal) che ghe farà de Bobe-Sitter dandoghe carbon a tuti.

ORARIO DE CHIUSURA:
No xe problemi se pol andar avanti a oltranza per via che tanto sul’AIA xe scrito che per 30 mesi se pol far quanto casin che se vol basta dir che se sta giustando la diavoleria.

PERMESSI:
Dovessi esser tuto a posto perché xe stado fato tuto ben e per iscrito.
Se salta tuto xe sicuro colpa del mulon qua soto in mezo che evidentemente no ga fato la fotocopia o la ga imbusada invece de tegnirsela, nonostante la ciara e perentoria disposizion del sindaco. Cativo!

PACCO DELL’ULTIM’ORA:
Ebbene sì, per cause che esulano dalla volontà degli organizzatori, la festa è rimandata al 27 settembre 2021. Almeno cussì xe scrito sula pagina facebook:
ATTENZIONE-MISUNDERSTANDING: I primi 100 giorni non decorrono da queste elezioni ma si riferiscono al PROSSIMO MANDATO DEL SINDACO, quindi:
We are coming: “FERRIERA DI SERVOLA: CLOSING PARTY 2021 – Only the brave”.
SCATTERA’: The final countdown: 19 giugno 2021 – 27 settembre 2021.
Dj Smog & Mechanical sound

Bon dei, tegnive le prevendite che magari le valerà ancora.

Tag: .

Un commento a Ferriera Closing Party, la festazza

  1. fabio ha detto:

    ma cosa prevedeva il contratto in caso di inadempienza da parte del sindaco? le famose “dimissioni e tutti a casa”?

Lascia un commento

Il tuo indirizzo email non sarà pubblicato. I campi obbligatori sono contrassegnati *