5 Settembre 2013

Ciano Mitraglia e il Civapcicio del Destino. Ovvero el CD de Maxino xe in libreria, corè ciorlo!

Riuscirà Ciano Mitraglia a salvare il mondo?
Il Mostro Osoppo verrà fermato?
Il Civapcicio del Destino verrà realizzato?
Queste e moltre altre risposte all’interno dell’OPERA-(ta)ROCK di Maxino
“CIANO MITRAGLIA E IL CIVAPCICIO DEL DESTINO”
Una storia intricata, con tanti personaggi, correndo su testi dialettali all’interno di mille generi musicali, snodandosi sui binari della demenzialità intervallata anche però da spunti sentimentali e seri.

(Questo xe quel che ga scrito Maxino sul suo sito, comodamente copiaincolà qua.)
“Ciano Mitraglia è un personaggio del quale vi innamorerete dal primo istante”
ROLLING STONE MAGAZINE
“Una verta totale, porco giuda”
BRIAN ENO
“De sbregarse de rider”
ALDO GIOVANNI E GIACOMO
“Se fossi ancora vivo gavessi cantà volentieri un due tochi mi”
ELVIS PRESLEY

(Questo xe quel che par che gabi dito i altri, ma no so se xe vero.)
Bon, e desso quel che digo mi:
Maxino doveva far un cd che ingrumassi le sue canzoni più qualcheduna nova. E invece, col passar del tempo, el se ga inventà qualcossa de geniale. Perchè al mulo le robe semplici no ghe piasi, se vedi che el dormi poco de note ah! Alora el CD, dela prima al’ultima canzon (26!), xe praticamente un raconto. Una storia. Un’aventura grafica senza grafica quasi. Ma cola musica, ecolo. Insoma, xe per bon un’opera. E mi credo propio che prima o poi saria bel vederla in qualche teatro, meritassi. Insoma xe la storia de un tartaion, Ciano Mitraglia apunto, che ga de salvar el mondo. Bon, solito po’, robe de ogni giorno.
Ma la roba che più me piasi del cd xe che dentro no ghe xe solo che el famoso e ben conossù umorismo demenziale de Maxino, ma ghe xe ben de più. Chi che no lo conossi ben e che magari lo ga solo scoltà superficialmente, se acorzerà finalmente dela vena poetica del mulo, che a mio veder xe un artista (e genio musicale) che va ben oltre le ridade. Qualchidun magari storzerà el muso perchè qualche canzon no xe divertente, ma sicuramente la magior parte de chi che lo scolterà se emozionerà. Ridade e brividi insoma, un insieme de emozioni completo.
Presto un video in preview. Per ora el trailer!

El cd, publicà de noi de Bora.La, se trova in tute le librerie più bobe de Trieste. Insoma le solite dei, quele che ga anche Zinque bici, do veci e una galina con do teste, Polska… rivemo! e Per bon, for real.
Semo ‘ssai contenti de contribuir con ste publicazioni ala cultura dela nostra cità e ai sogni e aspirazioni dela giovane muleria locale. Bon, noi zerchemo de far el nostro.
Desso se ne volè ben podè contribuir anche voi, corendo comprarlo (bon, podè anche andar caminando, no xe furia). Basta che no ve lo masterizè, no ste far le spinazze! Dei che la confezion xe bela e fata con tanto amor!

Cossa costa? Prezo popolare 10 euri! Come anche tuti i libri 🙂
Potete anche acquistarlo comodamente online qua, sula Botega del Litoral!

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a [email protected]

Tag: , , .

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.